Ferizaj

KKZ pranon materialin josensitiv për zgjedhje

Published

7 years ago

02 October, 2019

Materiali josensitiv për zgjedhjet parlamentare që do të mbahen këtë të diele, tashmë ka arritur në objektin e komunës së Ferizajt.

Kryetari i Komsionit Komunal Zgjedhor në Ferizaj Shaban Rexha, tha se ky material këto ditë do të shpërndahet nëpër qendrat e votimit, ndërsa fletëvotimet apo materiali i ndjeshëm do të arrijë një ditë para zgjedhjeve.

“Një pjesë të materialit jo të ndjeshëm e kemi pranuar, kutitë e votimeve dhe kabinat, këto ditë presim edhe materialin administrativ që shkon një ditë para zgjedhjeve tek menaxherët e shkollave dhe materiali sensitiv pritet të vijë të shtunën. Kompetentë për materialin sensitiv është KQZ-ja, ndërsa problemin me vula e ka tejkaluar me kohë dhe besoj që nuk do të kemi probleme në ditën e zgjedhjeve”, tha Rexha.

Rexha, njoftoi se ferizajasit do të mund të kryejnë obligimin e tyre ligjor në 44 qendra të votimit me 147 vendvotime. Ai, poashtu tha se KKZ në Ferizaj ka angazhuar më shumë se 1 mijë komisionerë, derisa numri i vëzhguesve ende nuk dihet.

“Jemi në fazën intensive të përgatitjes, jemi në fazën përfundimtare të trajnimit të anëtarëve të këshillave të vendvotimeve, nesër e kemi trajnimin e fundit të kryesuesve dhe me këtë po shkojmë drejt zgjedhjeve të 6 tetorit. Ne kemi bërë verifikimin e shkollave, të gjitha kushtet teknike janë plotësuar, për mbarëvajtjen e zgjedhjeve kemi caktuar edhe personelin, menaxherë të shkollave, zyrtarët e tavolinave ndihmëse, kemi caktuar edhe kombi-busët që do t’i bartin kutitë e votimit, po ashtu jemi duke qëndruar në kontakte të vazhdueshme edhe me policinë“, tha Rexha.

Në Komisionin Komunal Zgjedhor në Ferizaj, thanë se në këtë qytet nuk është paraqitur ndonjë ankesë e theksuar sa i përket fushatës zgjedhore.

Ndryshe, numri i votuesve në komunën e Ferizajt për zgjedhjet e parakohshme parlamentare që do të mbahen më 6 tetor, është mbi 100 mijë.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.