Arsim

SBASHK-u i drejtohet Avokatit të Popullit: Greva nuk i cënon të drejtat e fëmijëve

Published

2 years ago

20 September, 2022

administrator

Greva nuk i cënon të drejtat e fëmijëve në arsim.

Kështu thotë letra e SBASHK-ut që ia drejtuan sot Avokatit të Popullit.

Në letër thuhet se nuk mund të ketë cenim të së drejtës në arsim dhe ushtrim të ligjshëm të së drejtës për grevë në të njëjtën kohë.

“Nuk mund të mos shprehim befasinë tonë që përballë situatës aktuale kur ka organizim të ligjshëm sindikal, mos fillimin e procesit mësimor në shkolla. Ju e kualifikon si cenim të së drejtës së fëmijëve në arsimim. Me gjithë respektin, nuk mund të pajtohemi me një konstatim të tillë sepse, njëkohësisht nuk mund të ketë cenim të së drejtës në arsimim dhe ushtrim të ligjshëm të së drejtës për grevë”.

Në letër, Sindikata e Bashkuar e Arsimit dhe Shkencës i ka kërkuar Avokatit të Popullit që në vend se ta konstatojë grevën si cenim të së drejtës për arsimim, ta trajtojë çështjen e cenimit të drejtës për grevë.

“Do të ishte më e mirëseardhur që të trajtoni dhe shtroni çështjen e cenimit të të drejtës në grevë e cila po manifestohet në forma të ndryshme, si kërcënimet, presionet, shantazhet e deri te linçimet, përçarjet dhe sulmet individuale ndaj përfaqësuesve sindikalë e aq më tepër deri te dënimi i mësimdhënësve duke u krenuar se do t’ua ndalim pagën vetëm pse kanë zgjedhur të ushtrojnë një të drejtë që ua garanton Kushtetuta”, thuhet më tej në letër.

Greva e përgjithshme në sektorin publik ka nisur më 25 gusht. Mësimdhënësit dhe grevistët e tjerë po kërkojnë ndër të tjera 100 euro shtesë në paga deri në miratimin e Ligjit për Paga i cili ditë më parë ka dalë në diskutim publik.

Avokati i Popullit u ka bërë thirrje të dielën SBASHK-ut dhe Qeverisë së Kosovës që të reflektojnë dhe të gjejnë një zgjidhje për ndërprerjen e grevës në arsim.

Në një komunikatë për media të Avokatit të Popullit thuhet se të dielën ka pranuar përgjigje nga qeveria me qëndrimin se është e gatshme të bisedojë për çështjet e prekura nga Avokati, ndërsa është në pritje të përgjigjes nga sindikatat.

Letra e SBASHK-ut e drejtuar Avokatit të Popullit:

Related Topics:avokati i popullit mesimi sbashk

Up Next

Maksimumi 12 gradë Celsius sot në Ferizaj

Don't Miss

E mori me forcë në veturë dhe dhunoi një femër – Gjykata i cakton 1 muaj paraburgim

Click to comment

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.