Sport

FFK-ja e pakënaqur me vendimin e UEFA-s, paralajmëron ankesë

Published

8 months ago

20 September, 2023

Federata e Futbollit e Kosovës ka shprehur pakënaqësinë e saj në lidhje me vendimin e Komisionit Disiplinor të UEFA-s për të dënuar Federatën e Futbollit të Rumanisë me 50 mijë euro dhe një ndeshje pa shikues.

Në reagimin pas këtij vendimi, FFK-ja ka paralajmëruar se do të ndjekë rrugët e saj ligjore.

“FFK-ja do të vazhdojë rrugën e saj ligjore dhe do të paraqesë ankesë në trupat përkatëse të UEFA-s, duke kërkuar që dënimi ndaj Federatës së Futbollit të Rumanisë të jetë sa më i lartë i mundshëm, jo vetëm në aspektin financiar, por edhe në forma të tjera, në mënyrë që të shërbejë si shembull se UEFA nuk do të tolerojë në asnjë mënyrë ofendime të tilla raciste ndaj një Federate anëtare të saj dhe ndaj një shteti të njohur ndërkombëtarisht.

FFK-ja është e përkushtuar që të kërkoj nga UEFA, që nëpërmjet dënimeve ndaj Federatës së Rumanisë t’ia bëjë të qartë çdo federate, grupi tifozësh apo çfarëdo grupi tjetër të interesit, se shteti i Kosovës, ekipi kombëtar i Kosovës dhe Federata e Futbollit e Kosovës, duhet të trajtohen dhe të respektohen në të njëjtën formë me çdo shtet, ekip kombëtar, e Federatë tjetër evropiane që është anëtare e UEFA-s”.

Reagim i FFK-së

Related Topics:ffk Futboll Kosove Rumania UEFA

Up Next

Ballkani synon të vazhdojë me paraqitje të mira në Europë

Don't Miss

UEFA dënoi Rumaninë me një ndeshje pa shikues dhe me 52 mijë euro gjobë.

Click to comment

Kosovë

Kosova mbetet e 102-ta në ranglistën e re të FIFA-s

Published

4 weeks ago

04 April, 2024

Redaksia

Në ranglistën e re të FIFA-s, të publikuar sot, përfaqësuesja e Kosovës në futboll mbetet në pozitën e 102-të, me 1205 pikë.

Kjo pasi në dy ndeshjet miqësore të muajit mars “Dardanët” fituan me rezultat 1:0 kundër Armenisë në Jerevan, ndërsa pësuan humbje nga Hungaria me rezultat 2:0 në Budapest.

Bazuar në rezultatet e fundit, përfaqësuesja e Shqipërisë ka rënë për dy pozita dhe aktualisht gjendet në pozitën e 66-të me 1375 pikë.

Ranglistës së FIFA-s edhe më tej i prinë Argjentina, pasuar nga Franca në pozitën e dytë kurse në vendin e tretë është ngritur përfaqësuesja e Belgjikës.

Kosovë

Historike për boksin e Kosovës – Donjeta Sadiku kualifikohet për Lojërat Olimpike Paris 2024

Published

2 months ago

09 March, 2024

Redaksia

Donjeta Sadiku e ka siguruar normën e parë olimpike në histori të boksit të Kosovës.

Donjeta e siguroi kualifikimin në Lojërat Olimpike Paris 2024, pasi sot mundi italianen, Alessia Mesiano, në gjysmëfinalen e kategorisë -60 kg, të turneut botëror kualifikues për Paris.

Me katër fitore radhazi, Sadiku siguroi “biletën” për lojërat olimpike “Paris 2024”.

Kosovë

Franco Foda emërohet trajneri i ri i Kosovës

Published

3 months ago

17 February, 2024

Redaksia

Franco Foda është trajneri i ri i Përfaqësueses së Kosovës në futboll.

Ai u prezantua nga Federata e Futbollit të Kosovës gjatë konferencës së sotme për media.

Kryetari i FFK-së, Agim Ademi, ka thënë se Foda

Trajneri 57-vjeçar ka nënshkruar kontratë dyvjeçare me FFK. Foda për shumë vjet drejtoi kampionin e Austrisë, Sturm Grazin, pastaj ekipin gjerman Kaisterslautern ndërkaq nga viti 2018 deri më 2022, ishte trajneri i ekipit kombëtar të Austrisë, me të cilin arriti kualifikimet në Evropianin e vitit 2020.

Foda pritet të debutojë te Kosova më 22 mars, në ndeshjen miqësore kundër Armenisë në Yerevan.