Policia e Kosovës ka njoftuar se Drejtoria për Hetimin e Krimeve Ekonomike dhe Korrupsionit përkatësisht Sektori për Hetimin e Krimeve ka arrestuar një zyrtar të Administratës Tatimore të Kosovës (ATK) nen dyshimin për keqpërdorim të detyrës zyrtare .
Gjatë veprimeve hetimore, në koordinim me Prokurorin e Shtetit, janë siguruar dëshmi se personi i
dyshuar M. K., viti i lindjes 1969, mashkull/kosovar, kishte lëshuar dokument të rrejshëm në emër të
ATK-së, me qëllim që një biznesi të caktuar t’i lirohen pronat e bllokuara.
Me këtë veprim, i dyshuari me dashje dhe me dijeninë e tij, ka vepruar në mënyrë të kundërligjshme duke e keqpërdorur detyrën zyrtare. I dyshuari është intervistuar në prezencën e avokatit mbrojtës dhe më pas me vendim të prokurorit është dërguar në mbajtje për 48 orë, thuhet mes tjerash në njoftim
