Sot u mbajt një tubim përkujtimor, me rastin e njëvjetorit te vdekjes së arkitektit Ferizajas Mustafë Zariqi. Zariqi ndërroi jetë vitin e kaluar e sot miqtë dhe familjarët e tij u mblodhën për ta ngushëlluar njëri tjetrin ku me këtë rast çmuan lartë kontributin e tij profesional dhe njerëzor.
Nënkryetari i Komunës së Ferizajt, Lulzim Aliu i cili ishte edhe drejtor i Urbanizmit, vlerësoi lartë të ndjerin Zariqi dhe çmoi bashkëpunimin që kishte ndër vite me të.
“Jo vetëm vdekja e Mustafës, por edhe vdekjet e shokëve të tjerë, miqve familjes e prindërve tanë na shtyjnë të mendojmë se çka duhet njeriu të bëjë në jetë që pas vdekjes së tij të kujtohet, pikërisht kështu si sot. Vet ky tubim, ky takim, ky mbledhim i gjithë juve të bëhet. Mendoj që Mustafa është një shembull që duhet të na shërbejë edhe neve që sot jetojmë pa të dhe që punojmë nëpër institucione publike që të tregohemi të përgjegjshëm dhe kompetent për detyrat që i marrim.” tha Lulzim Aliu – Nënkryetar i Ferizajt
Lulzim Aliu – Nënkryetar i Ferizajt
Ndërsa arkitektët Bashkim Beqa dhe Mejdi Zymberi kujtuan përvojën profesionale të cilën ata kishin me Mustafë Zariqin.
“Çdo ndarje në këtë jetë, është e dhimbshme. Por ndarja në kohën e pandemisë ishte një dhembje edhe më e rëndë. Nisur nga fakti se shumë nga miqtë nuk arritën të marrin pjesë në varrimin e tij për shkak të kufizimeve (të pandemisë) andaj ky takim përkujtimor mbase do të arrinte ta plotësonte sadopak atë zbrastësirë shpirtërore për secilin nga ju. Mustafa ishte me shumëçka i veçantë, ishte origjinal, nuk aktroi asnjëherë rolin e tjetrit, ishte shok fortë i mirë, ishte bashkëpunues përherë, i drejtë, i hapur, ishte kritik racional, tolerant dhe mirëkuptues, ishte i besueshëm pafundësisht. Mustafa si njëri ndër arkitektët e parë në qytet, ai përjetoi sistemin socialist, kohën e diskriminimit Serb, shkatërrimet nga lufta si dhe kohën e tranzicionit, rindërtimit dhe zhvillimit si fazë e ndjeshme, që kërkonin përkushtim, dije profesionale posaqërisht në fushën e arkitekturës, duke u ditur mirë se arkitektura dhe urbanizmi sfidohet nga politika dhe njëkohësisht e sfidon politikën.” tha Bashkim Beqa.
Bashkim Beqa – Arkitekt
“Morri pjesë në procesin e hartimit të planit gjeneral urbanistik, për qytetin e Ferizajt në vitin ’89 sipas detyrës zyrtare. Pas përfundimit të luftës, arkitekt Mustafa është kthyer në këtë vend prej ku edhe e kishin larguar regjimi Serb. Në këtë institucion u emërua si udhëheqës i sektorit të urbanizmit, ka kryer punë të shkëlqyera duke ngritur nivelin e sektorit të planifikimit urban dhe duke zbatuar ligjet për planifikim. Arkitekti Tafa, ishte fleksibil, komunikativ dhe i përkushtuar e i përgatitur për punë në grupe. Bashkëpunoi ngushtë dhe në mënyrë profesionale në hartimin planit zhvillimor komunal të Fushë Kosovës, hartimin e planeve rregulluese për qytetin e Mitrovicës dhe Gjilanit.” tha Mejdi Zymberi.
Mejdi Zymberi – Arkitekt
Dhimbje e pikëllim për ndarjen e papritur të të ndjerit shprehën edhe bashkëpunëtorët, Sadije Deliu dhe Shefqet Gjocaj.
“Për të gjithë që kemi bashkëpunuar me të, ka qenë një ndarje e papritur, ndarje pa lamtumirë edhe është e rëndë me e paramendu. Na ka ardh vështirë që nuk kemi mundur me ardhë për t’u ngushëlluar sëbashku andaj jemi falenderues për mundësinë e sotme që me e nda këtë dhimbje bashkë.” tha Sadije Deliu.
Sadije Deliu – Bashkëpunëtore e të ndjerit
“Ndihem mirë që kam qenë mik dhe shok i Mustafë Zariqit, për shëmbëlltyrën e tij unë vërtetë i përkulem kujtimit për të dhe juve të gjithëve i’u shpreh ngushëllime.” tha Gjocaj.
Shefqet Gjocaj – Bashkëpunëtor i të ndjerit
I pranishëm në këtë takim përkujtimor ishte edhe deputeti i Kuvendit të Kosovës, Enver Haliti, ai përveç se çmoi kontributin e Zariqit për qytetin e Ferizajt, kërkoi që në nder të tij, të emërohet edhe një shesh apo një rrugë në po këtë qytet.
“Qyteti i Ferizajt, ka humbë një qytetar të mirë, mirëpo unë konsideroj që Mustafa e ka mbërri, misionin jetësor. E kam admiru vizionin e tij të kristaltë që e ka pas për zhvillimin e qytetit të Ferizajt. Unë mendoj që asnjëherë nuk është dorëzu para politikës ose para interesave të të tjerëve e kam mbrojtur vizionin e tij të qartë, të kristaltë që e ka pas për zhvillimin e qytetit të Ferizajt. Ferizaj ka pasur dy Mustafa që kanë lënë histori në qytetin e Ferizajt, ka pasur Mustafë Gogën dhe Mustafë Rexhepin, tash na është shtuar edhe Mustafa i tretë, Mustafë Zariqi. Kështu që shpresoj një ditë që një rrugë ose një shesh i qytetit tonë ta bartë emrin e Mustafë Zariqit, ashtu siç me krenari e mbanë emrin e Mustafë Gogës dhe Mustafë Rexhepit.” tha deputeti Enver Haliti.
Enver Haliti – Deputet në Kuvendin e Kosovës
Në fund të takimit, të pranishmit i përshëndeti dhe i falënderoi Alban Zariqi, i biri i të ndjerit.
“Në emër të familjes Zariqi, iu falënderoj për ardhjen në mbledhjen përkujtimore të sotme, na nderuar shumë me pjesëmarrjen e juaj. Një falenderim i veçantë edhe për shokët dhe kolegët e ngushtë të babit që morrën iniciativën dhe organizuan këtë mbledhje. Patjetër faleminderit edhe të gjithë atyre individëve që koontribuan dhe u munduan që ta bënin të pamundurën kur babi kishte nevojë më së shumti vitin e kaluar. Kontributi dhe mundi i juaj asnjëherë nuk do të harrohet.” tha Zariqi.
Alban Zariqi – I biri i të ndjerit Mustafë Zariqi
Mustafë ZaMustafë Zariqi shumë vite të karrierës së tij ia kushtoi planifikimit urban në komunën e Ferizajt, duke dhënë kontribut të çmuar për planifikimin hapësinor dhe ruajtjen e vlerave urbane të qytetit.
Prokuroria Themelore në Ferizaj ka ngritur aktakuzë kundër F.R., dhe J.M., nga Ferizaj, për vrasjen e një personi në oborrin e një salle dasmash në Bibajt të Ferizajt, më 16 gusht 2024.
Sipas prokurorisë, i akuzuari F.R ,me dashje dhe me qëllim të hakmarrjes, e ka qëlluar me breshëri plumbash viktimën S.S., duke e lënë të vdekur në vend, kurse J.M. akuzohet për ndihmë në këtë vrasje.
“Ekziston dyshimi i bazuar “se i pandehuri F.R., më 16 gusht 2024, rreth orës 19:21, në parkingun e restorantit “Fron Palace”, në fshatin Bibaj, komuna Ferizaj, gjatë një ceremonie martesore, me dashje dhe paramendim, me qëllim hakmarrjeje për motive të pretenduara familjare të pabazuara dhe të pakonfirmuara juridikisht, në prani të dhjetëra personave përfshirë të mitur, me armë zyrtare automatike të policisë, me dashje dhe qëllim të privimit nga jeta, me breshëri plumba shtien në drejtim të viktimës S.S., duke e privuar nga jeta, ku, si pasojë e të shtënave është rrezikuar seriozisht edhe siguria e personave tjerë të pranishëm në atë moment, me këtë veprim kreu veprën penale të ”Vrasjes së rëndë” nga neni 173 paragrafi 1, nën paragrafi 1.8 dhe 1.11 të Kodit Penal të Republikës së Kosovës.” – thotë Prokuroria.
Kurse, J.M., akuzohet se me dashje e ka ndihmuar policin në privimin nga jeta të viktimës S.S., ashtu që i pajisur me mjet të forta, ka mbrojtur perimetrin e sulmit dhe ka parandaluar çdo ndërhyrje, në mënyrë që i akuzuari F.R., të realizonte pa pengesë veprën penale të vrasjes së rëndë.
Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.
Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale
Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.
Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.
Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.
“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.
Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.
Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.