Ferizaj

Kërkohet ndihmë për dërgimin në Turqi të dy vjeçarit Nil Asllani për shërim

Published

2 years ago

09 March, 2023

administrator

Humanisti ferizajas Agon Zhinipotoku ka njoftuar se 2 vjeçari Nil Asllani nga Ferizaj ka nevojë për ndihmë.

Zhinipotoku njofton se Nili ka nevojë për 127 mijë euro në mënyrë që urgjentisht të niset për Turqi, përcjell TV TEMA.

Postimi i tij i plotë:

Lutje urgjente për ndihmë

Nil Asllani 2 vjeçar ka nevojë për ndihmën tonë, atij i duhet trajtim urgjent jashtë vendit. Mjekët i kanë rekomanduar për nisje në Turqi, andaj lusim të gjithë që të na ndihmojnë aq sa munden.

Shërimi i tij kushton 127 mijë euro, Nili është djali i vetëm i veteranit të UÇK-së Muharrem Asllanit.

Pas shumë kërkesave nga ana e familjes, ne marrim përsipër që t’i ndihmojmë të mblidhen paratë e nevojshme për shërim, e nesër dhe pasnesër (e premte, e shtunë) do të jemi në sheshin e qytetit të Ferizajt.

Bashkë mund t’ia dalim, Nilin lusim Zotin ta shëroj

Të gjithë ata që duan të ndihmojnë mund ta bëni në llogarinë e nënës së tij Gyltene Asllani:

Llogaria për ndihmë nga jashtë Kosovës:

XK051940008033021148

Llogaria për Kosovë:

BKT: 1940008033021148

Swiftcode:

NCB

Ferizaj

Lëndohet një person në vendin e punës në Ferizaj

Published

2 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

4 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

4 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.