Kampionati i 21-të i Kupës së Botës fillon të dielën në Katar.
32 kombëtare luftojnë për të marrë epitetin e më të mirit në botë.
Njohësi i sportit, Rrahman Kurti teksa thotë se ka disa favoritë për këtë kampionat shton se Cristiano Ronaldo e Leonel Messi do japin gjithçka nga vetja për të quar kombëtaret e tyre përpara.
“Ky kampionat do jetë shumë interesnt. U bë në vjeshtë falë ikonës Beckenbauer i cili dha idenë që të zhvillohet në vjeshtë. Brazili është skuadra më favorite por mund të dështojë pasi që shumica e lojtarëve dinë të jenë egoistë e kjo mund t’i shkaktojë probleme. Rivaliteti më i madh do jetë mes Argjentinës, Brazilit dhe kombëtareve nga Europa si Anglia, Portugalia që do jetë nga skuadrat më të fuqishme por mos ta përjashtoj edhe Francën. Në çdo kampionat ka befasi, ska kampionat pa befasi por unë e shoh një kombëtare si Senegali që do jetë befasia e kampionatit. Do knaqemi me futboll e fokusi i njerzve shpresoj të jetë futbolli se me politikë jemi lodhë më“, deklaroi Kurti për TV TEMA.
Komentatori i Sporitt në Kujtesa Sport, Arbër Loxha për TV TEMA thotë se sivjet nuk ka vetëm një favorit, teksa shton Kevin De Bruyne po hyn në këtë kampionat në formën më të mirë të mundshme.
“Për mua janë 4 kombëtare që duken shumë të përgatitura për të shkuar deri në ndeshjen e fundit. Brazili, Argjentina, Portugalia dhe Anglia për mua janë favoritet në Katar 2022. Kam përshtypjen që këtë herë Messi po hyn më i përgatitur se kurrë. Shumë kush mund të pyes pse Anglezët i shoh si favorit? Anglezët asnjëherë nuk u paraqiten mirë nëpër botëroret tjera pasi e dimë qe FA nuk lë fare pushim, duke ditur qe organizon Premier ligën, FA cup dhe Kupën e ligës dhe kështu ata gjithmonë shkonin në boteror të shpenzuar për nga energjia në angazhim me klubet dhe gjërat vështirësoheshin ne aspektin fizik”, thotë Loxha për TV TEMA.
“Dua të shtoj gjithashtu edhe diçka. Lojtari për të cilin do të mbaja vëmendje të madhe gjatë Botërorit është edhe Kevin De Bruyne. Ai po hyn në Katar me formën më të mirë të mundshme dhe me një perkrahje solide, belgët mund të dalin shumë mirë këtë herë“, shtoi ai.
Në anën tjetër, trajneri i futbolli, Vigan Shaqiri thotë se sivjet në finale e do Argjentinën dhe Brazilin derisa si lojtarët që mund të shpërthejë në botëror e sheh Jamal Musialen e Gjermanisë dhe Rafael Leaon e Portugalisë.
“Besoj se ka me qenë një ndër kampionatet më të mira dhe shumë atraktive. Ka disa ekipe favorite jo vetëm një. Por përsëri për mendimin tim Argjentina është favorit kryesor dhe dëshira ime është të jetë në finale me Brazilin. Në të njejtën kohë nuk mund të anashkalojmë edhe Portugalinë e Francën që kanë super ekipe. Nëse kisha guxu me quajt befasi, mendoj që do jetë Maroku edhe pse nuk është e hijshme me e quajt befasi sepse ka lojtarë si Hakimi e Ziyech që luajnë në kampionatet më të forta“, shprehet Shaqiri.
Gazetari i Sportit në GazetaBlic Sport, Mërgim Rrecaj thotë se Ronaldo e Messi do bëjnë gjithçka që kombëtaret e tyre të fitojnë botërorin, por shton se duhet të mbahet një sy sepse lojtarët Musiala, Pedri, Leao, e Mbappe që do të jenë ‘fjala kryesore’ në Katar me ekipet e tyre.
“Kampionati Botëror është pa asnjë dyshim kompeticioni më i rëndësishëm i futbollit. Emocionet, rivalitetin dhe spektaklin që e jep ky organizim është i veçantë dhe i pakrahasueshëm. Megjithatë, Kupa e Botës që do të zhvillohet në Katar është më e veçantë se gjitha të tjerat për disa arsye, mbi të gjitha për kohën se kur do të zhvillohet, në muajin nëntor dhe dhjetor, që realisht nuk ka ndodhur diçka e tillë më herët.
Ky është Kampionati i 21-të Botëror dhe jo më kot konsiderohet njëri nga më të paparashikuarit. Ka dy kombëtare nga Amerika Latine dhe një nga Evropa që kanë epitetin kryesor të favoritit. Brazili dhe Argjentina në njërën anë nga Amerika e Jugut, kurse Franca nga ‘Kontinenti i Vjetër’, me ‘Seleçao’ që sipas mendimit tim ka pak më shumë përparësi se dy të tjerat.
Në asnjë mënyrë nuk mund të mos përmendet fakti që ky Botëror pritet të jetë i fundit për dy futbollistët që kanë ndryshuar ‘sensin’ e futbollit, Leo Messi dhe Cristiano Ronaldon. Të dyve ju mungon vetëm ky trofe, sepse në karrierën e tyre kanë fituar gjithçka që ishte për t’u fituar. Një gjë e tillë mund të thuhet edhe për Neymar, i cili ka deklaruar se ky pritet të jetë Botërori i tij i fundit. Do të ishte një përmbyllje fantastike sikur njëri nga këta në fund të kurorëzohet me trofeun e çmuar” tha Rrecaj për TV TEMA.
“Ka disa futbollistë të rinj që pritet të shkëlqejnë, me emra si Musiala, Pedri, Gavi, Bellingham, Saka, Leao, Vinicius e Mbappe që duan të jenë ‘fjala kryesore’ në Katar me ekipet e tyre. Kam përshtypjen se do të ketë disa befasi të mëdha gjatë këtij Kampionati Botëror, dhe një nga kombëtaret e vogla që unë mendoj se do të befasojë me rezultate pozitive është Danimarka, natyrisht një kombëtare e vogël në krahasim me kombëtaret favorite për ta fituar këtë komepticion. Një super skuadër e ndërtuar, me pika të forta që nga porta e deri tek sulmi, besoj që do të jetë në gjendje të shkojë relativisht lartë me rezultatet e saj“, shtoi Rrecaj.
Finalja e botërorit do të luhet më 18 dhjetor e fituesi përveç kupës, në shtëpi shkon edhe me 44 milionë euro.
