Ferizaj

Gati një vit nga debakli zgjedhor në Ferizaj – LVV e LDK akoma të pareformuara

Published

4 years ago

09 September, 2022

Po i afrohemi një vjetorit të debaklit që pësuan Lëvizja Vetëvendosje dhe Lidhja Demokratike e Kosovës në zgjedhjet lokale në Ferizaj.

Më 17 tetor 2021 zgjedhjet për të parin e Komunës së Ferizajt i fitoi Agim Aliu i PDK e me 62.3% të votave, kurse pas tij erdhi kandidati i LVV-së Valon Ramadani me 26% të votave e pastaj kandidatja e LDK-së Sibel Halimi me 9.3% të votave.

Ky rezultat kaq i thellë tregoi për plogështinë degëve të Vetëvendosjes e Lidhjes Demokratike të Kosovës në Ferizaj.

Sa për krahasim, atë vit në zgjedhjet e përgjithshme LVV në Ferizaj kishte fituar 61.9% të votave, ndërsa PDK doli e dyta me 20.9%, e LDK-ja pat mbete vetëm me 8.99% të votave.

Fitorja galopante e Aliut ndaj Ramadanit e Halimit nxori në pah nevojën për reformimin e degëve të VV-së e LDK-së në Ferizaj.

Jo shumë kohë pas zgjedhjeve lokale VV e LDK treguan se do të kenë zgjedhje të brendshme dhe se do të ndryshohen strukturat e do zgjidhen kryetarë të ri të degëve respektive.

Deri tani, LDK-ja ka zgjedhur si kryetare të forumit të gruas në Ferizaj, ish-asamblisten Bahrije Hyseni, kurse LVV ka zgjedhur kryetarët e rinj të nëndegëve.

Edhe pas gati një viti të dy këto parti akoma nuk kanë zgjedhur kryetarët e rinj në degët e tyre në Ferizaj.

Për dallim nga njëra-tjetra, Lëvizja Vetëvendosje e ka hapur garën për të parin e partisë në Ferizaj kurse LDK akoma nuk e ka filluar këtë proces, por nga burime jozyrtare të TV TEMA kuptohet se ky proces mund të filloj gjatë këtij muaji.

TV TEMA mëson se për kryetare të degës së LVV-së në Ferizaj po kandidon Fatbardha Zogaj-Reka, kurse më herët kandidaturën për këtë pozitë e kishte shpallur edhe Valon Ramadani i cili edhe ishte kandidat për kryetar të Ferizajt në zgjedhjet e vitit 2021.

Ramadani megjithatë sipas burimeve jo zyrtare i ka rënë pishman për kandidimin e tij dhe është tërhequr nga gara, duke e bërë Zogaj-Rekajn kryetare “De facto” të degës së LVV-së në Ferizaj.

Televizioni Tema ka tentuar të marr informata nga të dy këto parti se si po u shkon procesi zgjedhor brenda degës por nga LDK refuzuan të flasin me arsyetimin se akoma nuk ka filluar procesi për zgjedhjen e kryetarit kurse nga Lëvizja Vetëvendosje nuk pati disponim të flitet për këtë çështje në këtë fazë.

Edhe Valon Ramadanit iu dha mundësia të tregoj se a është tërheqë nga gara dhe nëse po pse, por Ramadani nuk i është përgjigjur thirrjeve të TV TEMA.

Se pse këto procese zgjedhore brenda degëve të këtyre dy partive pas debaklit të vitit të kaluar po mbahet i fshehur nuk mund të dihet me saktësi por ajo që dihet është se votuesit ferizajas u kanë dhënë porosi të qartë si Lëvizjes Vetëvendosje ashtu edhe Lidhjes Demokratike të Kosovës se u duhet reformë në Ferizaj në mënyrë që të bëhen subjekte politike serioze në garë për të parin e Ferizajt.

Related Topics:Ferizaj ldk LVV PDK zgjedhje

Up Next

Aksident mes dy trenave në Kroaci, vdesin gjashtë persona

Don't Miss

Fshatrat e Ferizajt në terr për pesë orë edhe të hënën edhe të martën

Click to comment

Ferizaj

Bëhet i ditur identiteti i viktimave të aksidentit tragjik në Gjermani

Published

3 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

3 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

5 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.