Connect with us

Botë

Takohen Putini dhe Erdogani, çfarë i thanë njëri-tjetrit?

Published

on

Presidenti rus, Vladimir Putin u takua me homologun turk, Recep Tayyip Erdogan.

Putin i uroi mirëseardhje Erdoganit në Socchi, duke falënderuar presidentin turk për ndihmën në sigurimin e një marrëveshjeje ndërkombëtare që rivendoste eksportet e grurit nga Ukraina.

Ky është një problem shumë urgjent për shumë vende, mbi të gjitha ato në zhvillim që janë në prag të problemeve të mëdha me furnizimin me ushqime dhe plehra. Vendimet e marra me pjesëmarrjen tuaj të drejtpërdrejtë janë shumë të rëndësishme për të gjitha këto vende”, tha Putin para takimit me Erdoganin.

Por raportet paralajmërojnë se takimi mund të ketë një motiv të fshehtë. Një raport i qeverisë ukrainase i përshkruar nga Washington Post tha se Putin do të kërkonte aksione ruse në rafineritë turke të naftës, terminalet dhe objektet e magazinimit për të ndihmuar në fshehjen e origjinës së eksporteve ruse të naftës përpara një embargoje të planifikuar të naftës nga Bashkimi Evropian, transmeton telegrafi.

Gazeta gjithashtu raportoi se Rusia mund të kërkojë llogari korrespondente për bankat kryesore ruse për të anashkaluar sanksionet financiare.

Qeveria ruse nuk e ka konfirmuar raportin dhe nuk ka pasur asnjë tregues se Turqia do të pranojë propozimet, të cilat do ta vendosin anëtarin e NATO-s në rrezik të konsiderueshëm të sanksioneve dytësore.

Në axhendën e bisedimeve, të paktën publikisht, ishte bashkëpunimi ekonomik.

Continue Reading
Click to comment

Leave a Reply

Your email address will not be published. Required fields are marked *

Botë

Bitcoin me rekord historik – kalon vlerën mbi 71 mijë dollarë

Published

on

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Continue Reading

Botë

Bosnje-Hercegovina goditet prej një tërmeti rreth 4-shkallësh

Published

on

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Continue Reading

Botë

Katër të vdekur nga zjarri në Tivar të Malit të Zi

Published

on

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/

Continue Reading

Trending