Ferizaj

Vdiq Madeleine Albright

Published

2 years ago

23 March, 2022

Rrjeti televiziv amerikan CNN bën të ditur se sot ka vdekur Sekretarja e parë femër e SHBA-ve, zonja Madeleine Albright. Sipas CNN, vdekja e saj ishte konfirmuar kur stafi i kompanisë Albright Stonebridge Group, e pranoi përmes emailit një njoftim për vdekjen e zonjës Madeleine Albright, themelueses së asaj kompanie.

Zonja Albright ishte sekretare e shtetit në mandatin e Presidentit Clinton, dhe ishte avokuese e madhe për intervenimin ushtarak të NATO-s mbi caqet e Jugosllavisë së atëhershme, në luftën për çlirimin e Kosovës nga okupimi serb. Gjatë vizitës së fundit të zonjës Albright në Kosovë, më 12 Qershor 2019, në fjalimin e saj me rastin e 20 vjetorit të çlirimit të Kosovës, ajo pat deklaruar se ishte krenare me të arriturat e Kosovës dhe të popullit të saj.

Madeline Albright kishte lindur më 1937 në Çekosllovaki, dhe ishte me prejardhje hebreje.

Ferizaj

Policia në Ferizaj konfiskon motoçikleta dhe trotinete elektrike pa dokumente

Published

10 hours ago

02 May, 2024

Redaksia

Policia në Ferizaj, të mërkurën 01.05.2024, ka konfiskuar disa motoçikleta dhe skuterë pa dokumentacion të rregullt.

Në zbatim të planit operativ ” Motoçikleta dhe Trotineti elektrik 2024″, në disa pika kontrolli në qytet dhe rrethinë të Ferizajt, policia ka kontrolluar dhe ka shqiptuar gjoba ndaj disa personave, të cilët po drejtonin motoçikletat dhe skuterët në kundërshtim me rregullat e trafikut.

Ferizaj

Qëndrim Januzi dënohet me 17 vjet burgim për vrasjen Gazmend Hysenit në Ferizaj

Published

2 days ago

30 April, 2024

Redaksia

Gjykata Themelore në Ferizaj ka dënuar me 17 vjet burgim të akuzuarin Qëndrim Januzi, për vrasjen e Gazmend Hysenit, më 28 maj 2022 në Ferizaj.

Për vrasje, Januzi u dënua me 16 vjet burgim, kurse për armëmbajtje pa leje me 1 vit e gjysmë burgim. Gjykata shpalli dënim unik me 17 vjet burgim.

Sipas aktakuzës, më 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri Qëndrim Januzi, me dashje dhe përgatitje paraprake kishte privuar nga jeta tani të ndjerin Gazmend Hyseni dhe me atë rast kishte vënë në rrezik edhe jetën e Maliq Latifit, i cili kishte qenë para hyrjes së marketit si dhe të personave tjerë brenda në market.

Të njëjtit i konfiskohet në mënyrë të përhershme arma e markës “SAUER model 38H”, me një karikator me kapacitet prej 8 fishekëve, me të cilën armë kishte kryer veprën penale.

Ferizaj

Brenda një jave në Ferizaj u shqiptuan 1370 gjoba trafiku

Published

3 days ago

29 April, 2024

Redaksia

Policia Rajonale e Ferizajt në periudhën njԯ javore nga 22 deri më 28 prill 2024, ka shqiptuar 1370 gjoba trafiku derisa ka hequr edhe 10 patentë shoferë për drejtuesit që kanë shkaktuar kundërvajtje më të rënda në komunikacion.

Në njoftimin për media bëhet e ditur se gjatë kësaj periudhe janë raportuar 29 aksidente, ku katër prej tyre ishin aksidente me lëndime, 18 persona të lënduar si dhe 15 aksidente me dëme materiale.