Është ditë e shtunë dhe këto pamje nuk janë nga tregu i gjelbër në Ferizaj, por nga qendra e vaksinimit kundër Covid -19 pranë shkollës se mesme të bujqësisë.

Edhe në Ferizaj nga kjo e shtunë ka nisur vaksinimi, dhe atë me një hov të paparë.

Adnan Reka i cili sot erdhi për vaksinim, tregoi që është duke pritur për rreth dy orë për ta marrë këtë shërbim.

“Po ne jemi duke prit këtu prej orës 11 tash është ora 1:30 që i bie dy orë e gjysmë duket se ka shumë interesim nga qytetarët për vaksinim dhe kolona të gjata të pritjes, por po e vërejmë që distanca nuk respektohet edhe mos mbajtja e maskës ku edhe procesi i vaksinimit është shumë i ngadalshëm. Vetë fakti që këtu jemi duke prit që 2 orë e gjysmë deri në 3 orë kjo tregon se edhe brenda duket se janë 5 individ ose infermiere që japin vaksina procesi i procesimit të interesuarve është i ngadalshëm . Për mendimin tim vaksinimi duhet të vazhdoj edhe të dielën arsyeja për shkak se ekziston një valë e madhe edhe me virusin Delta që është ka dominon në vendin tonë, mendoj se do të ishte mirë edhe të dielën që mos të krijohet ky grumbullim kaq i madh i qytetareve për vaksinim, do të ishin eliminuar pritjet e gjata për vaksinim dhe për të mos u shpërnda virusi deri sa ne jemi duke pritur këtu.”

Adnan Reka – Qytetar i Ferizajt

“Desha të them se virusi nuk shpërndahet në dasma, por shpërndahet këtu nga grumbullimi i njerëzve duke prit për vaksinim. Unë këtu jam duke pritë që 3 orë sot , erdha gjysmë ore më herët për me e zënë kohën e terminit tim për vaksinimit .”

Meside Abazi – Qytetare e Ferizajt

 Bazuar në raportin e sotëm, në gjithë vendin në 24 orët e fundit janë vaksinuar 22,486 persona.