Ferizaj

Rritet vetëdijësimi i qytetarëve për t’i kthyer paratë e gjetura

Published

5 years ago

04 March, 2021

Gjetja e parave në rrugë dhe kthimi i tyre tek pronari janë shtuar si raste kohëve të fundit në komunën e Ferizajt.

Kështu ka vepruar edhe i riu Adonis Gashi nga Ferizaj, i cili pasi ka gjetur një portofol me para në rrugë, e ka dorëzuar në polici.

“Kam qenë duke shku në qytet dhe e kam parë në trotuar kuletën, e kam marrë e kam shiku mos është e ndokujt aty afër, por e pashë që nuk po e njoh personin, kam prit 3-5 minuta mendova mos po vjen me marrë e më pas u nisa në polici bashkë me vëllain”, tha Gashi.

Kuleta e humbur ishte e Idriz Aliut nga Ferizaj, i cili thotë se vlera e parave që ishin qenë në të nuk ka qenë e lartë, por thekson se ndihet i mahnitur nga gjesti i këtyre dy të rinjve.

“Së pari i falënderoj prindërit e këtij djali të cilët e kanë edukuar këtë djalë në këtë mënyrë. Mua më ka humbur portofoli, shuma nuk ka qenë shumë e madhe diku 70 euro, por i kam pasur aty të gjitha dokumentat. Kuleta më ka humbur para një butiku, kam ardhë në qytet me ble diçka dhe kur kam hy me kry pagesën nuk i kam pas paratë, kam shku në shtëpi e kam kërku por s’ka qenë, më pas jam drejtu për në polici, duke shku më ka thirrur policia më ka lajmëru se ma kanë gjetë kuletën dy djem të ri. Kërkesa ime është për të gjithë qytetarët që me vepru kështu, jo vetëm pse mua më ndodhi”, tha Aliu.

Policia thotë se ky është rasti i tretë brenda dy muajve që qytetarët i dorëzojnë paratë e gjetura në rrugë tek policia.

“Kohëve të fundit në regjionin e Ferizajt kanë ndodhur disa raste kur qytetarët kanë gjetur portofole me të holla e dokumnete dhe falë gatishmërisë së tyre kanë ardhë dhe i kanë raportuar në polici. Rasti i fundit ka ndodhur para dy dite ku një qytetar e ka humbur portofolin dhe dy vëllezër e kanë gjetur dhe menjëherë e kanë raportuar rastin në polici. Është ky rasti i tretë brenda dy muajve që ka ndodhur”, tha zëdhënësi i Policisë për rajonin e Ferizajt, Agim Gashi.

Policia e Kosovës bëri thirrje tek qytetarët që të vazhdojnë të jenë shembull i bashkëpunimit.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.