Ferizaj
Ndalohen dasmat, dasmorët mbesin të dëmtuar
Albos Dervishi ka ardhur nga Franca, e sot kishte për t’u fejuar në Kosovë.
Megjithatë për shkak të masave të fundit të Qeverisë së Kosovës, ai u detyrua që të anulojë dasmën e fejesës së tij.
Teksa ka pasur shpenzime nga kapari i dhënë ai konsideron se Qeveria për masat e reja do duhej të lajmëronte më herët.
“E kam pasë të rezervuar moti kohë, e kam pasë në restaurant tek Eleganti, është anuluar qe 3 apo 4 ditë për shkak të masave të reja që ka filluar t’i zbatoj Qeveria. Tash unë kam paguar diçka tek restoranti, diçka tek këngëtari, kam pasë tupana, edhe mysafirë i kam pasur diku 120-130 por u anulu fejesa, pushimin e kemi shty për këtë, e kemi pritur këtë ditë, tash është prishë ai qejfi që e kemi pasë… Për anulimin e për këto mendoj që është deshtë më herët me na tregu për shkak se ne në pushim kemi ardhur më herë për këtë, tash në fund të pushimit me na e anulu, ne me vazhdu pushimin veç për këtë tash, është deshtë me u tregu më herët… Me u tregu masat më herë që mos me hargju njerëzit pa bë kurgja hiq e me shpenzu sa nuk bënë hiq sepse ajo është keq”.
Albos Dervishi – Qytetar
Pronari i “Berisha Palace”, Agon Berisha tregon se teksa shumica e dasmave kanë përfunduar, më të humburit në këtë mes po mbesin dasmorët.
“Realisht ne kemi pasë edhe javën e ardhshme që vjen, deri në fund të gushtit por problemi nuk është qaq shumë tek humbja që është bërë sa është problemet që iu janë shkaktuar dasmorëve sepse ata i kanë shty pushimet për dasmë, realisht për sonte që është data 21 ata kanë ardhë 2-3 ditë më herët nga jashtë dhe vendimi ka qenë shumë i shpejtë sepse krejt e dijmë që sa herët fillojnë përgatitjet për dasmë dhe në moment të fundit janë ndal, problemi tjetër është që shumica e dasmave janë nga viti i kaluar që janë shty për sivjet dhe apet në moment të fundit janë anuluar… Për pak ditë sa kanë mbetë, vendimi ka qenë shumë i shpejtë bile me pas lajmëru në afat prej dy javësh që mos me ba shumë shpenzime sepse edhe restoranti duhet shumë më herët me planifiku logjistikën por edhe në anën e dasmorit, ata kanë humbë më së shumti”.
Agon Berisha, Pronar i “Berisha Palace”
Masat e reja të Qeverisë së Kosovës kanë hyrë në fuqi nga data 20 gusht, masa këto të cilat ndalojnë veprimtarinë e dasmave dhe ahengjeve familjare.
Të gjitha vendimet e Qeverisë për masat e reja të parandalimit dhe luftimin e pandemisë COVID-19, mund t’i gjeni këtu.
-
Kosovë1 week agoDënohen me 32 vjet burgim katër të akuzuarit në rastin “Toka 2”
-
Ferizaj2 days agoArrestohen tre persona të dyshuar për trafikim të narkotikëve në Ferizaj
-
Ferizaj2 days agoBëhet i ditur identiteti i viktimave të aksidentit tragjik në Gjermani
-
Ferizaj4 days agoQytetarëve u vijnë mesazhe mashtruese – Policia apelon për kujdes
-
Kosovë3 days agoMblidhen deputetët për seancën konstituive të Kuvendit të Kosovës
-
Kosovë4 days agoLDK kërkon postin e presidentit
-
Kosovë2 days agoLVV e LDK dështojnë të arrijnë marrëveshje politike në prag të mbarimit të afatit kushtetues për konstituimin e Kuvendit
-
Kosovë5 days agoKurti dhe Abdixhiku takohen të martën, PDK dhe Aleanca refuzojnë ftesën