Ferizaj

Kush është “Zot shtëpie” në Ferizaj?

Published

3 years ago

16 March, 2023

administrator

Një mori reagimesh u shkruan sot në facebook nga institucione dhe persona me ndikim politik në Ferizaj.

E përbashkëta e reagimeve ishte fjalia “Zot shtëpie”.

Krejt kjo pas vizitave të ministrit Hajrulla Çeku tek ish-gjimnazi që u dogj dhe të nesërmen tek kisha katolike në Ferizaj, me rastin e nisjes së renovimit të saj.

Për këto vizita, institucioni i Komunës së Ferizajt u “prek”, për shkak se sipas tyre nuk u ftuan nga ministri.

Reagimet pas reagimit të Komunës vazhduan edhe nga shefi i grupit parlamentar të asamblistëve të LDK-së, Flamur Istrefi dhe nga asamblisti i Vetëvendosjes, Brahim Osmani.

Istrefi dhe Osmani kërkuan nga kryetari i Komunës së Ferizajt që të “thotë disa fjalë” për ngjarjet që po ndodhin në këtë qytet.

Madje Osmani, vizitën e Agim Aliut në Turqi e cilësoi si “pushime”.

Debati për të “Zotin e shtëpisë” ka shumë gjasë që të vazhdojë edhe pse në ligjin për Vetëqeverisjen Lokale nuk ka përkufizim apo definicion se çka nënkuptohet me termin “Zot shtëpie” i një Komune në Republikën e Kosovës, siç shënohet në komunikatën zyrtare të Komunës së Ferizajt.

Reagimi i Komunës së Ferizajt:

Reagimi i Flamur Istrefit:

Reagimi i Brahim Osmanit:

Related Topics:brahim osmani Ferizaj flamur istrefi komuna e ferizajt politikë vetqeverisja lokale

Up Next

Punimet në rrugën Ferizaj-Shtime kryhen për 60 ditë, Ministria kërkon mirëkuptim

Don't Miss

Burri rrah gruan në Ferizaj, ajo i shkakton lëndime me mjet të mprehtë

Click to comment

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

4 days ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

5 days ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

6 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.