Ferizaj

Shkollat e Ferizajt “vlojnë” nga Omikroni, komuna hesht

Published

5 years ago

20 January, 2022

Përhapja e Covid-19 nëpër shkollat e Ferizajt po merr përmasa shqetësuese, sepse 44 nxënës, 8 mësimdhënës dhe 2 punëtorë teknik tashmë janë diagnostifikuar me koronavirus në 4 shkollat më të mëdha fillore të këtij qyteti. Mirëpo, përkundër këtij shpërthimi të rasteve tek fëmijët, autoritetet komunale e kanë vazhduar procesin mësimor me prani fizike të nxënësve në këto shkolla.

Sociologia e shkollës “Jeronim De Rada” Hatixhe Qazimi Misini tha se numri i nxënësve të infektuar në këtë shkollë ka shkuar në 30, kurse nga stafi rezultojnë 3 mësimdhënës pozitiv:

“Në fakt në shkollën tonë gjysmëvjetorin e dytë e nisëm me shpresë që të gjithë nxënësit dhe arsimtarët të jenë në procesin mësimor, por dolën që 3 prej tyre nga mësimdhënësit kanë rezultuar pozitiv dhe për momentin nuk janë në proces mësimor, janë të izoluar në shtëpitë e tyre, ndërkaq me paraqitjen e rastit të parë në një klasë nga një nxënës, kemi ftuar institutin në shkollë dhe ka bërë testime për klasën që kemi dyshuar që do jenë prekur edhe ata nga nxënësi, dhe kanë rezultuar diku sot ku po raportoj janë diku rreth 30 nxënës pozitiv që kanë rezultuar, megjithatë mësimi është duke vazhduar pa ndonjë skenar të Ministrisë së Arsimit që ka të bëjë me pandeminë.”

Nazmi Heda, drejtor i shkollës “Gjon Serreçi” të Ferizajt, tha se në institucionin që ai e drejton me koronavirus kanë rezultuar pozitiv 10 nxënës, 3 mësimdhënës dhe 1 punëtor teknik:

“Si kudo në Kosovë edhe kohëve të fundit, ditëve të fundit ka vërshuar vala të infektuarve me Covid-19, dhe kjo po ndodhë edhe në shkollën tonë në shkollë “Gjon Serreçi” ku deri tani brenda kësaj jave, pra kanë rezultuar pozitiv 10 nxënës dhe në proces e sipër janë në testim për ta verifikuar gjendjen e tyre shëndetësore. Natyrisht që në këtë pikëpamje kemi edhe nga stafi i mësimdhënësve, ku deri tani 2 janë pozitiv, dhe 1 mësimdhënës për shkak raporteve familjare që ka edhe ai duhet të jetë i izoluar, kështu që praktikisht në procesin mësimor na mungojnë 3 mësimdhënës dhe njëkohësisht ka rezultuar edhe 1 punonjës teknik ku fatmirësisht është në përfundim e sipër.”

Të prekur nga koronavirusi ka edhe ndër nxënësit dhe mësimdhënësit e shkollave fillore “Ahmet Hoxha” e “Tefik Çanga” të Ferizajt:

“E kemi momentalisht 1 mësimdhënës të prekur nga Covid-19 mirëpo është rast i izoluar sepse mësimdhënësi ka lajmëruar me kohë që bashkëshortja e tij është me Covid-19 dhe është vetëizoluar pasi që pas 3 dite ka rezultuar pozitiv dhe momentalisht është në pushim deri sa të kthehet. Ndërsa prej nxënësve kemi pasur 2 raste të izoluara poashtu, sepse prindërit na kanë lajmëruar që kanë Covid-19 në shtëpitë e tyre domethënë janë pozitiv dhe nxënësit nuk i kanë lejuar që të vijnë në shkollë edhe këto raste janë të izoluara deri më sot. Sot i kemi edhe 2 raste të tjera të nxënësve ku sot janë izoluar, për shkak që në familjet e tyre i kanë prindërit, apo familjarët të prekur me Covid-19, dhe kanë rezultuar pozitiv. “ tha Ganimete Konjufca, drejtoreshë në SHFMU “Ahmet Hoxha”

Shifra të ngjashme me raste të COVID-19 raportoi edhe drejtoria e shkollës filllore “Tefik Çanga”:

“Aktualisht kemi 1 arsimtare të edukatës fizike që dje ka rezultuar pozitiv dhe 1 punëtor teknik që një anëtar i familjes i ka rezultuar pozitiv me Covid-19, dhe i kam rekomanduar që të shkojë edhe ai në vetë izolim apo në karantinë siç po i thuhet. Për momentin në gjysmëvjetorin e parë kanë qenë 2 raste që janë vetëizoluar, pra na kanë njoftuar dhe tash para 2-3 dite, 2 nxënësve iu kanë rezultuar familjarët, nuk kanë simptome po ne i kemi sugjeruar që të rrinë në shtëpi.” – u shpreh drejtori Basri Hasani.

Sipas raportit ditor të Ministrisë së Shëndetësisë, gjatë 24 orëve të fundit në Kosovë janë shënuar 2708 raste të reja me COVID-19, prej tyre 111 në komunën e Ferizajt, ku 31 të infektuar janë fëmijë apo adoleshentë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

24 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar