Connect with us

Ferizaj

Enver Haliti kandidat i Lëvizjes Vetëvendosje për kryetar të Ferizajt

Published

on

Enver Haliti është zyrtarisht kandidat i Lëvizjes Vetëvendosje për kryetar të Ferizajt.

Lëvizja Vetëvendosje ka prezantuar sot zyrtarisht Enver Halitin si kandidat për kryetar të Komunës së Ferizajt për zgjedhjet lokale të 12 tetorit.

Haliti ka qenë deputet i Kuvendit të Kosovës në legjislaturën e tetë, kryesues i Grupit të Asamblistëve të Vetëvendosjes në Kuvendin Komunal të Ferizajt, drejtor i Kulturës, Rinisë dhe Sportit, si dhe drejtor i Zhvillimit Ekonomik dhe Turizmit.

Kryetari i Lëvizjes Vetëvendosje, Albin Kurti, theksoi se Haliti i njeh problemet por edhe zgjidhjet, sfidat edhe potencialin e Ferizajt.

#

Vetëvendosje ka deklaruar se programi i Halitit synon zhvillimin e infrastrukturës, rritjen ekonomike, forcimin e arsimit dhe kulturës, si dhe një qeverisje që, sipas partisë, “u përgjigjet qytetarëve çdo ditë me ndershmëri dhe vendosmëri”.

Zgjedhjet lokale të Ferizajt do të mbahen më 12 tetor 2025.

#

Ferizaj

Arrestohet për vjedhje të trotineteve dhe biçikletave në Ferizaj

Published

on

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Continue Reading

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

on

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se  të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe  3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.

Continue Reading

Ferizaj

Gjobiten dy të rinj që po zhvillonin gara shpejtësie në Ferizaj

Published

on

Policët e Njësisë së Komunikacionit Rrugor në Ferizaj, të martën  pak para mesnate,  kanë ndaluar dy shoferë që po zhvillonin gara shpejtësie dhe po rrezikonin sigurinë publike në rrugën “Driton Islami” në Ferizaj.

Shoferi L.Q. (19 vjeç), me veturë të tipit BMW me targa të huaja, është kapur në flagrancë duke garuar me një veturë tjetër. Atij i është shqiptuar gjoba prej 1000 eurove.

Shoferi tjetër Y.T. (19 vjeç), me veturë BMW me targa të huaja, është kapur në flagrancë duke marrë pjesë në gara shpejtësie. Për këtë kundërvajtje të rëndë është dënuar me gjobë prej 500 eurove, ndalesë për të drejtuar automjet në territorin e Republikës së Kosovës për 12 muaj.

Si dhe gjobë shtesë prej 500 eurove dhe masë mbrojtëse 6 muaj ndalim drejtimi, për shkak të një mase të mëhershme të ndalim-drejtimit, të cilën e kishte nga data 10.08 – 09.11.2025.

Këtij të fundit i është konfiskuar vetura, thuhet mes tjerash në njoftimin e Policisë së Kosovës.

Continue Reading

Trending