Kosovë

Rizvanolli hapë thirrjen e dytë për subvencionimin e pajisjeve efiçiente për ngrohje

Published

1 year ago

18 November, 2022

Ministrja e Ekonomisë në Kosovë, Artane Rizvanolli, ka prezantuar të premten rundin e dytë për ndarjen e subvencioneve për qytetarët që blejnë pajisje efiçiente për ngrohje.

Në një konferencë për media, Rizvavolli, ka thënë se pas shqetësimeve të qytetarëve, është vendosur që të ndërhyhet në disa kritere ku njëkohësisht janë shtuar edhe disa kategori tjera.

“Tani në thirrjen e dytë përveç kritereve që kanë qenë janë edhe ndryshimet në vijim. Qytetarët që janë në skemën sociale, është rritur subvencioni për inverter nga 40% me maksimum 400 euro, deri në 60% të vlerës ose jo më shumë se 550 euro. Për stufat individuale me biomasë dhe për klimat inverter, këtyre kategorive do të mundësohet që të aplikojnë me profaturë. Jemi në komunikim me komunat dhe qendrat sociale, në mënyrë që qendrat për punë sociale të shohin mundësitë për t’u ofruar mbështetje qytetarëve gjatë aplikimit ne e-Kosova. Për nënat vetushqyese kemi paraparë subvencion më të lartë për stufat individuale me biomasë deri në 90% e vlerës investime jo më shumë se 560 euro”, ka thënë Rizvanolli.

Rizvanolli qartësoi se në rundin e dytë mund të aplikojnë edhe të gjithë individët që kanë aplikuar në fazën e parë, e që nuk kanë arritur të montojnë pajisjet e tyre në kohë.

Për më shumë, në këtë rund janë përfshirë edhe konsumatorët që kanë harxhuar më pak se 800 kilovat energji elektrike dhe se për këtë kategori, mjafton që konsumatorët të kenë orën të regjistruar nga

1 nëntori 2021 deri më 31 tetor 2022 dhe do të mund të përfitojnë subvencione.

Ministrja e ekonomisë gjithashtu bëri të ditur se vitin e ardhshëm do të subvencionojnë edhe izolimet e kulmeve dhe ndërrimin e dyerve e dritareve.

“Ne qysh nga viti në vijim do të fillojmë me skema më të mëdha të efiçiencës së energjisë që përfshijnë termoizolime, izolime të kulmeve, ndërrim të dyerve dhe dritareve, por edhe pajisje efiçiente për ngrohje siç kemi bërë sivjet. Plani është që gjatë vitit tjetër 30 milionë euro së paku t’i investojmë në efiçiencë të energjisë në programe të reja e kam fjalën, përveç programeve ekzistuese që janë dhjetëra miliona në programet e efiçiencës në ndërtesa publike”, ka thënë Rizvanolli.

Sipas ministres Rizvanolli afati për aplikim në fazë e parë do të jetë i hapur nga sot deri më 25 nëntor, ndërsa afati i fundit për fazën e dytë është më 9 dhjetor 2022.

Related Topics:bgrohje Kosove ngrohje Qeveria rizvanolli

Up Next

Policia e Ferizajt arreston përsëri personin që u arratis nga stacioni policor

Don't Miss

Vidhen pllakat që lidhin binarët e hekurudhës me njëri-tjetrin

Click to comment

Kosovë

Gërvalla: Rusia po kryen sulm hibrid ndaj Kosovës

Published

16 hours ago

07 May, 2024

Redaksia

Ministrja e Punëve të Jashtme, Donika Gërvalla, ka njoftuar se Rusia aktualisht po kryen një sulm hibrid ndaj Kosovës.

Gërvalla tha se sulmi hibrid rus ndaj Kosovës po vjen pas njoftimit të mbështetjes së Kosovës me pajisje ushtarake për Ukrainën.

“Rusia sot po e sulmon Kosovën në një mënyrë hibride, pas njoftimit tonë për mbështetje me pajisje ushtarake për Ukrainën, në mbrojtjen e saj të justifikuar kundër agresionit gjenocidal rus. Ne e dimë nga gjenocidi i Serbisë ndaj Kosovës se vetëm mjetet ushtarake e ndalin gjenocidin” ka shkruar Gërvalla në rrjetin social “X”.

Russia is attacking 🇽🇰 in a hybrid attack today, following our announcement of support in military equipment for Ukraine in its justified defense against Russian genocidal aggression. We know from Serbia's genocide against 🇽🇰 that only military means do halt genocide. 🇽🇰✌️🇺🇦 pic.twitter.com/DfSAzUMG2u
— Donika Gërvalla-Schwarz (@gervallaschwarz) May 7, 2024

Kosovë

Nga 9 maji serbët mund t’i ndërrojnë patentë shoferët ilegalë në RKS

Published

22 hours ago

07 May, 2024

Redaksia

Ministria e Punëve të Brendshme ka nxjerrë vendim që u mundëson qytetarëve kalimin nga patentë shoferët e lëshuar nga institucionet ilegale serbe në Kosovë, në ato zyrtare të lëshuara nga institucionet e Republikës së Kosovës.

Në njoftim bëhet e ditur se kalimi në patentë shofer RKS nuk kërkon përsëritje të dhënies së provimit për patentë shofer, “por vetëm aplikim, të cilin çdo qytetar duhet ta dorëzojë në Qendrën për Pajisje me dokumente”.

Ky vendim hyn në fuqi me datën 9 maj dhe është i vlefshëm deri më 9 gusht 2024.

Dokumentet që duhen përfshirë në aplikim janë letërnjoftimi, origjinali i patentë shoferit të lëshuar nga ana e autoriteteve serbe, certifikata e gjendjes shëndetësore për pajisje me patentë shofer, dëshmi të pagesës së taksës dhe origjinali i patentë shoferit të lëshuar nga UNMIK-u apo RKS në qoftë se bëhet aplikimi për shtimin e kategorive, gjë e cila po ashtu është mundësuar përmes këtij vendimi të Ministrisë së Punëve të Brendshme.

Kosovë

Enver Sekiraqa dënohet me 25 vjet burgim

Published

5 days ago

03 May, 2024

Redaksia

Enver Sekiraqa është shpallur fajtor dhe është dënuar me 25 vjet burg për shtytje në vrasjen e policit Triumf Riza, në vitin 2007.

Trupi gjykues i Departamentit të Krimeve të Rënda pranë Gjykatës Themelore të Prishtinës, shpalli aktgjykimin dënues në seancën e sotme, në të cilën Sekiraqa nuk ishte prezent .

Ky është aktgjykimi i tretë në të cilin Sekiraqa dënohet për shtytjen e vrasjes së Rizës 17 vite më parë.

Për herë të parë, Sekiraqa ishte dënuar me 36 vite burgim në vitin 2016, kurse pas kthimit në rigjykim sërish në vitin 2019 u dënua me 20 vite burgim.

Në prill të vitit 2014, Prokuroria Speciale e Republikës së Kosovës kishte ngritur aktakuzë ndaj Enver Sekiraqës për tri vepra penale, për nxitje në vrasjen e Triumf Rizës, “detyrim” dhe “dhunim”, ku për këtë të fundit, gjykata e shkallës së parë e kishte shpallur të pafajshëm.

Triumf Riza u vra më 30 gusht të vitit 2007, vrasje për të cilën Arben Berisha është dënuar me 35 vjet burgim.