Botë

Gjukanoviq: Qëllimi i “Ballkanit të Hapur” – zhdukja e Kosovës

Published

3 years ago

27 July, 2022

Presidenti i Malit të Zi, Milo Gjukanoviq, vazhdon ta kundërshtojë iniciativën rajonale “Ballkani i Hapur” përkundër që kryeministri Dritan Abazoviq është shprehur në favor të saj.

Gjukanoviq thotë se kjo iniciativë është nisur nga Serbia dhe ka për qëllim ndryshimin e kufijve dhe homogjenizimin etnik dhe fetar brenda shteteve të këtij rajoni.

Sipas tij, bëhet fjalë për një skenar alternativ për të ardhmen e Ballkanit Perëndimor jashtë Bashkimit Europian që promovohet nga qarqet serbe.

“Ata që nuk e shohin rajonin tonë në Evropë, nuk shohin as demokraci multietnike në Ballkan. Atyre u pëlqen ideja e ndryshimit të kufijve, homogjenizimi etnik dhe fetar brenda shteteve të zgjeruara. Si zakonisht, çdo gjë nis tradicionalisht nga pala serbe, këtë herë në “botën serbe” dhe vazhdon me të njëjtit zullumqarë të shtetit të madh”, ka thënë presidenti malazez për portalin “Autonomija”.

Madje, Gjukanoviq thotë se “Ballkani i Hapur” përfundon me zhdukjen e Bosnje e Hercegovinës, Malit të Zi, Kosovës dhe Maqedonisë së Veriut . Ky skenar, sipas tij, e shpie rajonin në luftë dhe disa gjenocide të tjera.

Mali i Zi dhe Bosnja e Hercegovina, që e kanë kundërshtuar “Ballkanin e Hapur”, kanë marrë pjesë për herë të parë si vëzhgues në samitin e kësaj iniciative rajonale që u mbajt në Ohër më 7 dhe 8 qershor.

Kosova mbetet i vetmi vend i rajonit të Ballkanit Perëndimor që në asnjë formë nuk është bërë pjesë e “Ballkanit të Hapur”, derisa kryeministri Albin Kurti thotë se Kosovës s’i duhet kjo iniciativë pasi është nisur nga Serbia dhe synon ta zëvendësojë Procesin e Berlinit.

Related Topics:Ballkani i Hapur Gjukanoviq Kosova

Up Next

Gjendet pa shenja jete një 30 vjeçar në Saraishtë të Ferizajt

Don't Miss

Rrahën një person dhe ikën, Policia arreston dy persona në Ferizaj

Click to comment

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.