Ferizaj
Kryetari në shërbim të Komunës apo Komuna në shërbim të Kryetarit?
Komuna e Ferizajt ka një faqe në facebook ku shpërndan njoftimet rreth punëve të Komunës dhe ngjarjeve që janë zhvilluar nga ky institucion.
Kjo faqe është mjaft aktive në facebook dhe informon qytetarët për thuajse çdo gjë që ndodh në Komunën e Ferizajt.
Me gjithë atë, në këtë faqe të Komunës vërehet edhe një aktivitet jo shumë i zakontë.
Kjo faqe e Komunës shpërndan çdo postim që bën kryetari i Komunës i zgjedhur me vota.
Më së miri kjo shihet në pamjet më poshtë ku shihet se faqja e Komunës i rri gati kryetarit dhe menjëherë punon që t’i rritet PR-i kryetarit.
Madje, faqja e Komunës i shpërndanë edhe postimet e kryetarit që nuk kanë të bëjnë fare me punën e tij zyrtare.
Nga ana tjetër, Kryetari i Ferizajt asnjëherë nuk ka shpërndarë postime të faqes së komunës por se ka postuar vet e Komuna e ka marr për përgjegjësi t’i rrij gati e ta rrisë shikueshmërinë e faqes së tij.
Për dallim nga faqeja gjeneroze e Komunës së Ferizajt, faqja në facebook e Komunës së Prishtinës nuk i shpërndan asnjë postim kryetarit Përparim Rama.
Kjo faqe postimet i bën vet rreth ngjarjeve që zhvillohen në Komunë.
Përparim Rama, në anën tjetër bën postime rreth takimeve që i ka e edhe vendimeve që merr si kryetar, por të njëjtat asnjëherë nuk shpërndahen nga faqja e Komunës.
Dallim nuk ka as në Komunën e dytë më të madhe për nga banorët në Kosovë, pra atë të Prizrenit.
Faqja në facebook e Komunës së Prizrenit poston vet rreth ngjarjeve e takimeve të kryetarit të Komunës por nuk angazhohet për rritjen e PR-it të faqes së Shaqir Totajt.
Shaqir Totaj i Prizrenit bën postime edhe vet në faqen e tij, madje edhe për takimet e tij për të cilat ka shkruar faqja e Komunës, por as ai e as faqja e Komunës nuk i shpërndajnë postimet e njëri tjetrit.
Ka edhe raste të tjera që dallojnë nga Ferizaj, Prishtina e Prizreni.
Në komunën e Gjilanit, faqja e komunës i shpërndanë ndonjëherë postimet e kryetarit, por vetëm atëherë kur ka interes publik apo kur bëhet fjalë për punën zyrtare të Alban Hysenit.
Alban Hyseni shpesh poston edhe rreth punëve që bëhen në komunën e tij, por që faqja e Komunës nuk i rri prapa e t’ia shpërndajë postimin.
Nga të gjitha këto Komuna, anomalia është vetëm tek Komuna e Ferizajt ku faqja e Komunës i shërben kryetarit kurse në Komunat e tjera kjo nuk ndodh.
E gjitha kjo na shtyn drejt pyetjes legjitime a është kryetari që punon për Komunën apo Komuna punon për kryetarin?
Lexo edhe:
-
Ferizaj1 week agoNënshkruhet kontrata 24 milionëshe për Spitalin e Ferizajt
-
Ferizaj1 week agoManifestimi qendror për Fitër Bajram mbahet në Xhaminë e Madhe në Prishtinë
-
Kosovë1 week agoTre shtetas të Kosovës vdesin në një aksident në punishte ndërtimi në Vjenë
-
Art & Showbiz1 week agoÇmim Oscar për filmin ku luan aktorja me prejardhje nga Kosova, Luana Bajrami
-
Kosovë1 week agoThemelorja konfirmon aktakuzën ndaj ish-ministres Hajdari për rezervat shtetërore
-
Kosovë1 day agoPresidentja i kërkon sqarim Kushtetueses për emërimin e anëtarëve të KQZ-së, pasi LVV kërkon tre anëtarë
-
Kosovë2 days agoPërvjetori i 27-të i bombardimeve të NATO-s kundër caqeve ushtarake serbe
-
Kosovë1 week agoAktakuzë ndaj katër të dyshuarve për manipulim të votave në Shtime
-
Botë2 days agoTrump thotë se ka “mundësi serioze” për ujdi me Iranin, pasi i pezulloi sulmet ndaj caqeve energjetike
-
Kosovë1 week agoKE-ja konfirmon heqjen e të gjitha masave financiare ndaj Kosovës
-
Kosovë3 days agoVdes gruaja 73 vjeçare e plagosur mbrëmë në Majac të Podujevës