Arbëri

Trajkoviq thotë se po kthehet ideja e shkëmbimit të territoreve mes Kosovës e Serbisë

Published

3 years ago

07 September, 2022

Politikania serbe, Rada Trajkoviq, ka thënë se druan që ideja e këmbimit të territoreve mes Kosovës dhe Serbisë është riaktualizuar. Këtë e ka ndërlidhur me vizitat që zëvendëskryeministri i Kosovës, Besnik Bislimi, ia bëri Luginës së Preshevës të martën dhe kryeministrja e Serbisë, Ana Bërnabiq, veriut të Kosovës.

Në një shkrim në Twitter, Trajkoviq ka komentuar lajmin që kryetari i Komunës së Bujanoci, Nagip Arifi, është pro këmbimit të territoreve. Sipas tij, do të ishte e drejtë që Serbia ta merrte veriun e Mitrovicës, ndërsa Kosova Luginën e Preshevës. Në “Interaktiv” të KTV-së, Arifi tregoi të martën se çështjen ia ka parashtruar edhe zëvendëskryeministrit Bislimi, por se s’kishte marrë përgjigje për këtë kërkesë.

“Kam dronë se përmendja e kësaj ideje të vjetër (të keqe) gjatë vizitës së Bislimit nuk ishte aksidentale. Vizitat e përnjëkohshme të Bërnabiqit në veri dhe të Bislimit në Luginën e Preshevës, më duken si orkestrim për të ringjallur idenë e ‘këmbimit të territoreve’ si kompromis ‘të pranueshëm’ për Vuçiqin dhe Kurtin”, ka shkruar Trajkoviq në Twitter.

Ideja e këmbimit të territoreve ka qarkulluar vite më parë, por në publik ajo u kundërshtua nga akterë politikë në vend si dhe nga partnerët ndërkombëtarë./Koha

Arbëri

Qyteti i Ohrit lëkundet nga tërmeti

Published

4 hours ago

16 June, 2025

Redaksia

Maqedonia e Veriut, është goditur nga një tërmet me magnitudë 4.0 ballë të Rihterit.

Njoftimi u bë Qendra Sizmologjike Evropiane-Mesdhetare.

Sipas EMSC-së, epiqendra e tërmetit, që u regjistrua në orën 04:34 sipas kohës lokale, ishte rreth 4 kilometra në veri-perëndim të zonës së qytetit të Ohrit në thellësi prej 5 kilometrash.

Përpos Ohrit me rrethinë, tërmeti u ndje edhe nga banorët në zonat kufitare me Shqipërinë dhe në qytetin e Elbasanit.

Deri më tani, nuk ka informacione për dëme të mundshme apo për persona të lënduar.

Arbëri

Në Tiranë arrestohen dy shtetas të Kosovës, dyshohen për trafikim të armëve

Published

3 months ago

01 April, 2025

Redaksia

Policia e Shqipërisë ka arrestuar në Tiranë dy shtetas të Kosovës, nën dyshimin për trafikim të armëve me vlerë rreth10 mijë euro.

Në njoftimin e policisë shqiptare thuhet se të dyshuarit, A. P., 23 vjeç dhe K. P., 53 vjeç, të dy banues në Kosovë, janë arrestuar në autostradën “Lezhë – Fushë Krujë”, nga njësiti për Hetimin e Trafiqeve të Paligjshme.

“Gjatë operacionit, shërbimet e Policisë kanë ndaluar në autostradën “Lezhë – Fushë Krujë”, automjetin me të cilin qarkullonin shtetasit A. P. dhe K. P., në të cilin, gjatë kontrollit, kanë gjetur dhe sekuestruar 2 armë zjarri pistoleta dhe municion luftarak. Nga hetimet dyshohet se këta shtetas i kanë trafikuar pistoletat nga Kosova, me qëllim shitjen në Tiranë.

Vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë derisa materialet procedurale i kaluan Prokurorisë, për veprime të mëtejshme,” thuhet mes tjerash në njoftim.

Arbëri

Arrestohet kryetari Bashkisë së Tiranës, Erion Veliaj

Published

4 months ago

10 February, 2025

Redaksia

Kryetari i Bashkisë së Tiranës, Erion Veliaj, është arrestuar mesditën e sotme me urdhër të SPAK.

Ndaj Veliajt, Prokuroria e Posaçme po kryente hetime lidhur me disa akuza, si shpërdorim detyre, korrupsion aktiv, korrupsion pasiv, mosdeklarim i pasurisë dhe pastrim parash.

Ndaj Veliajt është miratuar masa e sigurisë “arrest me burg”.

Gjithashtu mësohet se Gjykata ka miratuar masën e sigurisë “arrest në shtëpi” për bashkëshorten e Veliajt, Ajola Xoxaj. Zyrtarë të Byrosë Kombëtare të Hetimit kanë kryer disa herë kontrolle në ambientet e biznesit të bashkëshortes së Veliajt, Ajola Xoxa, dhe vëllait të tij, Arbi Veliaj, transmeton A2CNN.