Ferizaj

“Bifurkacioni” këshillon banorët e rrugës “Bilall Shala” të mos pinë ujin nga ujësjellësi

Published

4 years ago

17 August, 2022

KRU “Bifurkacioni” ka njoftuar banorët e rrugë Bilall Shala dhe zonës së ngushtë rreth kësaj rruge të mos e përdorin ujin e ujësjellësit për pije për shkak të përzierjes së këtij uji me atë të puseve.

“Bifurkacioni” thotë që kështu të vazhdohet deri në një njoftim tjetër, përcjell TV TEMA.

“Në bazë të analizave laboratorike del që uji është brenda parametrave kryesorë, megjithatë nuk ka sasi të mjaftueshme të klorit të kërkuar sipas standardeve“, thuhet ndër të tjera në njoftim.

Apelohen konsumatorët që kanë puse të kontrollojnë sistemet e ujësjellësit.

Njoftimi i plotë i KRU “Bifurkacioni”:

NJOFTIM për konsumatorët e Rr. BILALL SHALA

Njoftojmë (këshillojmë) konsumatorët e Rr. BILALL SHALA dhe zonës së ngushtë për rreth kësaj rruge që deri në njoftimin e radhës të mos përdorin për pije ujin e ujësjellësit të KRU BIFURKACIONI SH.A, për shkak dyshimit të interferimit (përzierjes) së ujit me ujin e puseve (bunarëve) lokalë që i kanë banorët e kësaj lagje.

Në bazë të analizave laboratorike del që uji është brenda parametrave kryesorë, megjithatë nuk ka sasi të mjaftueshme të klorit të kërkuar sipas standardeve.

Krahas marrjes së mostrave të ujit nga kjo lagje janë marrë edhe mostra nga hapësirat për rreth, ku është vërtetuar që uji është brenda standardeve për pije.

Ekipet e terrenit janë duke ndërmarrë të gjitha veprimet e nevojshme për të identifikuar pikën në të cilën ndodh ky interferim nga jashtë.

APELOJMË TË GJITHË KONSUMATORËT E KËSAJ LAGJE QË KANË PUSE (BUNARË) TË KONTROLLOJNË SISTEMIN E TYRE TË UJËSJELLËSIT, VEÇANËRISHT VALVULAT JO KTHYESE

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

Ferizaj

Siguria juaj fillon me zgjedhjen e duhur të sigurimit

Published

3 days ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

330 shoferë në Ferizaj gjobiten për përdorim të telefonit

Published

2 weeks ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.