Sot u mbajt një tubim përkujtimor, me rastin e njëvjetorit te vdekjes së arkitektit Ferizajas Mustafë Zariqi. Zariqi ndërroi jetë vitin e kaluar e sot miqtë dhe familjarët e tij u mblodhën për ta ngushëlluar njëri tjetrin ku me këtë rast çmuan lartë kontributin e tij profesional dhe njerëzor.
Nënkryetari i Komunës së Ferizajt, Lulzim Aliu i cili ishte edhe drejtor i Urbanizmit, vlerësoi lartë të ndjerin Zariqi dhe çmoi bashkëpunimin që kishte ndër vite me të.
“Jo vetëm vdekja e Mustafës, por edhe vdekjet e shokëve të tjerë, miqve familjes e prindërve tanë na shtyjnë të mendojmë se çka duhet njeriu të bëjë në jetë që pas vdekjes së tij të kujtohet, pikërisht kështu si sot. Vet ky tubim, ky takim, ky mbledhim i gjithë juve të bëhet. Mendoj që Mustafa është një shembull që duhet të na shërbejë edhe neve që sot jetojmë pa të dhe që punojmë nëpër institucione publike që të tregohemi të përgjegjshëm dhe kompetent për detyrat që i marrim.” tha Lulzim Aliu – Nënkryetar i Ferizajt
Ndërsa arkitektët Bashkim Beqa dhe Mejdi Zymberi kujtuan përvojën profesionale të cilën ata kishin me Mustafë Zariqin.
“Çdo ndarje në këtë jetë, është e dhimbshme. Por ndarja në kohën e pandemisë ishte një dhembje edhe më e rëndë. Nisur nga fakti se shumë nga miqtë nuk arritën të marrin pjesë në varrimin e tij për shkak të kufizimeve (të pandemisë) andaj ky takim përkujtimor mbase do të arrinte ta plotësonte sadopak atë zbrastësirë shpirtërore për secilin nga ju. Mustafa ishte me shumëçka i veçantë, ishte origjinal, nuk aktroi asnjëherë rolin e tjetrit, ishte shok fortë i mirë, ishte bashkëpunues përherë, i drejtë, i hapur, ishte kritik racional, tolerant dhe mirëkuptues, ishte i besueshëm pafundësisht. Mustafa si njëri ndër arkitektët e parë në qytet, ai përjetoi sistemin socialist, kohën e diskriminimit Serb, shkatërrimet nga lufta si dhe kohën e tranzicionit, rindërtimit dhe zhvillimit si fazë e ndjeshme, që kërkonin përkushtim, dije profesionale posaqërisht në fushën e arkitekturës, duke u ditur mirë se arkitektura dhe urbanizmi sfidohet nga politika dhe njëkohësisht e sfidon politikën.” tha Bashkim Beqa.
“Morri pjesë në procesin e hartimit të planit gjeneral urbanistik, për qytetin e Ferizajt në vitin ’89 sipas detyrës zyrtare. Pas përfundimit të luftës, arkitekt Mustafa është kthyer në këtë vend prej ku edhe e kishin larguar regjimi Serb. Në këtë institucion u emërua si udhëheqës i sektorit të urbanizmit, ka kryer punë të shkëlqyera duke ngritur nivelin e sektorit të planifikimit urban dhe duke zbatuar ligjet për planifikim. Arkitekti Tafa, ishte fleksibil, komunikativ dhe i përkushtuar e i përgatitur për punë në grupe. Bashkëpunoi ngushtë dhe në mënyrë profesionale në hartimin planit zhvillimor komunal të Fushë Kosovës, hartimin e planeve rregulluese për qytetin e Mitrovicës dhe Gjilanit.” tha Mejdi Zymberi.
Dhimbje e pikëllim për ndarjen e papritur të të ndjerit shprehën edhe bashkëpunëtorët, Sadije Deliu dhe Shefqet Gjocaj.
“Për të gjithë që kemi bashkëpunuar me të, ka qenë një ndarje e papritur, ndarje pa lamtumirë edhe është e rëndë me e paramendu. Na ka ardh vështirë që nuk kemi mundur me ardhë për t’u ngushëlluar sëbashku andaj jemi falenderues për mundësinë e sotme që me e nda këtë dhimbje bashkë.” tha Sadije Deliu.
“Ndihem mirë që kam qenë mik dhe shok i Mustafë Zariqit, për shëmbëlltyrën e tij unë vërtetë i përkulem kujtimit për të dhe juve të gjithëve i’u shpreh ngushëllime.” tha Gjocaj.
I pranishëm në këtë takim përkujtimor ishte edhe deputeti i Kuvendit të Kosovës, Enver Haliti, ai përveç se çmoi kontributin e Zariqit për qytetin e Ferizajt, kërkoi që në nder të tij, të emërohet edhe një shesh apo një rrugë në po këtë qytet.
“Qyteti i Ferizajt, ka humbë një qytetar të mirë, mirëpo unë konsideroj që Mustafa e ka mbërri, misionin jetësor. E kam admiru vizionin e tij të kristaltë që e ka pas për zhvillimin e qytetit të Ferizajt. Unë mendoj që asnjëherë nuk është dorëzu para politikës ose para interesave të të tjerëve e kam mbrojtur vizionin e tij të qartë, të kristaltë që e ka pas për zhvillimin e qytetit të Ferizajt. Ferizaj ka pasur dy Mustafa që kanë lënë histori në qytetin e Ferizajt, ka pasur Mustafë Gogën dhe Mustafë Rexhepin, tash na është shtuar edhe Mustafa i tretë, Mustafë Zariqi. Kështu që shpresoj një ditë që një rrugë ose një shesh i qytetit tonë ta bartë emrin e Mustafë Zariqit, ashtu siç me krenari e mbanë emrin e Mustafë Gogës dhe Mustafë Rexhepit.” tha deputeti Enver Haliti.
Në fund të takimit, të pranishmit i përshëndeti dhe i falënderoi Alban Zariqi, i biri i të ndjerit.
“Në emër të familjes Zariqi, iu falënderoj për ardhjen në mbledhjen përkujtimore të sotme, na nderuar shumë me pjesëmarrjen e juaj. Një falenderim i veçantë edhe për shokët dhe kolegët e ngushtë të babit që morrën iniciativën dhe organizuan këtë mbledhje. Patjetër faleminderit edhe të gjithë atyre individëve që koontribuan dhe u munduan që ta bënin të pamundurën kur babi kishte nevojë më së shumti vitin e kaluar. Kontributi dhe mundi i juaj asnjëherë nuk do të harrohet.” tha Zariqi.
Mustafë ZaMustafë Zariqi shumë vite të karrierës së tij ia kushtoi planifikimit urban në komunën e Ferizajt, duke dhënë kontribut të çmuar për planifikimin hapësinor dhe ruajtjen e vlerave urbane të qytetit.
Policia Rajonale e Ferizajt në periudhën njԯ javore nga 22 deri më 28 prill 2024, ka shqiptuar 1370 gjoba trafiku derisa ka hequr edhe 10 patentë shoferë për drejtuesit që kanë shkaktuar kundërvajtje më të rënda në komunikacion.
Në njoftimin për media bëhet e ditur se gjatë kësaj periudhe janë raportuar 29 aksidente, ku katër prej tyre ishin aksidente me lëndime, 18 persona të lënduar si dhe 15 aksidente me dëme materiale.
Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.
Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt, por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.
Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.
Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.
Zëvendësdrejtori i policisë për rajonin e Ferizajt, major Qazim Reka, ka konfirmuar se njëri nga të dyshuarit për të shtënat e mbrëmshme me armë zjarri është arrestuar ndërsa një i dyshuar tjetër është në kërkim.
Nga të shtënat me armë zjarri, që ndodhi mbrëmë rreth orës 23:45 më rrugën “ 12 Qershori” mbetën të plagosur dy persona të cilët u dërguan për trajtim në në emergjencën e Ferizajt.
“Dy meshkuj kosovarë kanë pësuar lëndime si pasojë e gjuajtjes me armë zjarri nga persona të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gaz dhe tre fishekë dhe i njëjti është dërguar në qendrën e mbajtjes”, thuhet në raportin e policisë.