Kosovë

Prokuroria kërkon dënim maksimal për të akuzuarit në rastin “53 milionëshi”

Published

2 years ago

27 January, 2024

Në seancën gjyqësore për rastin e njohur si “53 milionëshi” prokuroria dhe mbrojtja e të akuzuarve Pal Lekaj, Eset Berisha, Nebih Shatri dhe Besim Tahiri dhanë fjalët e tyre përfundimtare, “Betimi për Drejtësi”.

Fillimisht kryetares së trupit gjykues, gjykatëses Violeta Namani iu drejtua Prokurori special, Valdet Gashi, i cili në fjalën e tij përfundimtare kërkoi dënimin maksimal për të akuzuarit.

“Kërkojmë nga Gjykata që të pandehurit të shpallen fajtorë për veprën penale që aktakuza i ngarkon, t’i dënojë me dënim maksimal të paraparë për veprën penale në fjalë”, tha prokurori Gashi pasi siç u shpreh , nga provat materiale, por edhe dëgjimi i dëshmitareve, pa mëdyshje është vërtetuar se katër të akuzuarit kanë kryer veprën penale me të cilën ngarkohen.

Gashi tha se edhe përkundër opinionit të kompanisë “Hill International” si mbikëqyrëse e projektit të ndërtimit të autostradës “Arbën Xhaferi” , është procedura me pagesën e 53 milionëve dhe se është

vërtetuar që midis katër të akuzuarve ekziston elementi i bashkëkryerjes.

Kurse, mbrojtja e të akuzuarve kërkoi lirimin e të akuzuarve nga akuza.

Mbrojtësii i Pal Lekajt, avokati Musa Damati gjatë fjalës përfundimtare tha se autoriteti përfundimtar për realizmin e pagesës së 53 milionëve ka qenë Qeveria e Republikës së Kosovës andaj ky vendim ishte kolegjial dhe jo individual.

Damati i propozoi trupit gjykues të nxjerrë një vendimi lirues ndaj Lekajt.

Avokati Florent Latifaj i ka propozuar gjykatës të shpallë aktgjykim lirues ndaj Nebih Shatri pasi i mbrojturi i tij nuk është përgjegjës për asnjë veprim të tij apo pikë të aktakuzës, duke shtuar se i njëjti ka vepruar sipas ligjit dhe me aktin nënshkrimit nga Shatri është arritur të përfundohet autostrada.

Edhe mbrojtësi i Esat Berishës, avokati Afrim Salihu tha se klienti i tij ka punuar në cilësinë e këshilltarit politik pa të drejta ekzekutive dhe bazuar në provat shfajësuese të propozuara, i mbrojturi i tij duhet të dalë i pafajshëm.

I akuzuari Esat Berisha tha se pagesa e shumës prej 53 milionëve është bërë për shkak të neglizhencës së qeverive të kaluara pasi nuk kanë ndarë mjete të mjaftueshme buxhetore për ndërtimin e kësaj autostrade.

Mbrojtësi i të akuzuarit Besim Tahirit, avokati Urim Vokshi, tha se klienti i tij është i pafajshëm pasi që akuza e Prokurorisë e ngarkon Tahirin se ka vepruar në kundërshtim me statutin dhe kodin e mirësjelljes së Komitetit ndërministror, dokumente të cilat sipas avokatit, nuk dihet nëse kanë qenë në fuqi.

Sipas aktakuzës së ngritur më 4 shkurt 2022, Pal Lekaj, në cilësinë e ministrit të Ministrisë së Infrastrukturës, Eset Berisha, këshilltar i lartë politik i Lekajt, Nebih Shatri, si sekretar i Përgjithshëm në këtë ministri, në bashkëveprim dhe me dashje edhe me të pandehurin Besim Tahiri, drejtor i Prokurimit Publik në ministrinë e infrastrukturës, akuzohen për keqpërdorim të detyrës zyrtare me rastin e pagesës së shumës prej 53 milionë eurove për konsorciumin “Bechtel &Enka”, për ndërtimin e autostradës Prishtinë – Hani i Elezit.

Up Next

Arrestohet me 11 kilogramë kanabis – lëndon policin gjatë tentimit të ikjes

Don't Miss

Hapen korridoret ajrore Kosovë-Shqipëri

Click to comment

Kosovë

Bedri Hamza është zgjedhur kryetar i ri i PDK-së

Published

9 hours ago

17 November, 2025

Redaksia

Bedri Hamza u zgjodh kryetar i ri i Partisë Demokratike të Kosovës.

Në konventën e mbajtur sot në Prishtinë, Hamza u zgjodh me votim të hapur pasi nuk kishte kundër kandidat tjetër.

Zgjedhja e tij vjen pasi Memli Krasniqi ditë më parë dha dorëheqje nga kreu i partisë.

Pas zgjedhjes, Hamza falënderoi delegatët dhe bashkëpartiakët e tij për besimin e dhënë.

“Sot më dhatë një përgjegjësi të madhe, një nder të jashtëzakonshëm dhe një detyrë që e pranoj me nder dhe përkushtim të plotë. Falë punës, sakrificës dhe besimit tuaj, PDK-ja vazhdon të jetë shtëpia jonë e përbashkët”, ka thënë Hamza duke premtuar hapjen e partisë për kuadro të reja, forcimin e strukturave partiake, ndërtimin e frymës së bashkëpunimit dhe të përgjegjësisë.

Bedri Hamza, 62 vjeç, dy herë ka shërbyer si ministër i Financave i Kosovës dhe në katër vjetët e fundit ishte kryetar i Mitrovicës së Jugut.

Në zgjedhjet e fundit parlamentare ai ishte kandidati i PDK-së për kryeministër.

Kosovë

Clark: Thaçi nuk ishte përgjegjës në UÇK

Published

12 hours ago

17 November, 2025

Redaksia

Wesley Clark u pyet nga avokati i Thaçit për takimin me komandantin Çeku dhe komandantët lokalë të UÇK-së për çështjen e demilirarizimit.

Ai u pyet nëse Thaçi kishte ndikim të kufizuar ndaj komandantëve lokalë, dhe ai u përgjigj me po.

“Më kujtohet që e kam parë Thaçin. Ishte i veshur mirë, dukej më perëndimor se të tjetër. Nuk duhej se kishte qenë në mal duke luftuar. Ishte e qartë se nuk ishte përgjegjës aty, nuk komandonte aty”, tha Clark.

“Ai [Thaçi] ishte aty. Ishte njëri prej personave që e njihja më mirë. Nuk e kisha takuar më parë me Çekun. Por nuk mund të merresha përmes Thaçit. Ai nuk ishte përgjegjës”, shtoi ai.

Sipas tij, UÇK-ja nuk ishte një ushtri e organizuar, por kishte grupe luftëtarësh në nivel rajonal dhe lokal “që ishin mbledhur për të mbrojtur komunitetet e tyre”.

Clark: UÇK-ja nuk kishte zinxhir komandues

Më shumë lidhur me Ushtrinë Çlirimtare të Kosovës. Clark theksoi se nuk ka pasur kontroll civil mbi UÇK-në.

Ndërsa i pyetur nëse ka qenë e mundur që UÇK-ja të ketë pasur zinxhir komandues funksional me hierarki të plotë e NATO-ja dhe Shtetet e Bashkuara të mos e kenë ditur, Clark tha shkurtimisht: “Jo”.

Clark: Nuk kishte shumë informacion për UÇK-në më 1998

Tani Misetiq po e pyet Clarkun se sa shumë dinte ai në verën dhe vjeshtën e 1998-tës për strukturën e Ushtrisë Çlirimtare të Kosovës (UÇK).

Clark theksoi se “nuk kishte shumë informacione, nuk kishte shumë gjëra për të folur për sa i takon komandës”.

“Më sa dinim ne bëhej fjalë për grupe lokale, që ishin krijuar pak a shumë si përgjigje ndaj shtypjes serbe ndër vite. Në veçanti, pas vrasjes së familjes Jashari, u krijua në alarmi i përgjithshëm dhe për këtë arsye njerëzit gjithnjë e më tepër po i formonin këto grupe lokale. Kaq dinim ne”, tha ai.

Ai tha se asokohe “unë sigurisht mora më shumë informata lidhur me UÇK-në nga serbët, sesa nga forcat tona”.

“Serbët kishin pika në identifikuar në hartë, të cilat i identifikonin si të ashtuquajtura pika terroriste. Ata po mundoheshin të grumbullonin informacione në to, por shumica e njerëzve në këto grupe kishin shtëpi dhe familje. Ata mundoheshin ta jetonin jetën e tyre dhe ta mbronin familjen dhe veten”, dëshmoi Clark.

| Radio Evropa e Lirë

Kosovë

Clark: Ka pasur përpjekje të serbëve për të spastruar etnikisht veriun

Published

12 hours ago

17 November, 2025

Redaksia

Gjenerali Clark u pyet për tensionet mes serbëve dhe shqiptarëve në korrik të vitit 1999 në qytetin e Mitrovicës. Ai tha se “nuk kam menduar asnjëherë që UÇK-ja” ka organizuar trazira, por pohoi se ka pasur presion që shqiptarët të nxirreshin nga pjesa veriore e lumit Ibër.

“Nuk mendoj se ka qenë e organizuar. Nuk e kam pasur kurrë përshtypjen se kjo ka qenë e organizuar nga UÇK-ja. Këto ishin grupe individuale”, tha Clark.

Ai kujtoi se ishte ankuar te sekretari i atëhershëm i NATO-s dhe ministrat e Mbrojtjes dhe të Jashtëm të Francës, pasi atje ishin të dislokuar trupat franceze të KFOR-it, për shkak, siç u shpreh, përpjekjes së serbëve për ta spastruar nga shqiptarët pjesën veriore të Ibrit.

“Jam takuar me ministrin [e Mbrojtjes të Francës, Alain] Richard që më tha jo u kemi dhënë urdhër trupave franceze që të mbrojnë serbët në atë zonë dhe të mbështesin ata. Kemi pasur vështirësi për këtë. Por kështu funksionojnë trupat e NATO-s. Më vonë kam çuar përforcime atje në mënyrë që shqiptarët të mund të jetojnë atje”, tha Clark.

| Radio Evropa e Lirë