Verified

VERIFIED – Verifikimi i fakteve dhe luftimi i dezinformatave në Kosovë – Episodi 4

Published

10 months ago

24 September, 2023

Viteve të fundit, me të madhe, dëgjojmë se po qarkullojnë dezinformata dhe lajme të rreme. Shumë thonë se për të mos rënë prej lajmeve të rreme, ne duhet të verifikojmë faktet. E në Kosovë, Hibrid.info e ka përditshmëri verifikimin e fakteve dhe analizimin e shkrimeve në media për të vërejtur dezinformatat, lajmet e rreme, gabimet, e po ashtu edhe ato që njihen si clickbait apo tituj për të tërhequr shikueshmëri.

Festim Rizanaj, hulumtues në Hibrid.info tregon se janë edhe anëtarë në rrjetin ndërkombëtar të verifikuesve të fakteve.

Festim Rizanaj – Hulmtues në Hibrid.info:

Hibrid.info është një platformë për verifikimin dhe kontrollin e fakteve apo fakt-check që njihet, do me thanë ka fillu në vitin 2020, hibrid.info është anëtarësu, është domethënë edhe anëtare e rrjetit ndërkombëtar të verifikuesve të fakteve, IFSN që njihet. Në kuadër të kësaj Hibrid.info bën monitorimin e përmbajtjeve. të ndryshme informative, që përfshijnë media portale të ndryshme dhe faqe në Facebook apo rrjete sociale si Facebook, Tik Tok apo edhe në platformat tjera, mundohet që t’i identifikoj këto çrregullime informative apo keqinformime t’i trajtojë në bazë të metodologjisë që e ka domethënë të përcaktume dhe t’i plasojë në faqen e vet si në uebfaqe, ashtu edhe në Facebook duke i klasifikuar në forma të ndryshme. Në kuadër të kësaj, Hibrid.info monitoron në gjuhën shqipe, po ashtu edhe mediat në gjuhën serbe, kryesisht lajmet që kanë të bëjnë me Kosovën. Në kuadër të këtij monitorimi, Hibrid.info nxjerr raporte mujore mbi klasifikimin e keqinformimit. temat, fushat në të cilat është keqinformu më së shumti personalitetet më të përfolura gjatë keqinformimit apo institucionet të cilat janë përfshirë më së shumti; Edhe brenda vitit i nxjerr dy raporte të përgjithshme, domethënë edhe statistikore po edhe analitike me ekspertë të fushës së komunikimit, duke sugjeruar rekomandime të ndryshme të cilat mund të zbatohen për përmirësimin e kësaj gjendjeje. Brenda ditës na mundohemi me monitoru të gjitha mediat reale që janë por edhe portale të dyshimta që ne kemi arritë me i identifiku apo faqe të ndryshme në Facebook dhe brenda ditës mesatarisht deri në katër-pesë sa arrijmë ne me stafin tonë mi identifiku dhe mi plasu në fashën tonë apo mi trajtu ato, po me gjasë duhet të ketë edhe më shumë, nëse arrijmë që domethënë sa më shumë, numrin e faqeve në Facebook apo në portale të dyshimta m’i identifiku apo m’i monitoru. Kryesisht këtu dominon politika. Politika është fusha kryesore që dominon për shkak se zhvillimet politike janë më të shpeshta në Kosovë, Clickbait është me dezinformatën konkurrencë, herë klik brenda mujit e herë clickbait është për para herë dezinformata, domethënë po kryesisht duhet me ba dallimi që cickbait vjen prej mediave reale, kurse dezinformatat janë kryesisht nga faqe të ndryshme në Facebook apo portale të dyshimta.

Se në Kosovë ka prezencë të lajmeve të rreme dhe dezinformatave, kjo veçse dihet. Naim Ferati, i cili është avokat, por edhe person që ka punuar shumë vite në institucione shtetërore, thotë se gati çdo ditë po përballemi me këto dukuri.

Naim Ferati – Avokat:

Them të drejtën aktualisht në mediat, nëse mund t’i quajmë media në Kosovë një pjesë të portaleve, hasmi shpesh, apo mos me thonë që çdo ditë e lajme me përmbajtje jo të vërtetë apo të rreme, siç njifet me zhargonin tashmë njohur dhe besoj që një pjesë e tyre janë më shumë komerciale sesa janë media që pasqyrojnë gjendjen reale dhe faktike të aktualiteteve në Republikën e Kosovës, por ky tashmë konsiderojmë që është kriju edhe një fenomen, duke përjashtu mediat serioze, të cilat në Kosovë janë munduar dhe vazhdimisht bëjnë përpjekje që të jenë korrekt në pasqyrimin e ngjarjeve dhe aktualiteteve të zhvillimit në qytete dhe në Republikën e Kosovës. Mirëpo një pjesë e mediave, konkretisht një pjesë e portaleve shpeshherë në pasqyrat e tyre vërehen lajmet e pavërteta apo ndodh edhe një fenomen tjetër që në hasjen e titujt janë bombastikë dhe tërheqin klikimet e shikuesve apo lexuesve të këtyre mediave, ndërsa përmbajtja është krejt e kundërt, me titullin e paraqitur në portale apo në lajme të caktuara në një pjesë të mediave.

Festim Rizanaj – Hulmtues në Hibrid.info:

Rizanaj në anën tjetër sqaron se ka një dallim mes mediave tradicionale e serioze dhe faqeve të dyshimta që veprojnë në Facebook. Në Kosovë mundemi m’i klasifiku, domethënë në media kryesisht kemi formën clickbait të çrregullimit informativ apo keqinformimit, kjo ndodh për shkak të sigurimit të trafikut të faqes në rrjete sociale po edhe të portalit, për të gjeneruar reklama dhe klikime që sjellin të mira financiare. Po ashtu, në media, domethënë reale, kemi forma të tilla gabime që ndodhin për shkak të shpejtësisë së dhënies së informacionit dhe nuk arrijnë që apo bëjnë ndonjë lëshim të mundshëm gjatë raportimit edhe përmbajtje të paverifikume dhe kjo ndodh për shkak të shpejtësisë së informacionit, nuk arrin me verifiku se ai informacion a i përket asaj ngjarjeje apo është ashtu siç është plasuar. Ndërsa te format tjera, dezinformatat apo manipulimi i fakteve, viinë kryesisht nga portale të dyshimta dhe faqe në Facebook, të cilat në emër kanë prapashtesa të tilla si info, press e të tjera. por që në kuadër të tyre kanë ndjekës deri në 70,000-100,000 ndjekës, domethënë që është faqja tyre në Facebook e frekuentuar. E kryesisht këto ndodhin në lidhje me zhvillime të ndryshme që marrin informacione e pastaj i shtojnë pjesë të caktume apo interpretojnë në forma të tjera dhe i plasojnë në faqe në portalet e tyre të dyshimta, domethënë që s’kanë impresum s’janë të regjistrume si entitete, nuk dihet kush qëndron prapa tyre. apo në faqen e tyre në Facebook, të cilat prapë nuk jepnin të dhëna rreth veprimtarisë së tyre.

Naim Ferati – Avokat:

Përveç verifikimit të fakteve, për ato se çka lexojmë e shohim, ne duhet edhe të lajmërojmë organet kompetente kur hasim në lajme të rreme apo dezinformata. Besoj që ne kemi hasë edhe raste të tilla, ku domethënë bëhen shpërndarje lajme me përmbajtje të pavërteta apo të rreme nga llogaritë apo nga profile të ndryshëm, të cilët as nuk mund të identifikohet se kush është personi apo kush qëndron prapa këtij profili në rrjete sociale, konkretisht në facebook edhe për rrjete tjera dhe këto janë shumë më të vështira për t’u detektu apo të identifiku që me fillu procedura, sidomos në procedurën e ligjit kundër shpifjes dhe fyerjeve. Andaj, për ngjarje të tilla, nëse sot ndodhin, zakonisht duhet t’ju drejtohet të institucioneve ligjzbatuese të Republikës së Kosovës, konkretisht Policisë së Kosovës, e cila duhet të merret konkretisht me ngjarje të tilla, për arsye se këtu krijojnë edhe një mundësim, edhe një joshëndet të jetës publike, pra edhe të jetës të qytetarëve të Kosovës, për arsye se nga një faqe e tillë apo nga një profil i tillë, shumë qytetarë hasin në fyerje pranojnë fyerje, kërcënime, ofendime, kanosje dhe të cilat në fund nuk dihet personi që i bën ato për arsye se është një profil i rremë, nuk është një profil i vërtetë, por ne kemi raste kur edhe nga profile të tilla klientët tanë kanë pranu ndonjë kanosje dhe ne kemi denoncu rastin në Policinë e Kosovës, e cila ka hapur rastin dhe ka vazhdu procedurën ligjore që të identifikon dhe të merret me çështjen për arsye se kanosja është vepër penale, e sanksionuar me me Kodin Penal të Republikës së Kosovës dhe si e tillë edhe është trajtu nga institucioni i ligjzbatuesit të Republikës së Kosovës

Festim Rizanaj – Hulmtues në Hibrid.info:

Por siç e dimë, shumica e audiencës sot informacionin e marrin në rrjete sociale. Në momentin që merret informacioni në rrjete sociale, autoriteti i gazetarisë apo i mediave kredibile ka humbur sepse aty mund të informojnë secili prej nesh, domethënë me hapë vijën e një faqe të caktume, e cila nuk kushton asgjë domethënë si vlerë monetare. Kështu që, për shkak se audienca informohet në rrjete sociale, e gjithë audienca është në rrezik të dezinformimit dhe kjo ndikon që pas një kohe të relativizohet mirë informimi, domethënë informimi i drejtë dhe audienca nuk arrin më me kuptu se është i dezinformuar. Kjo po ndodh shpesh edhe kur një dezinformatë e caktume po shpërndahet shumë nga audienca. apo po shpërndahet edhe nga portale të ndryshme apo po shpërndahet edhe nga faqe të ndryshme në Facebook, për shkak se një faqe e plason, domethënë e poston pastaj e sheh, faqe simotra, po i quaj, e shpërndajnë atë informacion, edhe pse ai informacion ka mundësi mu eliminu, po në faqe tjera mbetet po i njëjti. Kështu që audienca mbetet gjithmonë, përderisa e merr informacionin në rrjete sociale e rrezikume nga këto forma të çrregullimit informativ, por mbetet që të edukohet se si t’i identifikojë apo edhe si t’i lexojë ato.

Lajmet e rreme e dezinformatat po kanë ndikim edhe në raste të ndryshme të ndodhive në vendin tonë. Një shembull i tillë është rasti i një incidenti ku një pjesëtar i forcës së sigurisë kishte shtënë me armë zjarri në Shtërpcë me ç’rast mbeti i plagosur një qytetar i komunitetit serb. Naim Ferati, që është avokat i të dyshuarit, thotë se për këtë rast pati shumë dezinformata, sidomos nga mediat serbe, por që e vërteta ishte ndryshe.

Naim Ferati – Avokat:

Besoj që në mediat shqiptare në mënyrë mos të them tërësishme, po në mënyrën më të madhe të mundshme është pasqyru në mënyrë të korrekte, duke përjashtu mediat në gjuhën serbe, sidomos ato që vijnë nga Republika e Serbisë, e cila një pjesë e mediave, jo të gjitha, edhe andej kanë pasqyru në mënyrë jo to të vërtetë ngjarjen shpeshherë duke nxitur apo duke pasqyruar edhe elementet tjera të cilat bëjnë ato kanë edhe një prapavijë tjetër e cila është nxitja a urrejtja e cila ne që konsiderojmë në aspektin profesional, kjo është edhe një vepër penale e cila ka ndodhur nga një pjesë e mediave në gjuhën serbe, sidomos ato jashtë Republikës së Kosovës ku konsiderojmë që e kanë bërë edhe veprën penale e cila është e sanksionu me nenin 141 të Kodit Penal të Kosovës që është nxitja dhe përçarja apo mosdurimi etnik, racor, fetar e tjera. Po besoj që me këto duhet të merren më shumë institucionet e Republikës së Kosovës. Duhet të merren edhe institucionet tjera ndërkombëtare konsideroj për arsye se një ngjarje e tillë shpeshherë mund të ketë edhe impakte tjera, me çka edhe është synu nga një pjesë e këtyre mediave jashtë Republikës së Kosovës, që të krijon një përçarje, të krijon një trazirë dhe të krijon elemente tjera, të cilat nuk kanë qenë të vërteta apo kanë pasqyru një ngjarje me elemente të cilat nuk kanë pasur asgjë të bëjnë me rastin e klientit të cilin ne e përfaqësojmë, për arsye se ngjarje konkrete e ndodhur, ka ndodhë aty për aty, pa paramendim, pa asnjë paragjykim, por ka qenë e asgjashme, domethënë në momentin kur klienti jonë është hasë në një situatë pa lakmueshme dhe të cilët ju ka kanos aty për aty, atqastshëm një rrezik, një kanosje, një sulm serioz, i njëjti edhe ka bërë veprime me qëllim që të mbron veten dhe të largohet nga vendi ku ka qenë, pa pasë asnjë motiv lëndimi, vrasje, motiv etnik apo motivet tjera çfarë janë mundu që pasqyrojnë apo lansojnë një pjesë e mediave të cilat janë jashtë Kosovës. Andaj, këto të gjitha elementet të cilat i potencuam edhe më herët, konsiderojmë që bëjnë vepër penale të sanksionuar. me kapitullin e 14-të Kodit Penal, konkretisht me nenin 141 të Kodit Penal të Republikës së Kosovës. Kështu që ne duhet edhe më tutje si institucione si Republikë që të jenë shumë e serioze në trajtimin dhe kualifikimin e këtyre ngjarjeve, veçimi dhe trajtimi. Po ashtu konsideroj që institucionet tona duhet me ardhjen edhe veprimeve ndaj disa zyrtarëve të institucioneve të cilët përfaqësojnë janë përfaqësues të institucionit të Republikës së Kosovës, ne e kemi paralajmëru edhe muaj më parë që do të iniciojmë edhe një procedurë ndaj kryetarit të Komunës së Shtërpcës, i cili ka bërë pretendime dhe deklarata me qëllim të ndikimit në sektorin e drejtësisë po edhe Listës serbe, e cila me protesta, me thirrje dhe fyerje, duke mundu që pasqyron një ngjarje joreale të pasqyron dhe të lancon elemente të cilat nuk janë korrekte dhe nuk janë të vërteta e me të cilat mund të krijohet një përçarje dhe mund të krijohen elemente tjera, të cilat janë destruktive për Republikën e Kosovës. Këto kanë qenë të gjitha të pavërtetat çka janë lansu nga mediet serbe, që ka pasë paramendime, ka pasë ngjarje tjera dhe kjo është vërtetuar nga institucionet ligjzbatuese edhe nga institucionet e drejtësisë në Republikën së Kosovës, edhe pse ende jemi në procedurë gjyqësore ende s’ka përfundu procesi gjyqësor në këtë rast, por deri më tash në provat e trajtuara që mbrojtja ka janë pa që të gjitha elementet të cilat janë pretendu më herët, domethënë kanë ra dhe nuk ka mbështetje as ligjore, as nuk mund të faktohen në asnjë mënyrë. Andaj, gjërat tjera të cilat ne i kemi hasë gjatë këtij procesi, besoj që kanë pasur të gjitha një motiv, i cili nuk ka qenë dashamirës. as për procesin, as për rastin konkret, po as për procesin në të cilën kalon Republika e Kosovës. Pas përfundimit të hetimeve nga organi i akuzës, konsiderojmë që çështja është kristalizu është sqaru mjaftueshëm dhe tash në aktakuzën, të cilën është duke u trajtu në Gjykatën Themelore në Ferizaj, presim që brenda këtij viti të përfundon procesi gjyqësor dhe të shohim se cila do të jetë apo cili do të jetë vendimi gjyqësor në rastin konkret, përkundër që në pretendimet e para vepra ka qenë e kualifikuar në procedurën paraprake si vrasje e rëndë në tentativë. Pas përfundimit të gjitha proceseve hetimore nga organi i akuzës është kuptu dhe është sqaru që nuk ka të bëjë fare me veprën e cila është pretendu në fillet e kësaj çështjeje dhe tani jemi duke vazhdu procesin me aktakuzën e cila është është rikualifiku domethënë vepra penale dhe presim që deri në fund të sqarohen gjitha çështjet të cilat duhet të sqarohen nga mbrojtja dhe nga organi i akuzës në këtë rast.

Rizana e Ferati tregojnë mënyra të ndryshme se çfarë mund të bëjmë që të mbrohemi nga dezinformatat.

Festim Rizanaj – Hulmtues në Hibrid.info:

Po nëse vijmë te audienca, këtu ose si mi eduku, domethënë edukimi medial është për audiencën zgjidhja kryesore, për shkak se edukimi medial i mëson audiencën se si me i njoftë informacionet, domethënë si me i vlerësu ato, si me i pranua ato, a me i pranua a mos me i pranu. Domethanë me me me vlerësu përmbajtjen e tyre, po ashtu do të ishte e nevojshme që me pasë edhe një lloj detoksi të informacioneve, për shkak se kemi shumë informacione domethënë brenda ditës, kështu që me bë një përzgjedhje të caktime. Dhe jo m’u bë like çdo faqe pse ka një prapashtesë info ose press në Facebook, po mu përzgjedh dikund dhjetë kryesore që njihen kredibile mediave informacionet që jemi marrë prej tyre, në mënyrë që kjo tejngopja e informacioneve, neve na pamundëson që me i vlerësu mandej se cilat janë informacione të sakta e të drejta apo të vërteta e cilat jo, sepse e mbingarkon njeriun. Pjesa tjetër është verifikuese e fakteve mu përcjell nëpër faqe të ndryshme në Facebook, trajtimet që i bëjnë ata që me qenë të informum se çfarë informacione apo çfarë keqinformata po shpërndahen domethënë për në këtë platformë në ekosistemin keqinformues domethënë në Kosovë, pjesa tjetër mbetet në atë aspektin që verifikuesit e fakteve e thjesht me pas marrëveshje të tilla me platformat e mediave sociale të Metas apo të tjerat që këto përmbajtje keqinformuese, thjesht mu identifiku se është apo mu ba flag që po njihet si term, që kjo është përmbajtje e dyshimtë për shkak të këtyre arsyeve, sipas këtij fakt-checker apo verifikuesi të fakteve në mënyrë që audienca thjesht me pasë parasysh këto, me iu dalë përballë këto identifikime.

Naim Ferati – Avokat:

Unë po besoj që ende nuk është arrit ai niveli i vetëdijes qytetare dhe aktivizmit qytetar që denoncon çdo lajm të pavërtetë në Republikën e Kosovës për faktin se sot hasmi edhe një numër shumë të madh të portaleve që shpeshherë nuk e dimë as prejardhjen, as pronarin, as regjistrimin e atij portali që është ilegal a është valid a ka kryejë procedurat e licensimit dhe regjistrimit të këtyre portaleve. Por, realisht në Republikën e Kosovës sot ekziston kuadri ligjor, i nxjerrë nga Parlamenti i Kosovës, i cili rregullon një pjesë të fushës së lajmeve të pavërteta. Dhe, nga miratimi i Kodit Penal të Republikës së Kosovës, së fundmi, domethënë ky lloj i lajmeve të pavërtete apo fakenews domethënë nuk është më vepër penale, ka kalu në fushën civile. Ku është miratu edhe Ligji kundër shpifjes dhe fyerjeve në Republikën e Kosovës, e cila trajton këtë pjesë por, megjithatë, përveç iniciativave private të cilave apo individuale të çdo qytetari i cili i cenohet ndonjë e drejtë nga këto lajme të pavërteta. të shfaqura në një pjesë të portaleve që janë aktive në Republikën e Kosovës, duhet të iniciohen edhe procedura pranë Këshillit të Pavarur të Mediave dhe Komisionit me të cilin edhe kanë legjitimitetin dhe obligimin ligjor që të merren me kontrollin apo edhe rregullimin e fushës së mediave në Kosovë. Konsideroj që pikërisht jemi me këtë numër shumë të madh të lajmeve të rreme, apo lëmi me përmbajtje të pavërteta, për shkak që në Kodin Penal, i cili është në fuqi aktualisht, ishte një një lobim shumë i madh, sidomos edhe nga mediat, po edhe nga shoqëria civile që hiqen nenet e famshme të cilat kishin të bëjnë me pavërtetën dhe shpifjen dhe fyerjen që të hiqen nga veprat penale dhe të kalojnë në sferën civile, domethënë në çështjet civile-juridike dhe nga ky moment është rritë besoj edhe numri i shpifjeve, numri i fyerjeve, numri i veprave që kanë të bëjnë me këto elemente e që përbën një vepër penale kryesisht dhe tash derisa trajtohen në çështje civile me ligjin kundër shpifjes dhe fyerjes, atëherë besoj që nuk ka edhe shumë impakt luftimi i kësaj çështje, për arsye se çështjet civile zakonisht janë çështje që kanë impakte ligjore dhe kanë edhe sanksione ligjore, të cilat kanë bërë me çështjen civile, me çështjet monetare, financiare, dëmin shkaktimin e dëmit, kompensimin e dëmit, dëmeve materiale dhe jomateriale. Në këtë rast kemi dëmet jomateriale, por edhe materiale mund të jenë. për arsye se shumë njerëz mund të kenë pasoja të ndryshme nga një lajm i tillë. Është e paimagjinueshme se si merret guximi që të shpallet apo shpërndahet një lajm me përmbajtje të pavërtetë kur duhet kuptuar se çfarë impakti mund të ketë te një person, në këtë rast apo te një organizatë apo te një rasti i caktum, për arsye se shpeshherë ne kemi trajtime të çështjeve kur njerëzit arrijnë deri në atë pikë, të cilën nuk mund ta riparojmë më për shkak një një lajmi me përmbajtje të pavërtetë apo të rremë. Dhe duhet të merret iniciativa nga deputetët apo nga organet tjera, të cilët kanë mundësinë iniciativë iniciativave ligjore në Parlamentin e Kosovës që të bëhen ndryshimet ligjore, nuk themi që të futen në vepra penale për arsye se media duhet të jetë e lirë. Po bëhen ndryshime ligjore duke i detektuar dhe eliminuar domethënë portalet apo adresat të cilat janë pa vërteta dhe të luftohen pikërisht këto elemente, për arsye se nuk kanë qytetarët edhe ku adresohen që të kërkojnë të drejtat e tyre, për arsye se me një postim në një adresë në Facebook, ti nuk mund ta gjesh se kush qëndron prapa saj, për arsye se është edhe adresa është jo e vërtetë, edhe lajmi është i pavërtetë, po i cili krijon shumë dam tek njerëzit dhe te qytetarët e Republikës së Kosovës.

Përderisa ka media fiktive që përhapin dezinformata dhe lajme të rreme, neve si shoqëri na mbetet të jemi syçelë dhe të verifikojmë faktet kur lexojmë diçka. Madje edhe duke kërkuar informacionet nga mediat tradicionale në mënyrë që mos të jemi pre e dezinformimit.

Verified

VERIFIED – Kosovarët nuk i ‘’hanë’’ rrenat për BE-në – Episodi 10

Published

5 months ago

29 February, 2024

webmaster

Misioni i Bashkimit Evropian në Kosovë i kushton rëndësi të madhe identifikimit dhe luftimit të lajmeve të rreme në shtetin më të ri të Evropës. BE-ja ka misionin më të madh të jashtëm në Kosovë.

Ioanna Lachana, shefe e Zyrës për Komunikim të Misionit të BE-së në Kosovë:

“Siç e dini, dezinformimi është vendosur lart në agjendën e BE-së. Shërbimi i Veprimit të Jashtëm i BE-së ka Divizionin e Komunikimit Strategjik, i cili gjithashtu përfshin tri taskë-forca, njëra prej të cilëve është për Ballkanin Perëndimor dhe lidhet me dezinformimin. Andaj, çfarë ata bëjnë, identifikojnë, analizojnë dhe ngrehin vetëdijen për këtë fenomen dhe sesi shfaqet, përfshirë edhe në vendet e Ballkanit Perëndimor. Dhe afërmendsh se ata krijojnë strategji sesi ta luftojnë dhe sesi të promovohen interesat strategjike të BE-së në rajon, sikurse edhe vlerat e BE-së. Natyrisht se nuk bëhet vetëm kjo punë, sepse kanë bashkëpunim me shtetet anëtare të BE-së, me institucionet tjera të BE-së. Natyrisht me të gjithë ne në terren, ta zëmë me Zyrën e Misionit të BE-së në Kosovë. Ata bashkëpunojnë me shoqërinë civile, me mediat, me aktorë tjerë ndërkombëtarë, me qëllim që të ketë një qasje mbarëshoqërore kundrejt kësaj çështjeje. Së fundmi, them afërsisht një muaj më parë, kanë nxjerrë raportin e dytë për manipulimin e jashtëm informativ dhe për kërcënimet e ndërhyrjes. Është një raport fort interesant, përfshinë, në të vërtetë hartëzon aktorët, aktorët e huaj, të cilët manipulojnë informimin dhe me qëllimin strategjik që të ndjellin konfuzion dhe frikë”.

Ioanna Lachana – Shefe e Zyrës për Komunikim të Misionit të BE-së në Kosovë

Korrespodenti i Grupit KOHA në Bruksel thotë se Bashkimi Evropian është dëshmuar i suksesshëm në luftën kundëër lajmeve të rreme, megjithëse janë të përhershme përpjekjet për ta mjegulluar gjendjen reale.

Augustin Palokaj, korrespodent i Grupit KOHA në Bruksel:

“Sa i përket Bashkimit Evropian dhe mënyrës dhe mjeteve me të cilat po lufton, brenda BE-së ka struktura që merren me fushata kundër fushatave të dezinformimit. Ato janë të suksesshme në identifikimin e lajmeve të rreme, janë të suksesshme në identifikimin e fushatave të dezinformimit, identifikojnë edhe mediat që përhapin ato. Disa prej atyre mediave janë ndaluar dhe janë nën sanksione të Bashkimit Evropian, por gjithsesi nuk është një detyrë e lehtë pasi që nuk është lehtë ta luftosh të pavërtetën se shpesh e pavërteta është shumë interesante dhe depërton në opinion. Thotë një fjalë popullore: Përderisa e vërteta i mbathë këpucët, rrenat tashmë i ka kaluar gjysmën e botës. Dhe me këtë parim Rusia po e bën propagandën e vet me një sukses të konsiderueshëm, do të thoja”.

Augustin Palokaj – Korrespodent i Grupit KOHA në Bruksel

Sfidat me të cilat po përballen institucionet e Bashkimit Evropian në Kosovë janë të ngjashme me ato me të cilat blloku evropian sprovohet edhe në skenën botërore, por ka edhe specifika të lidhura me zhvillimet lokale.

Ioanna Lachana, shefe e Zyrës për Komunikim të Misionit të BE-së në Kosovë:

“Paj, sfidat me të cilat përballemi këtu, janë në të vërtetë sfida botërore. Janë botërore, janë përherë në ngritje dhe janë të ndërlikuara. Ta zëmë, derisa kishim këtë avancim dixhital dhe afërmendsh një ndryshim rrënjësor në spektrin mediatik, dhe natyrisht se kjo e demokratizoi pjesëmarrjen, solli edhe sfida. Tani po e shohim se këta aktorë dezinformimi po përdorin inteligjencën artificiale, po shohim video thellësisht të rreme, që të përmendim një shembull që ka qarkulluar me të madhe këtu në Kosovë; videoja e Elon Muskut, duke folur shqip goxha rrjedhshëm, madje larg më mirë se unë. Çështja është se ata e bëjnë këtë për të rrokur vëmendjen, e bëjnë këtë që të duken më të besueshëm. Çështja është çfarë bëjmë ne që ta luftojmë këtë; ne në Bashkimin Evropian në Kosovë e shohim këtë fenomen me një qasje gjithëpërfshirëse. Së pari, mundohemi ta kemi parasysh situatën e ngritjes së vetëdijes, bëjmë monitorim të gjerë të mediave, dëgjim të mediave sociale, dhe mu për këtë përdorim edhe burime njerëzore, por edhe një mjet të Inteligjencës Artificiale. Pos këtyre, me të detektuar se ka një kërcënim dezinformimi, rrekemi ta identifikojmë, e analizojmë çfarë qëndron prapa tij dhe dalim me një strategji si ta luftojmë para se kjo narrativë të përhapet. Strategji shumë e rëndësishme për ta luftuar këtë dezinformim është edhe komunikimi proaktiv, sepse nëse bëni komunikim më proaktiv, lini më pak hapësirë për aktorët dezinformues që narrativi i tyre të marrë dheun. Dhe afërmendsh, sikur që e dini mirë, BE-ja mbështet edhe mediat me qëllim që të bëhen më të pavarur, sepse kështu minimizojmë, sidomos me mediat me të cilat punojmë, sepse e dimë se nëpërmjet mbështetjes nga BE-ja, ato bëhen më të pavarura dhe më profesionale, si dhe të mos ketë dezinformata prej anës së tyre. Natyrisht se ne jemi angazhuar edhe me veprime të edukimit medial me qëllim që ta luftojmë këtë fenomen. Sidoqoftë, BE-ja, e vetme, nuk mund ta luftojë këtë fenomen në Kosovë. Siç e thashë edhe më parë na duhet një qasje gjithëpërfshirëse e shoqërisë. Ne punojmë bashkë me partnerë ndërkombëtarë dhe lokalë, me shoqërinë civile, sepse secili prej tyre, secili prej atyre mbrojtësve, mund të shtojë diçka shumë të kuptimshme në këtë ekuacion që të mund ta luftojmë dezinformimin”.

Palokaj thotë se dialogu Kosovë-Serbi me ndërmjetësim të Bashkimit Evropian nuk është shoqëruar me lajme të rreme me ndikim, por thotë se palët dhe ndërmjetësuesit duhet të tregohen më transparentë me opinionin publik.

Augustin Palokaj, korrespodent i Grupit KOHA në Bruksel:

“Sa i përket dialogut mes Kosovës dhe Serbisë, nuk mendoj se ka dezinformim, as nga Bashkimi Evropian, por as nga Kosova dhe Serbia në mënyrë direkte, Problemi qëndron te moskomunikimi. Moskomunikimi nga ana e BE-së, sepse lehtësueist e Bashkimit Evropian nuk japin shumë detaje dhe nuk ndërhyjnë kur palët japin interpretime të ndryshme. Ndërsa, edhe Kosova, edhe Serbia shpesh japin interpretime të ndryshme, madje edhe të kudnërta të asaj çfarë ka ndodhur në dialog, dhe kështu krijohet një huti, por ky është rezultat i mungesës së komunikimit, e jo i ndonjë fushate të qëllimshme të dezinformimit”.

Shumë ligjërues të gazetarisë dhe komunikimit po kërkojnë futjen e edukimit medial në sistemin arsimor. Edhe BE-ja mendon se duhet të ketë më shumë fushata vetëdijesimin për rolin e edukimit medial, sidomos në mesin e të rinjve.

Ioanna Lachana, shefe e Zyrës për Komunikim të Misionit të BE-së në Kosovë:

“Nuk është se ka një qëndrim zyrtar (të BE-së), por qëndrimi ynë është padyshim se duhet të ketë më shumë edukim medial këtu. Kjo nuk duhet të bëhet vetëm me të rinjtë, kjo lidhet gjithashtu me të gjithë, sepse gjatë gjithë jetës tonë jemi mësuar që ta marrim lajmin në një formë të caktuar. Brezat më të moshuar, ta zëmë, kishin disa burime lajmi. Më parë ishte më e lehtë që të kontrolloje dhe ta faktoje informacionin. Tani kur kemi një mal burimesh, duhet t’i edukojmë të gjithë se si duhet të informohemi, dhe që të faktojnë se lajmet që kanë marrë, janë lajme të vërteta. Kjo afërmendsh se lidhet më fort me brezat më të rinj, sepse siç e dimë, edukimi fillon prej moshës shumë të hershme dhe në momentin kur fëmijët mësohen prej moshës së hershme si të informohen, atëherë edukohen në aspektin mediatik prej një moshe shumë të hershme dhe do të jenë të zotë të ballafaqohen me sfidat me të cilat i kemi sot, shumë më lehtë se ne, që po mundohemi të rritemi bashkë me teknologjinë dhe që po mundohemi të përshtatemi me teknologjinë varësisht prej përparimit teknologjik”.

Qeveria e Kosovës ka nisur procesin e ndryshimeve ligjore për mediat që ofrojnë përmbajtje vizive. BE-ja i bën thirrje Qeverisë që çdo nisma ta harmonizojë me rregullativën evropiane meqë synon anëtarësimin në Bashkimin Evropian.

Ioanna Lachana, shefe e Zyrës për Komunikim të Misionit të BE-së në Kosovë

“Pra, Komisioni Evropian e ka spikatur shumë herë, herën e fundit edhe në raportin e fundit për Kosovën, se Ligji për Komisionin e Pavarur për Media duhet të jetë në përputhje të drejtpërdrejtë me Direktivën e BE-së për shërbimet vizuale. Afërmendsh se kjo duhet të bëhet në përputhje me lirinë e medias. Ne tashmë po e analizojmë këtë ligj si BE në Kosovë dhe do t’ua dorëzojmë komentet autoriteteve të Kosovës. Ne do të dëshironim që ky lobim të përshtatet në një procedurë të shpejtë, transparente dhe të hapur në konsultim dhe pjesëmarrje të plotë të organizatave gazetareske dhe natyrisht me shoqërinë civile”.

Bashkimi Evropian është mbështetësi më i madh financiar i Kosovës dhe Brukseli zyrtar e ka mbështetur Kosovën edhe për identifikimin e lajmeve të rreme në kuadër të asaj që ekspertët e sigurisë dhe të marrëdhënieve me publikun e skoniderojnë luftë hibride.

Ioanna Lachana, shefe e Zyrës për Komunikim të Misionit të BE-së në Kosovë:

“Pra, siç e dini, Misioni i BE-së në Kosovë është promotori më i madh i asistencës financiare këtu. Po jetësojmë një mori projektesh që synojnë më shumë transparencë mediatike, pluralizëm dhe edukim medial, veçanërisht vjet i kemi zbatuar dy projekte për të cilat jam fort krenare; njëri ka të bëjë me monitorimin e pronësisë së mediave, që hartëzon pronësinë e mediave në Kosovë. Andaj neve na duhet ta dimë se kush qëndron prapa përmbajtjes, si të presim që qytetarët të besojnë se lajmet janë të besueshme kur nuk e dimë se kush i prodhon. Një prej gjetjeve të këtij raporti është se ka njëfarë kontrolli mbi politikën redaktuese dhe se ai kontroll mund të jetë ose politik, ose, ta zëmë, ekonomik, që vjen prej bizneseve. Dhe në raportin që u publiku vjet – për të cilin ishte angazhuar BIRN-i, i cili u titullua “Tregimi i rrenave tona”, fokusohet në narrativin e dezinformimit që depërton në shoqërinë e Kosovës dhe në mesin e të gjitha komuniteteve të saj – njëra prej gjetjeve ishte se Kosova është e cenueshme nga faktorët e jashtëm edhe nga propaganda anti-perëndimore, anti-BE dhe anti-NATO. Ju e dini fort mirë se integrimi në BE mbështetet me të madhe në Kosovë, mbase mbi 90% e kosovarëve duan që Kosova të bëhet anëtare e Bashkimit Evropian, megjithatë kjo narrativë vazhdon, kjo narrativë anti-BE. Madje mund të shpjerë drejt më pak reformave, më pak gatishmërisë për të ndjekur këtë shteg drejt BE-së, dhe narrativi tjetër është narrativi i rrezikshëm për një luftë të mundshme ndërmjet Kosovës dhe Serbisë. E panevojshme për ta thënë se ky lloj dezinformimi është tepër i rrezikshëm dhe u hedh benzinë tensioneve. Dezinformimi është kërcënim për shoqërinë tonë, është kërcënim për demokracinë tonë. Ne duhet ta luftojmë këtë betejë, sepse është betejë për sigurinë dhe praktikisht kjo është beteja e ditëve tona”.

Pranverë e nxehtë Bashkimin Evropian, ku në qershor do të mbahen zgjedhjet e Parlamentit Evropian, si institucioni më i lartë legjislativ i bllokut. Debati pritet të jetë goxha i fortë për shkak të ndryshimeve politike që tashmë janë shënuar në disa shtete e që mund të ndikojnë në proceset e vendimmarrjes së Bashkimit Evropian.

Augustin Palokaj, korrespodent i Grupit KOHA në Bruksel:

“Nga ekstremi i djathtë dhe nga ekstremi i majtë, por edhe parti që janë në pushtet në disa vende të Bashkimit Evropian, ndonëse nuk janë shumë. Gjithsesi kjo është një vërejtje në prag të zgjedhjeve evropiane dhe prandaj BE-ja dhe vendet anëtare janë më vigjilente në këtë kohë në prag të atyre zgjedhjeve që zhvillohen në muajin qershor”.

Ioanna Lachana, shefe e Zyrës për Komunikim të Misionit të BE-së në Kosovë

“Sa për zgjedhjet evropiane, selia jonë qendrore, Shërbimi i Veprimit të Jashtëm i BE-së, së bashku me Komisionin Evropian dhe me Parlamentin Evropian, po punojmë bashkërisht me qëllim që të ofrohen informacione të besueshme për këto zgjedhje për publikun më të gjerë, për evropianët, por natyrisht edhe për mbarë botën. Siç mbase ju e dini, ky proces zgjedhor është më i madhi në botë sivjet pas atij në Indi. Andaj, piketat janë të larta, andaj po zhvillohet një fushatë informimi, një fushatë proaktive informimi, titulluar “Use Your Vote” (Përdore votën), për t’iu kërkuar evropianëve që të dëshmojnë sesi vota e tyre mund të bëjë dallimin në procesin e vendimmarrjes në Bashkimin Evropian. Pos kësaj, këtu, do të organizojmë disa aktivitete, bashkë me shtetet anëtare të BE-së, për të ngritur vetëdijen për këtë proces demokratik. Njëherësh, përderisa zgjedhjet janë parakusht i shteteve anëtare të BE-së që t’i organizojnë mbarësisht, BE-ja do të monitorojë edhe hapësirën informative për shkak të përpjekjeve të mundshme dezinformuese që t’i qesin hije këtij procesi dhe nëse vërejmë diçka të ngjashme, atëherë ne menjëherë do ta analizojmë dhe do t’i kundërvihemi menjëherë, sepse ne duam që evropianët të marrin informacione të besueshme për këtë proces demokratik. Siç e dini, BE-ja ka edhe rregullat e veta që gjithashtu ndihmojnë qytetarët evropianë të jenë të sigurt në mjedisin on-line. Kombinimi i gjithë kësaj do të zbatohet edhe këtu në Kosovë, me qëllim që të sigurohemi se qytetarët do të kenë informacionet e duhura për këtë proces të madh demokratik”.

Qytetarët e Kosovës vazhdojnë të mbesin më pro-Bashkimit Evropian në mesin e shteteve që synojnë anëtarësimin në Bashkimin Evropian. Palokaj thotë se lajmet e rreme kanë dështuar të kenë ndikim në mesin e kosovarëve kur vjen puna te orientimi i tyre pro-integrimit në BE.

Augustin Palokaj, korrespodent i Grupit KOHA në Bruksel:

“Kosova nuk është viktimë e ndonjë fushate kundër Bashkimit Evropian. Vetë faktui se qytetarët e Kosovës mbështesin me përqindje të madhe, ndoshta me përqindjen më të madhe jo vetëm në rajon, por në tërë Evropën mbështesin integrimin në BE, dëshmon se nuk janë viktimë e ndonjë fushate kundër BE-së. Por, natyrisht kosovarët janë të zhgënjyer nganjëherë me faktin se Kosova po ngec në procesin e integrimeve evropiane. Dhe kanë një ndjenjë të padrejtësisë drejt Bashkimit Evropian për këtë çështje. Por kjo nuk është rezultat i ndonjë fushate të dezinformimit, qoftë nga mediat, qoftë nga ndonjë strukturë e caktuara politike, por është realitet. Mediat e Kosovës në përgjithësi kanë një qasje mjaft korrekte të raportimit të Bashkimit Evropian dhe raporteve politike për Kosovën. Edhe kur ka përplasje politike në relacionin BE-Kosovë, atëherë paraqesin pikëpamjet edhe të njërës, edhe të palës tjetër, por nuk kanë ndonjë tendencë për të krijuar ndonjë opinion negativ për Bashkimin Evropian dhe në këtë aspekt do të thosha se qytetarët e Kosovës janë relativisht në mënyrë reale të informuar për BE-në dhe nuk janë viktima të fushatave.

Verified

Promo – Verified – Episodi 10

Published

5 months ago

28 February, 2024

webmaster

Verified

VERIFIED – Përmbajtja e paredaktuar e mediave sociale, shqetësuese për shoqërinë – Episodi 9

Published

5 months ago

25 February, 2024

webmaster

Organizatat joqeveritare, sidomos ato që organizojnë aktivitete profesionale e rekreative për persona me aftësi të kufizuara, thonë se bashkëpunimi me media gjithnjë ka qenë kritik për të ngritur vetëdijen kolektive për rëndësinë e integrimit të këtyre personave.

Enver Kosumi, drejtor i Handikos Ferizaj:

“Prej themelimit të tij domethanë ka pasur një raport të mirë me media. Vazhdimisht mediat kanë qenë ato që e kanë përcjellë çdo iniciativë, apo fushatë, aktivitet që është bërë në kuadër të aktiviteteve që bën Handikos-i. Deri më tash, nuk di që domethanë kemi pasur ndonjë kërkesë, apo diçka mediat lokale nuk na janë përgjigjur pozitivisht. Sa i përket përcjelljes së aktiviteteve tonë çfarëdo natyre qofshin”.

Enver Kosumi – Drejtor i Handikos Ferizaj

Megjithatë, ky bashkëpunim kërkon edhe kujdesin e veçantë të organizatave joqeveritare dhe mediave që të mos shkelen të drejtat themelore të personave që janë pjesë e aktiviteteve.

Enver Kosumi, drejtor i Handikos Ferizaj:

“Hendikos ka qenë në partneritet me ‘Save the Children’ qysh nga themelimi i tij dhe ‘Save the Children’ që strikt i zbaton dhe në kuadër të atyre politikave, edhe Handikos-i iu ka përshtat dhe çdo përfitues i joni që i merr shërbimet iu ka përshtat atyre. Paraprakisht informohet dhe nënshkruan deklarata të pranimit apo të mospranimit të publikimit qoftë të fëmijës, qoftë të rriturit me aftësi të kufizuar në kuadër të aktiviteteve që ne kërkojmë ose që i organizojmë. Parim i Handikos-it është ana pozitive e çdokujt, duke mos e atakuar atë pjesën e aftësisë së kufizuar në rend të parë, mirëpo gjithmonë fokusi jonë është te ana pozitive e përfituesit tonë, qoftë fëmijë, qoftë i rritur me aftësi të kufizuar. kështu që deri më tani është parim, thashë edhe ma herët, është parim i Handikos-it i njoftojmë se në kuadër të këtij aktiviteti ka me pasë edhe media, edhe personat që nuk e kanë të nënshkruar deklaratën, ose tërhiqen, ose në njëfarë forme largohen nga aktiviteti derisa të filmohet ajo pjesë. Domethanë në momentin që përfundojnë incizimet dhe fotografitë, atëherë fillojnë të jenë pjesë e aktivitetit”.

Por mediat sociale dhe ndikimi i përmbajtjeve, në shumicën e rasteve pa u redaktuar, po cenon shëndetin mendor të gjithë shoqërisë. Fëmijët, cak më i lehtë.

Hatixhe Misini, sociologe:

“Ndikimi i rrjeteve sociale ka ndikuar negativisht në komunikimin e drejtpërdrejtë. Thjesht sot i shohim gjithandej që komunikimi bëhet vetëm online. Madje shpesh me shaka e themi se edhe nëse dy fëmijë i ke në shtëpi, kjo ndodhë që i shohim se ata flasin me telefon dhe jodrejtpërdrejt. Komunikimi drejtpërdrejt, me farefisin, me miqtë, me familjen, me rrethin definitivsht është shumë i rrallë dhe kjo ndikon negativisht natyrisht dhe ne po i shohim fëmijët edhe me simptome të ndryshme në shëndetin e tyre. Thjesht shëndeti mendor është aspekt tjetër që mund të flasin profesionistët, por megjithatë izolimi në dhomë me telefon thjesht, mungesa e apetitit për t’u ushqyer, mungesa e dëshirës nganjëherë edhe për të ardhur edhe në shkollë, domosdoshmërisht na ka çuar të hulumtojnë që faktori numër një është komunikimi në rrjete sociale”.

Hatixhe Misini – Sociologe

Por shtrirja dhe ndikimi i madh i rrjeteve sociale ka vështirësuar edhe rolin e familjeve dhe institucioneve për shkak se të rinjtë, sidomos fëmijët e vegjël, mund të jenë cak i abuzimeve të ndryshme në kohën kur ata brendësojnë vlerat, shpesh të përcaktuara nga faktorë të panjohur.

Hatixhe Misini, sociologe:

“Përdorim ii internetit është bërë një shprehi e pashmangshme në ditët e sotme. Ky ndikim i pavëmendshëm si duket ka përfshirë krejt njerëzit, anembanë globit dhe më së shumti që po pësojnë janë të rinjtë, moshat e reja. Thjesht ju e dini se adoleshenca është një periudhë, ku fëmijët, të rinjtë janë në gjetje të vetvetes, janë në krijimin e personalitetit të tyre, identitetit të tyre, dhe kur në të kaluarën ata përfshinin në këtë qëllim familjet, shkollën, bashkëmoshatarët, sot fatkeqësisht ata përfshijnë edhe hapësirat kibernetike. Aty, ku nuk mund ta gjejnë veten, madje nganjëherë edhe e humbin atë. Natyrisht se nëse flasin veçanërisht për këtë grupmoshë, veçanërisht për të rinjtë, është definitivisht potenicalisht ka efekte të dëmshme, sepse si në sjellje, si në shëndetin e tyre, rrjetet sociale kanë ndikuar që ata të mos ta kenë një jetë normale, ashtu sikur se e kemi pasur ne dikur pranë librit, pranë lojës në oborr dhe pranë miqve, dajallarëve dhe axhallarëve. Thjesht ky ndikim ka të bëjë që sidomos moshat e reja, tashmë siç e dimë janë të izoluar pranë një ekrani dixhital dhe kjo është një sfidë shumë, shumë e madhe për familjet. Besoni që unë pasi që punoj edhe në shkollë, jam në kontakt të vazhdueshëm edhe me prindërit dhe gjithmonë e thonë atë që puna më e vështirë sot është për të rritur një fëmijë larg ekranit dixhital”.

Psikologia thotë se ka forma të ndryshme të bullizimit, që i thyen shpirtërisht fëmijët që kalojnë kohë të gjatë në rrjetet sociale.

Selvete Abdullahu, psikologe:

“Në fakt edhe bullizimi është shumë i theksuar përmes mjeteve sociale se ekzistojnë forma të ndryshme të bullizimit, Për shembull është bullizimi fizik, ku zakonisht ose bullizimi po e marr si formë bullizimin e parë verbal që është përmes bisedave me konotacion negativ, përmes fyerjeve, ofendimeve, përmes uljes poshtë, përmes uljes së vetëbesimit të viktimës. Mandej, fillon në rrjete sociale, mandej fillon edhe në formën live kur shihen dy persona, e zgjasin atë pjesë të konfliktit, të themi në fillim të konfliktit dhe nxitjes, dhe tani fillon edhe një dhunë fizike, një bullizim fizike. Mandej duke e rrahur ose goditur viktimën. Poashtu fillon edhe bullizimi tjetër. Format e bullizimit elektronik që janë kur dy persona marrin pjesë, ose bullizimi tjetër që është bullizimi social, duke formua grupe, duke e ndarë prej grupit personin. Në fakt, të rinjtë, ose të miturit nuk e ndjejnë sesa e lëndjnë personin tërtër, duke përdorur fuqinë e tyre në këtë rast si djem të fortë, ose si vajza të forta, nuk e dinë sesa është lënduese, sesa është demotivuese për viktimën bullizimi dhe format tjera të bullizimit”.

Selvete Abdullahu – Psikologe

Sociologia Misini thotë se as familja e as shoqëria ende nuk ka një qasje të duhur për t’u përballur me pajisjet që po rrezikon të neutralizojë tërësisht kufirin ndërmjet reales dhe imagjinares.

Hatixhe Misini, sociologe:

“Një trajnim i duhur do të ishte edhe për vetë prindërit, sepse jemi në një qorrsokak, një sfidë e madh ekur askush nuk di të na orientojë se kur ta kapim telefonin dhe kur ta lëmë atë. Vërtetë është sfiduese siç e thashë. Prindërit po provojnë të zhvillojnë lloj-lloj metodologjie për t’i rritur fëmijët, por po e kanë të vështirë për t’i lënë një orë ose dy orë larg telefonit. Definitivisht jo vetëm fëmijët, për këtë gjendje siç ka ardhur, për këtë hapësirë kibernetike, për këtë jetë dixhitale siç po i themi, vërtetë është sfiduee edhe për të mëdhenjtë, sidomos për të rinjtë. Po them për fëmijët sepse janë të vegjël, ende nuk janë të pjekur dhe definitvisht nuk dinë ta ndajnë realitetin nga fantazia”.

Selvete Abdullahu, psikologe:

“Mësimdhënësit duhet të jenë shumë motivues, sidomos ta të ciklit të ulët, sepse janë hapat e parë të fëmijëve drejt zhvillimit të tyre fizik, psiqik, emocional, të mësimnxënies, prandaj është shumë esenciale mësimdhënësit të jenë ndëshkues aty ku duhet të jenë ndëshkues, por jo në forma të rënda, por ndëshkues me notë, ose me notë sjelljes, ose me diçka, por edhe të jenë shumë motivues, të ndajnë drejtësi, të kenë rolin jo vetëm si të mësimdhënësit, por edhe si të prindërit, por edhe si të psikologut. Të përdorin metoda, metoda që i parandalon ata fëmijë që janë më hiperaktivë, më ngucakeq, që nuk janë të interesuar fort për mësim, por edhe t’i motivojnë fëmijët që janë më të interesuar për mësim, që janë më të qetë, që dinë të menaxhojnë veten. Domethanë ta kenë një menaxhim sa më të mirë të klasës, por tash s’mund t’i përgjithësojmë të gjithë. Nuk janë kategori e njëjtë, sepse varet edh eprej personalitetit, karakterit të mësimdhënies, prej gjendjes së tij psiqike, emocionale, por zakonisht mësimdhënësi çështjet, problemet, por edhe çështjet e tjera jashtë shkollës duhet t’i lërë në shtëpi, ose në shoqëri, ose ku i ka. Ndërsa në shkollë duhet të përkushtohet 100 për qind nxënësve dhe të jetë shumë gjykues i mirë”.

Kosumi mendon se edhe Asociacioni i Gazetarëve të Kosovës duhet t’i trajnojë gazetarët që të kenë kujdes me mënyrën sesi i paraqesin personat me aftësi të kufizuara.

Enver Kosumi, drejtor i Handikos Ferizaj:

“Deri tash, domethanë, ne si Handikos e kemi një faqe që e menaxhojmë ne vetë dhe kryesisht informatat që i japim, aktivitetet që i publikojmë, gjithçka, nuk ka ndodhur me shkëput diçka prej kontekstit, qoftë, pozitiv, po se po, por jo në aspektin negativ. PO vërehet një tendencë e madhe e shfrytëzimit e personave në fjalë, për shembull, personave me aftësi të kufizuar, rasteve të margjinalizuar, duke i intervistuar në mënyrën joadekuate dhe jodinjitoze. Unë e kuptoj se edhe bamirësia e ka anën e vet pozitive, mirëpo bamirësia nuk do të thotë duhet patjetër ta qesim anën negative të personit që e merr atë ndihmë. nëse dikujt tentojmë t’i bëjmë me i ba mirë, atëherë duhet ta bëjmë me dinjitet, pa e publikuar shumë, pa e dhanë aspektin, pa e prek integritetin e tij personal se Ferizaj dhe krejt Kosova është shumë e vogël, për shembull, me përballu gjithë këtë fluks të informatave që po jepen kohëe të fundit nëpër rrjetet sociale apo në platformat mediatike.

Besoj se Asociacioni i gazetarëve duhet të nxjerrë një kod më specifik, ku duhet të paktën të mos i jepet gjithkujt e drejta me dalë në shesh, qoftë kudo që të jetë, për shembull, edhe me ataku një person i cili nuk është i gatshëm me u përgjigj në do pyetje dhe me shkëput prej kontekstit se po e dimë se në çfarë jemi duke jetuar ku bullizmi është në kupën ma të naltë për momentin në Kosovë, dhe mundet me ardhë deri te më e keqja, ndoshta edhe deri te vetëvrasje nëse arrin dikush të bullizohet, apo të merr jehonë aq të madhe prje një informate që ai i jep ndoshta pa vetëdije, apo me ndonjë gjendje jo të vetëdijshme plotësisht”.

Hatixhe Misini, sociologe:

“Edhe gazetarët, sikur të gjitha profesionet e fushat, i ka edhe limitet, por i ka edhe përgjegjësitë e punës që i bën në terren, qoftë edhe brenda nëpër institucione. Natyrisht se këto ndikojnë. Pa marrëveshjen e prindit, pa verifikimin e fakteve, gjithmonë ne jemi të prirë të hulumtojmë më tutje dhe të mos ekspozojmë gjëra që nuk na takojnë dhe që nuk janë në përgjegjësinë tonë. Natyrisht se këto janë të dëmshme për shoqërinë, si për ata që i prek personalisht”.

Psikologia paralajmëron prindërit dhe institucionet për pasojat negative të rrjeteve sociale në mesin e fëmijëve.

Selvete Abdullahu, psikologe:

“Emocionalisht, psiqikisht, fizikisht është shumë e rëndë për një fëmijë që ka qenë viktimë e një bullizimi të tillë, pa marrë parasysh cilës formë të bullizimit. Normalisht, thashë edhe më herët, është një pjesë demotivuese, është një pjesë që e shkëput, ia ul vetëbesimin, ia ul forcën e brendshme të atij fëmije, sepse është shumë e rëndë për një fëmijë qysh në moshë të re me u ngelizhu prej shokëve dhe shoqeve, me u nënçmu. Ai mendon se për shembull diçka nuk shkon mirë me të. Në fakt nuk ka asnjë arsye të veçantë që ai fëmijë me u bullizu. Në raste të tilla, fëmijët zakonisht duhet të flasin me prindërit, të shprehen lirshëm me prindërit, ose të kenë ndonjë shok më të fuqishëm më afër që i mbron interesat e tij, nuk e le me shkelë fëmijën, seps enë këtë rast të bullizimi se nëse një fëmijë fillon të bullizohet, ai fëmijë normalisht që nuk është i qetë. I bie vetëbesimi dhe ai fëmijë, pasojat e atij bullizimi, kanë me ndjekë edhe një periudhë shumë më të gajtë gjatë jetës së tij”.

Hatixhe Misini, sociologe:

“Problemi nuk është te rrjetet sociale, problemi është te varësia, ngecja në to dhe mosekulibirimi i jetës tonë me jetën sociale. Prandaj ne e dimë se edhe MInistria e Arsimit ka bërë strategji dhe udhëzime administrative. Ne në shkollë fillore në Ferizaj e kemi të ndaluar telefonin në shkollë. Kjo është mënyra e vetme sesi mund ta parandalojmë nje ekspozim të tillë në telefon, apo diçka që mund të ndodhë prej telefonit. Natyrisht kjo iu mbetet vetëm familjeve. Do t’iu kisha bërë thirrje, sikur se iu bëjmë thirrje edhe çdo ditë në shkollë që familjet janë ato të cilat duhet me domosdoshmëri të ndikojnë, ta shtrojnë ndikimin te fëmijët e tyre që telefonin ta kenë më pak në dorë, sepse absolutisht është diçka e pamundur që telefoni të hiqet nga dora dhe fëmijët tanë të mos jenë të përfshirë nëpër rrjete sociale”.

Por rasti i fushatës së suksesshme në rrjete sociale i dy vajzave nga Hani i Elezit në Gjermani për mbledhjen e fondeve për mbështetjen e ndërtimit të qendrës me bazë në komunitet në Ferizaj, është një prej shembujve sesi mund të përdoren për mirë mediat sociale.

Enver Kosumi, drejtor i Handikos Ferizaj:

“Po ajo u kanë një storie e suksesit shumë e mirë, domethanë, ata njerëz pa e përdorur aspektin e mëshirës, domethanë kanë arritur që nëpërmjet një platforme online të mbledhjes së fondeve, me kriju një shikueshmëri aq të madhe, saqë brenda 20 ditësh kanë arritur t’i tubojnë 20 mijë euro për m’i sjellë për ndërtimin e një qendre, qendrës së Handikos-it këtu në Ferizaj”.

Por për shembuj të tillë frymëzues duhet të ketë më shumë emisione dhe hapësira promovimi, thotë drejtori i Handikosit dhe psikologia Abdullahu.

Enver Kosumi, drejtor i Handikos Ferizaj:

“Mediat, rrjetet sociale përveç aspektin personal që mundesh me përdorë, mund të përdoren edhe për gjëra të mira, domethanë për avancimin dhe afirmimin e njohurive, të arriturve. Thjesht në kuptimin e fjalës se rrjetet sociale duhet ta kenë prioritet domethanë paraqitjen e gjendjes pozitive, të shoqërisë dhe të aktiviteteve që mbahen dhe në asnjë rrethanë domethanë nuk duhet të shfrytëzohen fatkeqësia e dikujt tjetër për me arritë ti një qëllim tanin, qoftë human, qoftë material të individëve që i menaxhojnë këto rrjetet sociale”.

Selvete Abdullahu, psikologe:

“Është shumë e rëndësishme me u mbajtë fushata sensibilizuese, emisione me profesionistë të fushës, me i tregu… me u mbajtë projekte ose programe, ose orë nëpër shkolla për dukuritë negative në shoqëri, duke fillu prej bullizimit, prej ndikimit të rrjeteve sociale, efektet negative të rrjeteve sociale dhe shumë tema të tjera”.

Edhe në këtë emision ju sjellim një lajm të rremë, që është përgënjeshtruar nga platforma për verifikimin e fakteve “hibrid.info”.

Portali informativ me përmbajtje në gjuhën shqipe “Gazeta-Shqip.com” më 18 shkurt ka publikuar një artikull me titullin “TRONDITËSE! 46-vjeçari masakron babanë me sharrë elektrike dhe lajmëron policinë: E vrava…”.

Pas verifikimit të fakteve të kryer nga hibrid.info, është vërtetuar se titulli i këtij artikulli është përgjithësues, që nuk sqaron se në cilin shtet ka ndodhur ngjarja.

Lajmi qartësohet vetëm në përmbajtje, ku bëhet e ditur se ngjarja ka ndodhur në Greqi.

Nisur nga fakti që ky portal informativ është i regjistruar në Shqipëri dhe përmbajtjet e publikuara nga ky portal janë në gjuhën shqipe, titulli në fjalë, lë vend për keqinformim te lexuesit se ngjarja ka ndodhur në ndonjë nga vendet shqip-folëse.

Për të vërtetuar edhe më tej faktin se ngjarja ka ndodhur në Greqi, hibrid.info ka gjetur artikullin origjinal të publikuar nga mediumet greke “protothema.gr” dhe “hellaspostsen.com”.

Në artikullin e publikuar me datë 18 shkurt nga këto mediume bëhet e ditur se në qytetin Teskala të Greqisë, një 46 vjeçar ka vrarë babanë e tij me një sharrë elektrike.