Kosovë

KEK-u hap ankand për shitjen e qymyrit

Published

4 years ago

17 August, 2022

Korporata Energjetike e Kosovës (KEK) ka hapur ankand për shitjen e 100 mijë tonëve qymyr.

Çmimi minimal i pritur nga KEK-u për shitjen e një toni qymyr është 29 euro ndërsa ankandi do të jetë i hapur deri më 5 shtator.

Vlera që KEK parashikon të përfitojë përmes shitjes së qymyrit është mbi 3 milionë euro.

KEK-u kishte shitur rreth 300 mijë ton qymyr edhe në qershorin e vitit të kaluar. Në atë kohë, çmimi për një ton qymyr kishte qenë dyfish më pak, 14 euro.

Në kohën kur një ton qymyr ishte shitur për 14 euro, (qershor 2021) çmimi mesatar i energjisë në bursën hungareze ka qenë 78 euro për një megavat për orë.

Ndërsa akutalisht çmimi në bursën hungareze është 500 euro për nje megavat orë apo gjashtë herë më shtrenjtë. KEK-u në ankandin e hapur për shitjen e qymyrit ka vendosur çmimin minimal prej 29 euro ose rreth 100% më shtrenjtë se që e ka shitur qymyrin vitin e kaluar.

Çmimi minimal nuk është çmimi përfundimtar i shitjes por vetëm pragu nën të cilin Korporata Energjetike e Kosovës nuk e shet qymyrin. Ndërsa sipas dosjes së tenderit, kontrata do t’i jepet atij që oferton me çmimin më shtrenjtë.

Në ftesën e KEK-ut për ofertim theksohet se blerësit nuk do t’i lejohet rishitja e qymyrit brenda Kosovës përveç në rastet kur ka leje adekuate. Po ashtu aty thuhet se gjatë procesit të djegies duhet të bëj shkarkimin e kontrolluar në ajër sipas niveleve te lejuara.

Afati përfundimtar për realizmin e kontratës është 60 ditë kalendarike nga fillimi implementimit të kontratës./Kallxo

Kosovë

Numërohen rreth 20% të votave të kandidatëve për deputetë

Published

23 hours ago

09 June, 2026

Redaksia

Me procesimin e 19.78% të votave (09.06.2026 ora 10:05), Komisioni Qendror i Zgjedhjeve ka njoftuar se procesi i numërimit të votave të kandidatëve për deputetë ka përfunduar në Junik, Shtërpcë, Han të Elezit dhe Mamushë.

Nga rezultatet e deritanishme, në 10-shën e parë të deputetëve më të votuar tek lista e Vetëvendosjes renditen Albin Kurti, Glauk Konjufca, Albulena Haxhiu, Hekuran Murati, Donika Gërvalla, Xhelal Sveçla, Avni Dehari, Mimoza Kusari-Lila, Hajrulla Çeku dhe Ejup Maqedonci.

Sipas rezultateve preliminare, në të cilat nuk janë përfshirë votat nga vendvotimet me kusht, votat e personave me nevoja të veçanta dhe ato të votimit jashtë Kosovës, Vetëvendosje pritet t’i marrë 48 ulëse në Kuvend.

Në listën e PDK-së, e cila pritet t’i ketë 24 ulëse, i prijnë Bedri Hamza, Përparim Gruda, Arian Tahiri, Uran Ismaili, Sala Jashari, Vlora Çitaku, Ganimete Musliu, Arben Mustafa, Mërgim Lushtaku dhe Enver Hoxhaj.

Listës së kandidatëve më të votuar të LDK-së i prijnë Vjosa Osmani, Lumir Abdixhiku, Doarsa Kica-Xhelili, Hykmete Bajrami, Avdullah Hoti, Ukë Rugova, Kujtim Shala, Anton Quni, Lutfi Haziri dhe Armend Zemaj. LDK pritet t’i ketë 20 deputetë.

Listës së më të votuarve të AAK-së, i prijnë Ardian Gjini, Ramush Haradinaj, Daut Haradinaj, Besnik Tahiri, Bekë Berisha, Burim Ramadani, Time Kadrijaj, Agim Çeku, Arbër Tolaj dhe Albana Bytyqi. Sipas rezultateve preliminare, Aleanca pritet t’i ketë 8 deputetë.

Kosovë

Sot nis numërimi i votave të kandidatëve për deputetë

Published

2 days ago

08 June, 2026

Redaksia

Në Qendrat Komunale të Numërimit sot pritet të nisë procesi i numërimit të votave të kandidatëve për deputetë.

Zëdhënësi i KQZ-së Valmir Elezi, ka thënë se paraprakisht do të bëhet verifikimi i rezultateve të subjekteve politike nga formularët e plotësuar në vendvotime.

Elezi gjithashtu bëri të ditur se sot në ora 16:30, do të mbajnë konferencë për media ku edhe do të njoftojnë për fillimin e verifikimit /numërimit në të gjitha komunat si dhe për të gjitha aktivitetet e KQZ-së në ditët e ardhshme.

Nga publikimi i fundit i rezultateve preliminare të zgjedhjeve të 7 qershorit, nga 99.44% të votave të përpunuara, Lëvizja Vetëvendosje ka marrë në 42.91 % të votave pasuar nga Partia Demokratike e Kosovës me 21.08% dhe Lidhja Demokratike të Kosovës me 17.60% të votave. Ndërkaq Aleanca për Ardhmërinë e Kosovës fitoi 7.17 % të votave.

Kjo përqindje nuk përfshin votat nga vendvotimet me kusht, votat e personave me nevoja të veçanta dhe ato të votimit jashtë Kosovës.

Kosovë

Mbeten edhe 14 kuti votimi të pa numëruara

Published

2 days ago

08 June, 2026

Redaksia

Nga publikimi i fundit i rezultateve preliminare të zgjedhjeve të 7 qershorit, vërehet se nga 2498 kuti kanë mbetur të numërohen edhe 14 sosh.

Sipas faqes së Komisionit Qendror të Zgjedhjeve nga 99.44% të votave të përpunuara, Lëvizja Vetëvendosje ka marrë në 42.91 % ose 297.363 vota. E dyta renditet Partia Demokratike e Kosovës me 21.08% apo me 146.108 vota. Lidhja Demokratike të Kosovës ka marrë 17.60 % apo 121.987 vota, ndërkaq Aleanca për Ardhmërinë e Kosovës me 7.17 % apo 49.712 vota.

Kjo përqindje nuk përfshin votat nga vendvotimet me kusht, votat e personave me nevoja të veçanta dhe ato të votimit jashtë Kosovës.