Pas riparimit kapital të turbinës dhe gjeneratorit, sot në mesditë është kthyer në prodhim blloku 5 i Termocentralit “Kosova-A”. Këtë e bëri të ditur përfaqësuesi i kompanisë “Monting Energetika DOO” nga Maqedonia e Veriut, z. Cvetan Drageski, përmes llogarisë së tij në LinkedIn.
Ai njoftoi se ky bllok i KEK-ut sot ishte lëshuar në punë provuese 72 orëshe, pas përfundimit të riparimit kapital. Në foto shihet se gjatë testeve të sotme , blloku A-5 po jepte 152 MW/h të energjisë elektrike.
Më 15 nëntor 2022, Korporata Elektroeneregjetike të Kosovës – KEK kishte nënshkruar me këtë kompani nga Shkupi kontratën me numër KEK-22-8246-5-1-5, për LLotin 1, në vlerë prej 5,136,228.90 EUR.
