Botë

Joe Biden feston 81-vjetorin si presidenti më i vjetër i SHBA në detyrë

Published

8 months ago

20 November, 2023

Presidenti amerikan, Joe Biden, feston sot (20 Nëntor) ditëlindjen e 81-të, duke shënuar kështu edhe një rekord si presidenti i parë i vendit në detyrë, në këtë moshë, ndërkohë që mosha ngre pikëpyetje për të ardhmen e tij politike.

Kur mori presidencën në vitin 2021, Biden ishte 78 vjeç ndërsa ai e ka bërë të ditur tashmë se synon të fitojë sërish presidencën në zgjedhjet e vitit të ardhshëm..

Biden është personi më i moshuar që ka shërbyer si komandant i përgjithshëm në historinë e Shteteve të Bashkuara të Amerikës e nëse ai kërkon rizgjedhjen në 2024 dhe fiton, do të jetë 86 vjeç në fund të mandatit të tij të dytë.

Sidoqoftë, në partinë e tij, ka shumë zëra që thonë se do të donin që Biden të tërhiqej për t’i hapur rrugë një gjenerate të re lidershipi.

Një sondazh i fundit i Institutit Siena në gjashtë shtete kyçe të SHBA-së i publikuar në New York Times nxori në pah se 71% e votuesve e konsiderojnë Bidenin shumë të vjetër për të qenë president. Vetëm 39% kishin të njëjtën pikëpamje për ish-presidentin Donald Trump, i cili, në moshën 77-vjeçare, nuk është edhe shumë më i ri se Biden.

Related Topics:Joe Biden Presidenti ShBA USA

Up Next

Në mesin e 14 të vrarëve në sulmin në Pragë ka edhe shtetas të huaj

Don't Miss

Produktet nga Serbia kthehen nga kufiri kroat dhe slloven për shkak të substancave ilegale

Click to comment

Botë

Përleshje fizike në parlamentin italian

Published

1 month ago

13 June, 2024

Redaksia

Një përleshje fizike mes deputetëve ka ndodhur më 13.06.2024 në parlamentin e Italisë.

Siç raporton Zëri i Amerikës, Leonardo Donno, deputet i Lëvizjes “5 Yje”, po përpiqej t’i vinte flamurin italian ministrit për Çështjet Rajonale, Roberto Calderoli gjatë një diskutimi mbi projekt-ligjin e diskutueshëm të qeverisë në lidhje me autonomitë lokale.

Incidenti mes këtyre dyve u shndërrua në përleshje masive mes deputetëve të grupeve të ndryshme parlamentare derisa bëhet e ditur se njëri nga pjesëmarrësit në përleshje është larguar nga parlamenti në një karrige pacientësh.

Botë

Qeveria e Sllovakisë konfirmon atentatin dhe plagosjen e kryeministrit Fico

Published

2 months ago

15 May, 2024

Redaksia

Kryeministri i Sllovakisë, Robert Fico, është plagosur në një atentat pasditen e sotme.

Fico, 59 vjeç, u dërgua në spital pasi ndaj tij u shkrepën katër plumba në stomak dhe gjoks në ngjarjen që ndodhi pranë Shtëpisë së Kulturës së Qytetit, Handlova, rreth 150 kilometra në verilindje të kryeqytetit Bratislavë.

I dyshuari për plagosjen është arrestuar menjëherë pas të shtënave, raportuan gazetarët të cilët ishin në përcjellje të një aktiviteti të Ficos me mbështetësit .

Fico është kryeministër i Sllovakisë që nga fundi i vitit 2023

Botë

Në Maqedoninë e Veriut sot ka nisur heshtja zgjedhore

Published

3 months ago

23 April, 2024

Redaksia

Në Maqedoninë e Veriut sot ka nisur heshtja zgjedhore pasi nesër mbahet raundi i parë i zgjedhjeve presidenciale

Heshtja zgjedhore përfundon më 24 prill në orën 19:00, kur mbyllen vendvotimet.

Si zakonisht, gjatë ditës së sotme në votimet paraprake të drejtën e tyre qytetare do të kenë mundësi ta ushtrojnë të sëmurët dhe personat e pafuqishëm, të burgosurit në shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.

Zgjedhjet e shtatë presidenciale në Maqedoninë e Veriut do të mbahen të mërkurën, më 24 prill, ndërsa raundi i dytë i mundshëm i tyre, së bashku me zgjedhjet parlamentare, është caktuar pas dy javësh, më 8 maj.