Ferizaj

Punimet në rrugën Ferizaj-Shtime kryhen për 60 ditë, Ministria kërkon mirëkuptim

Published

4 years ago

17 March, 2023

Ministria e Infrastrukturës në një përgjigje me shkrim për TV TEMA tregon se në rrugën Ferizaj-Shtime deri parku i Lirisë ku po punohet aktualisht, vetëm gjatë javës së kaluar për shkak të reshjeve meteorologjike pati vështirësi në komunikacion.

“Aktualisht po punohet në germimin e trupit të rrugës në shiritat e mbrendshëm, ndërsa qarkullimi i komunikacionit po zhvillohet ndaras në dy krahët e rrugës pa ndonjë nderprerje. Rruga është e sinjalizuar mirë dhe sipas planit të menaxhimit të komunikacionit. Shiritat qarkullues janë të shtruar në zhavor dhe mirëmbahen per çdo ditë plotesohen me material 0/31, nivelohen me greder dhe ngjeshën me cilinder“, thuhet në përgjigjen e Ministrisë.

Kjo Ministri informon se ishte planifikuar që punimet të zgjasin 90 ditë, por sipas tyre, operatori ekonomik u zotua që punimet t’i kryej për 60 ditë.

“Kompania gjithmonë është aktive në terren, mirëpo duke i pasur parasyshë ndikimet e faktorit meteorologjik me të reshura javën e kaluar dhe këtë javë, janë paraqitur vështirësi në ekzekutimin e punimeve të germimit mirëpo për asnji moment nuk ka ndodhur të nderpritet qarkullimi i komunikacionit rrugor në të dyja krahët e saj“, thuhet tutje në përgjigje.

Vlera e kontratës bazë së këtij projekti është: 279,866.13 euro.

“Të gjitha këto projekte po realizohen për mirëqenien dhe sigurinë në komunikacionin, kërkojmë nga të gjithë qytetarët që të kenë mirëkuptim ndaj kompanive ndërtuese të këtyre projekteve, ngase të gjitha këto punime po zhvillohen dhe po bëhen për të mirën e qytetarëve dhe pjesëmarrësve në trafik”, përfundon përgjigja e Ministrisë.

Lajmi që plotësohet përmes kësaj përgjigje:

Ferizaj

Një burrë theret me kaçavidë nga dy persona në Ferizaj

Published

2 hours ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

24 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.