Ferizaj

Nga 1 deri në 10 – Vlerësohet puna e kryetarit dhe drejtorëve të Komunës së Ferizajt

Published

3 years ago

17 October, 2022

administrator

Ka kaluar një vit nga zgjedhjet lokale në Kosovë.

Më 17 tetor të vitit 2021, Agim Aliu i PDK-së fitoi me mbi 60 për qind në garën për të parin e Komunës së Ferizajt.

Në këtë një vjetor të zgjedhjeve lokale, Drejtori Ekzekutiv i rrjetit të organizatave AVONET, Kenan Gashi ka bërë një vlerësim të qeverisjes komunale gjatë këtij viti.

Pas analizimit dhe vlerësimit të secilës drejtori komunale, Gashi vlerësoi me notën 8 qeverisjen lokale në Ferizaj teksa shtoi se Ferizaj duhet të mirret seriozisht me çështjen e ndërtimeve dhe se shëndetësia dhe arsimi duhet të jenë prioritet.

Drejtorisë së Urbanizmit në Ferizaj, Gashi i dha notën 9 për këtë vit, teksa theksoi se drejtori Arbër Bytyçi ka filluar punën për hartimin e hartave zonale në Ferizaj.

Në fushën e arsimit, Gashi thotë se drejtorët e shkollave të zgjedhur nuk kanë qenë të PDK-së, prandaj edhe kjo drejtori e meriton notën 8 sipas tij.

Gashi thotë se aktivitetet kulturore në Ferizaj sa vinë e po shtohen, për këtë po krijohet një standard i ri prandaj edhe kësaj drejtorie i dha notën 9.

Po ashtu me notë 9 u vlerësua edhe drejtori i Shërbimeve Publike, Arben Halili i cili sipas Gashit ka rritur bashkëpunimin me komunitetin dhe ka krijuar model.

Drejtoria e Shëndetësisë sipas Gashit meriton notën 7 për shkak të problemeve që ka në shëndetësinë ferizajase.

Drejtoria e Financave është e vetmja që mori dy nota nga Gashi, për menaxhimin e brendshëm Sebahate Ajeti-Sadiku mori notën 9 nga Gashi kurse për rezultatet në inkasimin e të hyrave mori notën 8.

Me notën 8 u vlerësua po ashtu edhe Drejtoria e Pronës dhe Kadastrit.

Gashi konsideroi se duhet punë në inspektoratin komunal prandaj edhe kësaj fushe i dha notën 6.

Drejtoria e Infrastrukturës mori notën 7 nga Gashi, për shkak të mungesës së komunikimit të nivelit lokal me atë qendror.

Administrata sipas Gashit nuk është në gjendje të mirë, prandaj edhe e vlerësoi me notën 6.

Për strategjinë e turizmit, Gashi vlerësoi me notën 9 Drejtorinë e Zhvillimit Ekonomik.

Kurse Drejtoria e Bujqësisë dhe Pylltarisë mori notën 8 nga Kenan Gashi.

Intervista e plotë me Kenan Gashin, Drejtor Ekzekutiv i AVONET:

Related Topics:kenan gashi komuna zgjedhjet

Up Next

Pensionet dalin sot

Don't Miss

Një grua nga Ferizaj ndërron jetë si pasojë e Covid-19

Click to comment

Ferizaj

Gjendet i vdekur një 63 vjeçar në fshatin Jezerc të Ferizajt

Published

3 days ago

31 July, 2025

Redaksia

Policia në Ferizaj ka njoftuar se në një vilë private në fshatin Jezerc është gjetur një person pa shenja jete, i moshës 63-vjeçare.

Viktima është gjetur rreth orës 11:00, në garazh pranë veturës së tij, derisa vdekjen e ka konstatuar ekipi mjekësor i Qendrës Emergjente në Ferizaj.

Prokurori i shtetit është njoftuar për rastin dhe ka udhëzuar që të ndërmerren të gjitha veprimet hetimore të nevojshme, ndërsa trupi i pajetë është dërguar në Institutin e Mjekësisë Ligjore në Prishtinë për obduksion.

Ferizaj

Dy persona janë arrestuar në Ferizaj për sulm dhe lëndim të rëndë trupor

Published

1 week ago

26 July, 2025

Redaksia

Policia në Ferizaj ka arrestuar dy persona për sulm dhe lëndim të rëndë trupor.

Dy të arrestuarit dyshohen se bashkë me dy të tjerë që janë në arrati, mbrëmjen e 25 korrikut kanë sulmuar me mjete të forta dhe thikë personin që punonte si sigurim në një kafene .

Në raportin 24 orësh të Policisë thuhet se viktima ka pësuar lëndime të rënda dhe pas ndihmës mjekësore në Emergjencë të Ferizajt, është dërguar për trajtim në Qendrën Klinike Universitare në Prishtinë.

“Janë arrestuar dy të dyshuar meshkuj kosovarë, për shkak se së bashku me dy të dyshuar tjerë që gjenden në arrati e kanë sulmuar fizikisht me mjete të forta dhe mjet të mprehtë – thikë viktimën mashkull kosovar, i cili ka qenë duke punuar në një kafiteri si sigurim fizik. Si pasojë e sulmit viktima fillimisht ka marr ndihmë mjekësore në Qendrën Emergjente Ferizaj, pastaj për shkak të lëndimeve të rënda është dërguar në QKUK. Dy të dyshuarit pas intervistimit me vendim të prokurorit janë dërguar në mbajtje për 48 orë, rasti vazhdon të hetohet”, thuhet në raport.

Ferizaj

Për tejkalim shpejtësie dy shoferëve u shqiptohet masa e ndalimit të vozitjes nga policia në Ferizaj

Published

1 week ago

25 July, 2025

Redaksia

Njësia policore e Komunikacionit Rrugor në Ferizaj ka ndëshkuar dy shoferë për kundërvajtje në trafik, pasi në dy raste të ndara, ata kanë tejkaluar gati dyfish shpejtësinë e lejuar për qarkullim të veturave.

Në rastin e parë, më 24.07.2025, rreth orës 01:57, njësia policore ka ndaluar në rrugën “Rexhep Bislimi” në Ferizaj një veturë Mercedes me targa të huaja, pasi shoferi A.I. (34 vjeç) po drejtonte automjetin me shpejtësi prej 83 km/h në një zonë ku kufizimi i lejuar është 40 km/h. Shpejtësia është matur me radarin laserik.

Për këtë kundërvajtje, shoferit i është shqiptuar gjoba në vlerë prej 200 €, dhe masë mbrojtëse – ndalim i drejtimit të mjetit motorik për 3 muaj .

Ndërsa me datë 25.07.2025, rreth orës 00:25, në rrugën “Brahim Ademi” në Ferizaj, ka ndaluar një veturë BMW me targa vendore për kundervajtje trafiku, pasi shoferi E.R. (23 vjeç) po drejtonte automjetin me shpejtësi prej 100 km/h në një zonë ku kufizimi i lejuar është 50 km/h. Shpejtësia është matur me veturën inteligjente. Për këtë kundërvajtje, shoferit i është shqiptuar gjoba në vlerë prej 300 €, 3 pikë negative dhe masë mbrojtëse – ndalim i drejtimit të mjetit motorik për 6 muaj.