Në ranglistën e re të FIFA-s që u publikua të enjten, përfaqësuesja e Kosovës ka pësuar rënie për dy pozita duke u renditur në pozitën e 111-të me 1181 pikë.
Kjo pasi në dy ndeshjet e fundit kualifikuese për Euro 2024, “Dardanët” pësuan disfatë nga Rumania 2:0, ndërsa barazuan me Zvicrën në Prishtinë me rezultatin 2:2, duke humbur kështu edhe gjasat për kualifikim në Europianin e vitit të ardhshëm që do të mbahet në Gjermani.
Ndërkohë, përfaqësuesja e Shqipërisë ka shënuar ngritje për tri pozita.
Nga vendi i 65-të, Shqipëria është ngritur në vendin e 62-të me 1395 pikë, pasi në dy ndeshjet e fundit, “Kuq e Zinjtë” barazuan me Çekinë 1:1, kurse fituan ndaj Polonisë me rezultatin, 2:0
Ranglistës së FIFA-s i prinë Argjentina, pasuar nga Franca dhe Brazili.
