Policia e Ferizajt arreston 5 persona

Published

3 years ago

19 November, 2021

Drejtoria rajonale e Policisë në Ferizaj ka arrestuar pesë persona nën akuzat se kanë shkretuar dhe vjedhur dru në Parkun Nacional “Sharri”.

Në konferencën për media, Drejtori Rajonal i Policisë në Ferizaj, Basri Shabani, tha se gjatë këtij aksioni janë bastisur disa lokacione në fshatin Strazhë dhe zonat përreth.

“Fillimisht në dy lokacione në pyjet e Parkut Nacional janë kapur në flagrancë dhe arrestuar 10 persona duke prerë dru dhe duke ngarkuar masë drunore në kamionët dhe traktorët e tyre të modifikuar. Në të njëjtën kohë në pesë lokacione – në fshatin Ivajë në dy lokacione, në fshatin Rakaj, në fshatin Dubravë dhe një në fshatin Sllatinë – janë kontrolluar nën dyshimin se të njëjtit që një kohë të gjatë janë duke u marrë me dëmtimin e Parkut Nacional dhe prerjen e drunjve”.
Basri Shabani – Drejtor Rajonal i Policisë në Ferizaj

*Basri Shabani – Drejtor Rajonal i Policisë në Ferizaj*

Shabani bëri të ditur se 5 personat e arrestuar, me vendim të prokurores së rastit janë dërguar në mbajtje për 48 orë derisa tetë të tjerë janë liruar në procedurë të rregullt.

Ai tha se gjatë këtij aksioni janë konfiskuar armë, municione, para, mjete transporti dhe mjete pune.

Prokurorja e rastit, Ajtene Zoni tha se personat e arrestuar janë recidivist, pra janë të njohur për policinë edhe për raste të mëhershme të vjedhjes së pyjeve.

“Janë të njohur personat, si për policinë, njashtu për prokurorinë edhe për gjykatën. Një ndër ta ka aktgjykim të plotfuqishëm, do të thotë janë të dënuar, janë kryesisht për veprën penale vjedhje e pyllit. Janë dëmtues të rregullt, janë recidivist”.
Ajtene Zoni – Prokurore e rastit

Sipas prokurores Zoni, personat e dyshuar për vepra penale e vjedhjes dhe shkretimit të pyjeve mund të dënohen me burgim nga 6 muaj deri në 5 vite.

Lëndohet një person në vendin e punës në Ferizaj

Published

1 day ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

3 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

3 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.