Ferizaj

“Dhuna nuk fshehet mrena mureve” – Ekspozitë me tregimet e grave që kanë pësuar dhunë në familje

Published

2 years ago

01 September, 2022

administrator

Në sheshin e Ferizajt, para objektit të komunës po mbahet eskpozita e quajtur “Dhuna nuk fshehet mrena mureve”.

Brenda kësaj hapësire janë tregimet e grave që kanë pësuar dhunë në familje.

Besarta Breznica, koordinatore në Rrjetin e Grave të Kosovës thotë se vetëm gjatë vitit 2021, në Polici kanë qenë të raportuara 2489 raste të dhunës në familje.

“Ekspozita ka për qëllim që të ngrisë vetëdijen tek qytetarët se çka është dhuna, cilat institucione duhet të kontaktohen në rast se ndodh dhuna në familje dhe cilat janë përgjegjësitë e institucioneve. Gjatë viteve të fundit është rritë raportimi i dhunës në familje në institucionet tona mirëpo se si po ndihmohen viktimat nga institucionet mbetet një pikëpyetje e madhe. Institucionet shpesh nuk u dalin në ndihmë viktimave të dhunës në familje prandaj edhe e shohim të nevojshme organizimin e ekspozitës“, thotë Breznica për TV TEMA.

Ekspozita do të jetë e hapur në sheshin e Ferizajt deri në ora 16:00.

Ferizaj

Arrestohet një ish zyrtar i gjendjes civile në Ferizaj

Published

1 day ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

2 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

2 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.