Arbëri

Diplomatët iranianë fshinë pamjet e kamerave të sigurisë para se të largoheshin nga Shqipëria

Published

2 years ago

09 September, 2022

Një ditë pas largimit të stafit të ambasadës iraniane në Tiranë, godina ruhet ende nga forcat e Policisë së Shtetit.

Një pjesë e dokumenteve që ndodheshin në ambasadë u dogjën të mërkurën nga stafi iranian, por godina do kontrollohet për të gjetur prova apo dokumente me interes.

Burime për Euronews Albania bëjnë me dije se stafi ka asgjësuar dhe pamjet e DVR të kamerave të sigurisë së godinës.

Një ditë më parë forcat RENEA, njësia Anti-terror dhe njësia Anti-eksploziv u futën në ambientet e brendshme të ambasadës iraniane, pas largimit të trupës diplomatike drejt aeroportit të Rinasit.

Kryeministri Edi Rama kërkoi 2 ditë më parë që stafi diplomatik i ambasadës së Republikës Islamike të Iranit të largohet brenda 24 orëve nga Shqipëria.

Gjatë një fjalimi të publikuar në rrjetet sociale, Rama deklaroi se ky vendim i Këshillit të Ministrave, vjen pas u zbulua se pas sulmit kibernetik të 15 korrikut, qëndron Republika Islamike e Iranit. /Euronews Albania/

Arbëri

Balotazhi për president të Maqedonisë së Veriut më 8 Maj

Published

2 days ago

25 April, 2024

Redaksia

Nga rezultatet preliminare pas numërimit të mbi 99% të votave, në raundin e dytë të zgjedhjeve presidenciale në Maqedoni të Veriut, do të përballen, Gordana Siljanovska- Davkova, dhe presidenti aktual, Stevo Pendarovski.

Sipas Komisionit Shtetëror të Zgjedhjeve (KSHZ), kandidatja e partisë opozitare VMRO DPMNE-së, Gordana Siljanovska- Davkova,u rendit e para me 39.64% të votave kurse Stevo Pendarovski nga LSDM-ja, është renditur i dyti me 19.93%.

Ministri aktual i Punëve të Jashtme i Maqedonisë së Veriut, Bujar Osmani, kandidat për president nga BDI-ja, u rendit i treti pasi ka marrë 120.903 vota ose 13.36%, ndërkaq Arben Taravari nga koalicioni i partive opozitare shqiptare, është i katërti me 83.356 vota ose 9.21%.

Raundi i dytë i zgjedhjeve presidenciale bashkë me zgjedhjet parlamentare do të mbahet më 8 maj.

Arbëri

Aksidenti në Shqipëri: Shoferi nga Shkodra kurse 7 viktimat tjera janë emigrantë

Published

4 weeks ago

02 April, 2024

Redaksia

Ngjarja tragjike ka ndodhur në rrugën Këlcyrë-Permet, në orët e para të së martës, rreth orës 4:00, ku një makinë e tipit “Mercedes Benz” humbi drejtimin dhe ka rënë në anën e lumit Vjosa.

Nga ky aksident kanë humbur jetën 8 persona, ku 7 prej tyre dyshohet se ishin emigrantë të paligjshëm nga vendet e Lindjes së Mesme kurse shoferi dyshohet të jetë nga Shkodra.

Sipas raportimeve nga vendi i ngjarjes, shoferi i automjetit pasi ka hasur në një patrullë policie ka vozitur me një shpejtësi prej rreth 200 kilometrash në orë dhe duke tentuar t’i ikë policisë, e ka humbur kontrollin mbi automjetin, duke rënë në bregun e lumit Vjosa nga një lartësi prej rreth 80 metrash.

Arbëri

Në Morinë konfiskohen 11 kg heroinë – arrestohet pejani 39 vjeç

Published

2 months ago

23 February, 2024

Redaksia

Një 39-vjeçar nga Peja është arrestuar nga policia shqiptare në Morinë pasi tentoi të transportonte 11 kilogramë lëndë narkotike e dyshuar heroinë.

Në njoftim bëhet e ditur se zbulimi i narkotikëve dhe arrestimi i shtetasit kosovar A. K., u realizua në bashkëpunim me shërbimet doganore dhe të inteligjencës të Policisë Kufitare të Morinës dhe të Kosovës.

Në aksionin policor të koduar “Koordinimi” u sekuestruan 11 kilogram të substancës narkotike si dhe automjeti i tipit “Volkswagen” ku u gjet kjo lëndë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.