Që nga 30 gushti kanë hyrë në fuqi masa të reja anti-Covid të vendosura nga Qeveria e Kosovës.
Sipas këtyre masave, sektorit të gastronomisë i lejohet puna deri në orën 21:30 dhe vetëm në hapësirë të hapur.
Kushtrim Bajraliu, bashkëpronar i kafiterisë “Cherry” në Ferizaj thotë se qeveria do duhej t’u ofronte ndihmë pasi që nëse vazhdojnë masat që janë në fuqi, mbijetesa është e vështirë.
“Gjithmonë jemi për respektimin e masave, por hapësira që na u ka lejuar me punu vetëm jashtë, është e papërballueshme. Nëse vazhdojnë këto masa edhe pas 13, duhet me i reduktu edhe punëtorët për shkak se numri i madh i punëtorëve, hapësira është e vogël por masat duhet të respektohen gjithmonë. Duke marrë parasysh sezonin e vjeshtës, nuk mundemi me operu vetëm me terasë por duhet edhe brenda për me mund me mbijetu”.
Kushtrim Bajraliu – Gastronom
Opinion të njëjtë ndanë edhe Alban Agushi, bashkëpronar i kafiterisë “Empire” i cili thotë se Qeveria akoma nuk i kanë kryer obligimet e vitit të kaluar kur u patën premtuar mbështetje.
“Masat na kanë ndiku shumë, janë të papërshtatshme. Vetëm në terasa të punojmë, distanca 1 meter e gjysmë, duhet mos me iu lënë vend edhe myshterive që i kemi pasë, po hidhërohen. Humbje kemi për 70%. Zgjidhja më e mirë është me u vaksinu dhe me i liru masat”.
Alban Agushi – Gastronom
Masat anti-Covid do të jenë në fuqi deri më datë 13 gusht, kur edhe do të rishikohen ato dhe të bëhet vlerësimi i ndikimit të tyre në pandemi.
Instituti i Shëndetit Publik i Kosovës ka bërë të ditur se në periudhën nga 10 korrik deri më 23 korrik, në Kosovë janë regjistruar 19 raste pozitive me COVID-19, por nuk ka raportuar për ndonjë rast me fatalitet.
Në njoftim bëhet e ditur se rastet e reja me COVID-19 i takojnë grup-moshave deri 79 vjeç, nga të cilat 4 raste ishin të grup moshës prej 30-39 vjeç.
Autoritetet shëndetësore si masë kujdesi rekomandojnë aplikimin e masave parandaluese si mënyrën më të thjeshtë për të ulur rreziqet shëndetësore nga COVID-19, duke përfshirë infektimin, format e rënda të sëmundjes, shtrimin në spital apo edhe vdekjen.
Ministria e shëndetësisë njoftoi se në 24 orët e fundit kanë vdekur 2 persona dhe janë regjistruar 191 raste të reja të infektimeve me koronavirus të cilat rezultuan pas testimit të 926 mostrave.
Në këtë hark kohor nga sëmundja janë shëruar 255 pacientë ndërkaq në gjithë vendin janë 1 mijë e 325 raste aktive.
Deri tani, në Kosovë janë konfirmuar mbi 271 mijë raste të infektimit kurse 3 mijë e 196 qytetarë kanë humbur jetën.
Në 24 orët e fundit janë dhënë 30 doza të vaksinës anti-covid derisa nga fillimi i vaksinimit mbi 824 mijë persona janë vaksinuar me dy doza.