Ferizaj

Famullitari i Ferizajt uron shëndet, bekim e mirësi në festën e Krishtlindjes

Published

5 years ago

25 December, 2021

Me rastin e festës së krishtlindjes, sot në kishën “Engjëlli i Rojës” në Ferizaj u mbajt mesha për ditën e Krishtlindjeve, të cilën në prani të shumë besimtarëve, e udhëhoqi famullitari Don Viktor Sopi.

Në ditëlindjen e Jezusit, që paraqet njërën ndër festat më të mëdha të botës krishtere, Don Viktori përcolli mesazhe të paqes dhe të urimeve për besimtarët katolikë dhe për të gjithë qytetarët e Ferizajt.

“Këto ditë e kemi fjalën shekullore, shumë shekullore dy mijë vjeçare për shumë mot lindja e Krishtit,për shumë mot kërshëndellat dhe kështu shprehemi këto ditë të krishtlindjes, me një shpresë me një gëzim që njeriu nuk është i vetëm i kapluar nga errësira por erdhi drita e hyut, që krijesën më të çmuar që është njeriu ta shndrit, ta ngrit, ta udhëzon drejt shtigjeve të jetës së amshuar. Pra t’i afrohemi Betlehemit ja këtu simbolika e betlehemit, betlehemi do të thotë buka e jetës, buka e cila zbret nga qielli, prej Zotit ajo bukë është Krishti që nuk e mohon askush ne t’i besojmë hyjnijës së tij dhe me të orientojmë jetën tonë dëshirat tona të bëjmë ecje plot dashuri e dëshmi ndaj të gjithë njerëzve të vullnetit të mirë. Pra ju uroj juve qytetit tonë të Ferizajt të gjithë njerëzve vullnetmirë, mediave të cilat janë këtu prezent që përcjellin çdo ngjarje me përkushtim, paçi shëndetin dhe bekimin, paçi atë mirësi që Zoti na dhuron dhe me atë mirësi të jetojmë duke shpresuar se dhurata e Zotit që e kemi e kemi jetën, do të ja falim atij e do të ndihemi ne më të sigurt më të lumtur drejt atyre objektivave që secili nga ne që i kemi në këtë jetë kalimtare, për shumë mot e gëzuar krishtlindja.”
DON VIKTOR SOPI – Famullitar i kishës “Engjëlli i Rojës”

*DON VIKTOR SOPI – Famullitar i kishës “Engjëlli i Rojës”*

Pas përfundimit të meshës, në një pritje joformale Don Viktor Sopi me bashkëpunëtorë pranuan urime nga mysafirët e rastit, deputetët e parlamentit të Kosovës Elmi Reçica dhe Enver Haliti, si dhe nga aktivistë të shoqërisë civile në Ferizaj.

Ferizaj

Një burrë theret me kaçavidë nga dy persona në Ferizaj

Published

4 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

5 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.