Arsim

Shkolla e Mesme Teknike “Pjetër Bogdani” e hapur për nxënës të rinj

Published

2 years ago

01 September, 2022

Shkolla e Mesme Teknike “Pjetër Bogdani” në Ferizaj ka ftuar nxënësit që t’i bashkohen kësaj shkolla.

“Shkolla e mesme teknike “Pjetër Bogdani”, në Ferizaj, i mbanë dyert e hapura për ju, me plot risi!”, thuhet në postimin e kësaj shkolle, përcjell TV TEMA.

Kjo shkollë fton nxënësit që edhe janë regjistruar diku tjetër të ndërrojnë qëndrim dhe t’i bashkohen kësaj shkolle që ofron drejtimet: profilet programuese të makinave CNC, në mekatronikë-robotikë, arkitekturë, Teknik I dizajnit grafik apo në teknik të elektronikës.

Sipas këtij postimi, për këto vende të lira do të ndahen bursa nga MASHT-i dhe donatorët e jashtëm.

Postimi i plotë nga Shkolla e Mesme Teknike:

Nxënës të dashur, prindër të respektuar, para fillimit të Vitit shkollor 2022/23, Shkolla e mesme teknike “Pjetër Bogdani”, në Ferizaj, i mbanë dyert e hapura për ju, me plot risi! Ejani dhe përcaktohuni për ndonjë nga drejtimet më bashkëkohore nga mësimi profesional; në profilet programuese të makinave CNC, në mekatronikë-robotikë, arkitekturë, Teknik I dizajnit grafik apo në teknik të elektronikës. Për më shumë, për këto vende të lira,për vasha dhe djem do të ndahen bursa nga MASHT-i dhe nga donatorët e jashtëm që i mbështesin këto projekte.

Edhe nëse tashmë jeni regjistruar në ndonjë shkollë të mesme, nuk është vonë të mendoheni, të ndërroni qëndrim. Analizoni, krahasoni dhe gjykoni drejt për të ardhmen tuaj! Ne po ju presim, që të përcaktoheni për drejtimet digjitale në këtë kohë digjitale.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.