Ferizaj
Nga kryetari i Komunës e deri tek asamblistët – Pagat me projektligjin e ri
Me projektligjin e ri për pagat, këto të fundit to të rriten në çdo sektor.
Sipas këtij projektligji, koeficientin më të lartë e ka Presidenti/ja me koeficient 18 kurse koeficientin 2 që është edhe koeficienti më ultë e ka kadeti i FSK-së.
Keq me koeficient nuk janë as kryetarët e Komunave.
Sipas projekt-ligjit, kryetari i Prishtinës ka koeficientin 15 kurse kryetarët e Komunave me mbi 100 mijë banorë e kanë koeficientin 13.
Nëse vlera e koeficientit është 120 euro, atëherë i bie që kryetari i Komunës së Ferizajt(Komunë me mbi 100 mijë banorë) të ketë pagë prej 1560 euro bruto.
Nënkryetari i Komunës së Ferizajt pritet të ketë koeficient 11 e që përkthyer në pagë i bie 1320 euro.
Kryesuesi i Kuvendit Komunal në komunat me mbi 100 mijë banorë sipas projektligjit për paga ka koeficient 9 që i bie 1080 euro pagë.
Drejtorët komunalë të Ferizajt po ashtu do të kenë rritje të pagës, ata vlerësohen me koeficient prej 8.3 e që i bie se me ligjin e ri do të marrin pagë prej 996 euro.
Zëvendës kryesuesi i Kuvendit Komunal të Ferizajt është tjetri me radhë sa i përket koeficientit, kjo pozitë vlerësohet me koeficient 6.9 e që i bie 828 euro.
Edhe asamblistët apo kuvendarët komunal të Ferizajt do të kenë rritje në pagesën që u bëhet. Këta të fundit vlerësohen me koeficient 5.9 që i bie 708 euro pagë.
Të gjitha këto pagesa vlejnë për Komunat me mbi 100 mijë banorë siç është Ferizaj, derisa udhëheqësit e Komunave me numër të banorëve më të ulët planifikohet të kenë paga më të ulëta.
Paga më të mëdha se udhëheqësit e Komunës së Ferizajt pritet të kenë vetëm udhëheqësit e kryeqytetit.
Ky projektligj ka dalë në diskutim publik më 15 shtator 2022.
Lexo edhe:
Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.
Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.
“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.
Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).
Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.
Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.
Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.
Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.
Policia Rajonale në Ferizaj ka njoftuar se brenda 24 orëve të fundit është raportuar një aksident trafiku ku si pasojë u lëndua një person. Gjatë këtij harku kohor njësitet e trafikut kanë shqiptuar gjithsej 240 gjoba për kundërvajtje.
Më së shumti janë shqiptuar gjoba për tejkalim të shpejtësisë, 74 sosh dhe 48 të tjera për mosrespektim të shenjave të komunikacionit.
Po ashtu, si rezultat i shkeljeve të rënda të rregullave të trafikut, policia ka konfiskuar 1 automjet, 4 skuterë/motoçikleta dhe 4 patentë shoferë.
-
Ferizaj5 days agoArrestohen dy persona në Ferizaj për sulm dhe therje me thikë
-
Ferizaj3 hours agoNdalohen dy persona për vrasjen e 32 vjeçarit në Ferizaj
-
Botë7 days agoEvropa në valën e të nxehtit: Temperatura deri në 44°C
-
Botë1 week agoSHBA-ja dhe Irani janë pajtuar për një plan drejt arritjes së marrëveshjes përfundimtare, thonë ndërmjetësit
-
Kosovë5 days agoLDK-ja kërkon Presidencën: Abdixhiku ose Haziri
-
Ferizaj3 days agoPolicia në Ferizaj shqipton 240 gjoba trafiku në 24 orët e fundit
-
Kosovë2 days agoKQZ-ja shpall rezultatet përfundimtare të zgjedhjeve të qershor, hap rrugën për certifikimin e tyre