Ferizaj

Lëshohet për qarkullim nënkalimi afër “Plus Market”-it

Published

4 years ago

28 May, 2021

administrator

Në Ferizaj u hap për qarkullim nënkalimi për vetura dhe këmbësorë afër “Plus Market”-it.

Kryetari i komunës së Ferizajt Agim Aliu, tha se përmes këtyre projekteve po synohet mbrojtja e jetës së qytetarëve.

“Përveç që po sjellim projekte cilësore, ne po sjellim edhe projekte që me arkitekturë dhe me bukuri janë më të ndryshme se nga çdo projekt tjetër, por për ne sigurisht se kjo komponentë ka pasur rëndësinë e vet. Për ne qëllimi i gjithë këtyre projekteve ka qenë siguria e qytetarëve dhe automjeteve. Ky projekt këtu është i kompletuar, e ka komponentën e qarkullimit të automjeteve, qarkullimit të këmbësorëve dhe mbi të gjitha e ka komponentën e personave me nevoja të veçanta”, tha Aliu.

E, drejtori i Infrastrukturës Arbër Bytyçi, thotë se ky nënkalim do ta lehtësojë edhe qarkullimin në qendrën e qytetit.

“Është një projekt që ka kosto rreth 800 mijë euro. Qytetarët që e frekuentojnë rrugën Ferizaj-Brezovicë nuk do të kenë më nevojë të shfrytëzojnë si alternativë kalimin nëpër qendër të qytetit, mirëpo përmes këtij nënkalimi do të kalojnë direkt në rrugën Ferizaj-Brezovicë dhe kështu anasjelltas do të ndikojë edhe në lehtësimin e qarkullimit në qendrën e qytetit”, u shpreh ai.

Ky nënkalim është pjesë e projektit “Bashkimi i Qytetit” i cili pritet që të përfundojë në fund të muajit qershor.

Ferizaj

Policia e Ferizajt pezullon 20 patentë shoferë brenda një jave

Published

3 days ago

14 July, 2025

Redaksia

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.

Ferizaj

Zbulohen pesë emigrantë në një kamion në Terminalin Doganor në Ferizaj

Published

5 days ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

6 days ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”