Sport

Milan-Juventus e Dortmund-Bayern Mynih janë super ndeshjet e sotshme në futboll

Published

4 years ago

08 October, 2022

administrator

Spektakël i madh sot në Serie A.

Tre takime sot në program, dy prej tyre pritet të jenë fantastike, shkruan GazetaBlic Sport.

Fillimisht, në ora 15:00, Sassuolo e pret Interin në “Mapei Stadium”, atje ku të dy skuadrat kërkojnë pikët e plota.

Interi vjen në këtë ndeshje pas triumfit ndaj Barcelonës në Ligën e Kampionëve dhe do të tentojë që të vazhdojë me rezultate pozitive.

Super ndeshja e javës vjen në “San Siro” nga ora 18:00, atje ku do të përballet dy rivalët e vjetër, Milan dhe Juventus.

Ka interesim të jashtëzakonshëm për këtë sfidë me biletat që janë shitur prej kohësh.

Milani vjen në këtë derbi pas humbjes së thellë nga Chelsea në Ligën e Kampionëve, kurse Juventusi e mposhti Macabi Haiffan.

“Rossonerët” renditen në vendin e 5-të me 17 pikë, Juventus në vendin e 7-të me 13 sosh.

Këto pritet të jenë formacionet e mundshme:

AC Milan: Tatarusanu; Dest, Kalulu, Tomori, Hernandez; Tonali, Bennacer; Krunic, Diaz, Leao; Giroud.

Juventus: Szczesny; Danilo, Bonucci, Bremer; Cuadrado, Locatelli, Rabiot, Kostic; Di Maria, Vlahovic, Milik.

Në anën tjetër në “Signal Iduna Park” do të luhet klasikja e 124-t e futbollit gjerman, një përballje mes dy peshave të rënda të futbollit si Borussia Dortmund dhe Bayern Mynih, të cilat nuk e kanë nisur në mënyrën e duhur sezonin dhe vijnë në këtë takim me pikë të barabarta, 15 secila.

Verdhezinjtë e Terziç u mposhtën javën e kaluar nga Koln, por në mesjavë triumfuan 1-4 në Andaluzi ndaj Sevillas, me anglezin Jude Bellingham që ishte protagonist dhe do të provojë të bëjë të njëjtën gjë edhe ndaj bavarezëve.

Prej kohësh Borussia shihet si ekipi i vetëm që mund të thyejë hegjemoninë e Bayernit, pasi këta të fundit kanë fituar 10 tituj kampion radhazi, megjithatë vlen të theksohet se verdhezinjtë nuk fitojnë një ndeshje ndaj bavarezëve që prej gushtit të 2019-ës, duke humbur plot 8 përballje radhazi.

Për sfidën ndaj Dortmundit, Nagelsmann ka rikuperuar Joshua Kimmich dhe Kingsley Coman, por nuk do të ketë në dispozicion Thomas Muller.

Manuel Neuer është një farë garancie për suksesin, pasi është futbollisti me më shumë fitore ndaj Dortmundit në karrierë, plot 24 të tilla.

Nga ana tjetër, te Dortmund shpresojnë shumë te forma e mirë e Bellingham e Brandt, por edhe aktivizimi i Matts Hummels në mbrojtje. Këtë sezon verdhezinjtë kanë pësuar një gol çdo 512 minuta me veteranin gjerman në fushë dhe një gol çdo 23 minuta.

Megjithatë kur bëhet fjalë për klasiken e futbollit gjerman, statistikat nuk kanë vlerë, pasi fjalën e fundit e thotë fusha e blertë, aty ku protagonistët do t’i japin jetë një spektakli 90-minutësh, duke nisur nga ora 18:30./SS/

Related Topics:bayern dortmund Futboll juventus milan Sport

Up Next

Kualifikueset e Euro 2024: Kosova e fillon ndaj Izraelit

Don't Miss

Liga e Kampionëve me ndeshje të mrekullueshme sonte

Click to comment

Ferizaj

Ferizaj kualifikohet në finale të Kupës së Kosovës në futboll

Published

1 week ago

22 April, 2026

Redaksia

Futbollistët e Ferizajt u kualifikuan për në finalen e Kupës së Kosovës në futboll, pasi në gjysmëfinale eliminuan ekipin e Llapit me rezultat të përgjithshëm 2:1.

Ndeshja e kthimit, e zhvilluar sot në stadiumin e qytetit të Ferizajt, përfundoi pa gola 0-0, por falë fitores prej 2-1 si mysafir në ndeshjen e parë, ferizajasit siguruan vendin në finalen e madhe ku do të përballen me Dukagjinin, i cili në gjysmëfinalen tjetër, eliminoi Ballkanin me rezultat të përgjithshëm 6:2.

Takimi i sotëm në Ferizaj u ndërpre për disa minuta pas hedhjes të gjësendeve në fushë nga shikuesit, për të vazhduar vetëm pas largimit të tërësishëm të shikuesve nga tribunat.

Kjo do të jetë finalja e tretë për ferizajasit, pas asaj të edicionit 2011/2012 kur humbi nga Trepça ’89 dhe finales së edicionit 2012/2013 të cilën e humbi nga Prishtina.

Kosovë

Distria shpallet kampione e Evropës në Tbilisi

Published

2 weeks ago

16 April, 2026

Redaksia

Xhudistja kosovare Distria Krasniqi fitoi medaljen e artë në Kampionatin Evropian që po mbahet në Tbilisi të Gjeorgjisë.

Distria e fitoi titullin katërt e më të mirës në Evropë, pasi në finalen e kategorisë deri në 52 kilogramë mundi francezen Amandine Buchard me një “Yuko”.

Distria ishte bartëse e parë e kategorisë deri 52 kilogramë dhe deri në finale arrit pasi mundi xhudisten çeke Tereza Bodnarova, polaken Aleksandra Kaleta dhe në gjysmëfinale mposhti në kohën shtesë, po ashtu me “Yuko”, italianen Odette Giuffrida.

Nga përfaqësueset kosovare sot garuan edhe Fatjona Kasapi e cila në kategorinë deri në 52 kg u eliminua në xhiron e dytë dhe Erza Muminoviq e cila në kategorinë deri në 48 kg, humbi që në raundin e parë.

Të premten, rrugëtimin e tyre për medalje evropiane, do ta nisin edhe Akil Gjakova, Laura Fazliu dhe Dardan Cena.

Kosovë

Të hënën ekzekutohen 500 mijë euro të premtuara nga Kurti

Published

1 month ago

27 March, 2026

Redaksia

Ministri i Financave dhe Transfereve, Hekuran Murati ka bërë të ditur se Qeveria do të procedojë të hënën vendimin për ndarjen 500 mijë euro për “Dardanët”.

“Me kërkesë të Kryeministrit, vendimin për ndarjen e shpërblimit prej 500k euro për fitoren e mbrëmshme të Dardanëve do ta kemi gati për miratim të hënën në mbledhje të Qeverisë”, njoftoi Murati përmes një postimi në Facebook.

Kjo shumë, është shpërblimi që kryeministri Albin Kurti ua kishte premtuar futbollistëve qysh në nëntor nëse Kosova do ta fitonte ndeshjen me Sllovakinë.

Ndeshja finale e mes Kosovës dhe Turqisë, e cila do të zhvillohet të martën në Prishtinë, do të jetë përcaktuese për pjesëmarrjen në kampionatin botëror që do të mbahet këtë verë në Shtetet e Bashkuara, Kanada dhe Meksikë.