Ferizaj

Kanosje, grabitje, lëndim trupor e aksident trafiku – Raporti i Policisë për 24 orë në Ferizaj

Published

3 years ago

08 June, 2023

Policia Rajonale e Ferizajt ka raportuar se për 24 orë në rajonin Ferizaj kanë ndodhur lëndim trupor, aksident trafiku, kanosje, grabitje e lëndim aksidental.

Për disa nga këto raste ka edhe të arrestuar.

Raporti i plotë i Policisë:

LËNDIM I LEHTË TRUPOR

Ferizaj 07.06.2023 – 15:15. Viktima mashkull kosovar ka kërkuar ndihmë mjekësore, pasi ishte i therur me një mjet të mprehtë nga një person i panjohur. Viktima është dërguar në QKUK për tretman të mëtutjeshëm mjekësor. Rasti është duke u hetuar.

KANOSJE

Shtërpce 07.06.2023 – 11:44. Ankuesja femër kosovare ka raportuar se është kanosur nga i dyshuari mashkull kosovar. I dyshuari ndodhet në kërkim policor. Lidhur me rastin janë angazhuar njësitë përkatëse për procedura të mëtejme hetimore.

GRABITJE

Rr. Dëshmorët e Kombit, Ferizaj 07.04.2023 – 17:00. Me 07.06.2023 policia ka arrestuar të dyshuarin mashkull kosovar nën dyshimin se ka kryer grabitje me datën e lartcekur. Me vendim të prokurorit i dyshuari është dërguar në mbajtje.

LËNDIM AKSIDENTAL(Hetim i vdekjes)

Ferizaj 01.06.2023 – 12:11. Me 07.06.2023 lidhur me rastin, nga QKUK është raportuar se viktima femër kosovare e cila ka qenë e lënduar, ka vdekur. Me vendim të prokurorit trupi i pajetë i viktimës është dërguar në IML për obduksion. Rasti nën hetime.

ARRESTIM I PERSONIT TË KËRKUAR

Hani Elezit 07.06.2023 – 12:30. Në bazë të urdhëresës së gjykatës është arrestuar i kërkuari mashkull kosovar dhe i njëjti është dërguar në vuajtje të dënimit.

AKSIDENT TRAFIKU ME LËNDIME

Nerodime e Poshtme, Ferizaj 07.06.2023 – 19:30. Ka ndodhur një aksident trafiku në mes të dy automjeteve, me ç’rast një nga automjetet e përfshira ka ikur nga vendi i ngjarjes. Si pasojë e aksidentit lëndime trupore kanë pësuar ngasësja dhe pasagjeri kosovarë të cilët janë dërguar për tretman mjekësor. Rasti nën hetime.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

2 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

4 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë:

Ferizaj

Policia ia sekuestron dy armë pa leje një personi në Doganaj të Kaçanikut

Published

2 weeks ago

04 December, 2025

Redaksia

Policia ka shoqëruar në stacion policor të Kaçanikut, të dyshuarin mashkull kosovar, pasi që gjatë kontrollit të shtëpisë së tij janë gjetur dhe sekuestruar dy pistoleta dhe 67 fishekë.

Sipas policisë, nën dyshimin për armë mbajtje pa leje, kontrolli i shtëpisë u zhvillua pasditen e së mërkurës në fshatin Doganaj të Kaçanikut.

Me vendim të prokurorit, i dyshuari është liruar në procedurë të rregullt.