Në Plzen të Çekisë, futbollistët e Ballkanit nisin rrugëtimin e ri në fazën e grupeve të Ligës së Konferencës.
Ndeshja mes Viktoria Plzen dhe Ballkanit, e vlefshme për xhiron e parë të Grupit C do të zhvillohet sonte me fillim nga ora 21:00.
Në konferencën për shtyp para këtij takimi, trajneri i “portokallinjve”, IlirDaja, ka pranuar se me përvojën që ka dhe formën aktuale, ekipi vendas i Viktorias llogaritet favorit në këtë ndeshje, por ka shtuar se Ballkani nuk ka udhëtuar në Çeki sa për sy e faqe.
Sipas Dajës, Viktoria Plzen dhe Dinamo e Zagrebit, mbesin ekipet favorite për të avancuar nga faza e grupeve.
Për Ballkanin, kjo është hera e dytë rresht që paraqitet në fazën e grupeve të Ligës së Konferencës. Edicionin e shkuar Ballkani regjistroi një fitore, një barazim dhe katër humbje në gjashtë ndeshje të zhvilluara.
