Botë

Covid-19 nuk erdhi nga laboratori, studimet e fundit “fajësojnë” tregun e kafshëve

Published

4 years ago

27 July, 2022

Një treg i kafshëve në qytetin Vuhan të Kinës, ka qenë epiqendra e pandemisë së koronavirusit, sipas dy studimeve të reja që janë publikuar në revistën shkencore, Science.

Duke iu përgjigjur pyetjes nëse sëmundja është bartur në mënyrë natyrale nga kafshët në njerëz, apo ka qenë rezultat i një aksidenti në laborator, ky konstatim i ri konsiderohet shumë i rëndësishëm për shmangie të pandemisë së radhës dhe ruajtjes së miliona jetëve.

Në hulumtimin e parë është analizuar përhapja gjeografike e rasteve në dhjetor të vitit 2019, duke treguar se të infektuarit e parë janë të lidhur me tregun e kafshëve në Vuhan.

Paul Offit, drejtor i Qendrës për Krijimin e Vaksinave në Spitalin e Fëmijëve në Filadelfia të SHBA-së.

Në hulumtimin e dytë janë analizuar të dhënat e evoluimit të virusit, duke ardhur në përfundim se koronavirusi nuk ka qarkulluar në masë të madhe mes njerëzve para nëntorit të vitit 2019.

Michael Worobey nga Universiteti i Arizonas, i cili ka ndihmuar në hartimin e të dyja raporteve, i ka thënë më parë një komuniteti shkencor që të jetë më i hapur ndaj idesë që koronavirusi ka dalë nga laboratori.

Mirëpo gjetjet e fundit e kanë shtyrë atë që besojë se “nuk është e mundshme që virusi ka qarkulluar në mënyrë tjetër përveç tregtisë së kafshëve në tregun në Vuhan”, ka thënë ai për gazetarët.

Ndonëse edhe hulumtimet e kaluara kanë përkrahur më shumë teorinë e tregut të kafshëve, shkencëtarët kanë qenë në kërkim të të dhënave tjera për të vërtetuar origjinën.

Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës.

Organizata Botërore e Shëndetësisë e pati shpallur koronavirusin si pandemi më 11 mars të vitit 2020.

Deri më tani janë regjistruar mbi 6 milionë njerëz të vdekur me këtë virus./rel

Botë

Izraeli thotë se ka vrarë zyrtarë të lartë të inteligjencës iraniane

Published

3 weeks ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

3 weeks ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

3 weeks ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë