Ferizaj

Kandidatët më të votuar për deputetë nga Ferizaj

Published

6 years ago

09 October, 2019

Nga numërimi i deritanishëm i votave të kandidatëve për deputetë nga komuna e Ferizajt, del se Valon Ramadani nga Lëvizja Vetëvendosje ka marrë mbi 8 mijë vota, pas tij radhitet Hekuran Murati me 7 mijë vota, Haki Abazi me mbi 5 mijë, Dimal Basha me 5 mijë e 500, Enver Haliti afër 2 mijë e 800 dhe Shqipe Metaj-Isufi me 2 mijë e 500 vota.

Nga Partia Demokratike e Kosovës, sipas rezultateve preliminare për komunën e Ferizajt, prin Elmi Reçica me 7 mijë e 972 vota, pas tij Gazmend Bytyçi me 6 mijë 482 vota, Bajrush Xhemajli me 5 mijë e 608 vota, Mexhide Mjaku-Topalli me 3 mijë e 312 vota dhe Mustafa Grainca me 2 mijë e 867 vota, i cili pas këtij rezultati dha dorëheqje nga strukturat e partisë.

Kurse, nga Lidhja Demokratike e Kosovës, Muharrem Svarqa ka marrë 4 mijë e 500 vota, përafërsisht njëjtë me Adem Salihajn, Dardan Bibajn dhe Saranda Musliun.

“Ne sillemi diku 4 mijë e 500 vota, të tjerët diku 4 mijë, afërsisht ka vota të njëjta dhe kjo tregon që ne kemi punuar në mënyrë të barabartë të gjithë për një dhe një për të gjithë, nuk kemi pasur ndonjë distancë me përjashtim që unë kam pak më shumë vota se të tjerët diku rrreth 4 mijë e 500 pa u numëruar akoma 7 vendvotime, besoj që votat edhe nga jashtë Ferizajt që do të publikohen do ta nxjerrin ndonjërin përfaqësim. Sa i takon përfaqësimeve mendoj se kandidatë më potencial për të qenë në Kuvendin e Kosovës jemi unë, Adem Salihaj, Saranda Musliu dhe Dardan Bibaj”, tha Svarqa.

Svarqa, thotë se LDK e ruajti votën që e kishte në zgjedhjet e 2017-tës, por nuk e koncentroi edhe tek kandiatët ferizajas.

“Të gjithë kanë marrë vota, Ferizaj nuk ka arritë që ta koncentroj votën në Ferizaj për shkak edhe të numrit të madh të kandidatëve, pasi si asnjëherë më parë LDK-ja ka pasur 7 kandidatë të nominuar nga dega e Ferizajt, qëllimi ynë ka qenë që të rritet vota e partisë me kushtin edhe të rrezikimit të fitores individuale të kandidatëve të partisë, sepse ne kemi vënë interesat e partisë mbi interesin personal dhe mendoj se kjo ka rezultuar që ne te kemi një mobilizim të munguar në këto dy vitet e fundit“, tha Svarqa.

Kurse sa i përket koalicionit AAK-PSD në këto zgjedhje, kandidati për deputet Xhavit Zariqi mori 2 mijë e 100 vota, ndërsa Labinot Tahiri ka arritur të marrë vetëm 1 mijë e 209 vota në Ferizaj.

Ferizaj

Policia e Ferizajt apelon për kujdes në trafik shkaku i shembjes së mundshme të gurëve

Published

4 days ago

04 November, 2025

Redaksia

Për shkak të reshjeve të shiut që kanë përfshirë rajonin, Policia Rajonale e Ferizajt apelon tek të gjithë shoferët që qarkullojnë në rrugët malore Shtërpcë-Brezovicë, Shtërpcë-Prevallë, Kaçanik-Hani Elezit dhe Glliboçicë që të tregojnë kujdes të shtuar gjatë ngasjes.

Kushtet aktuale të motit me shi kanë shkaktuar rrugë të lagështa, dukshmëri të kufizuar dhe rrezik të shtuar për aksidente trafiku.

Po ashtu, në disa segmente të këtyre akseve mund të ketë shembje gurësh, rrëshqitje dhe pengesa të tjera, që mund të rrezikojnë qarkullimin e automjeteve.

Në këtë drejtim, Policia rekomandon që shoferët të respektojnë disa këshilla të rëndësishme për ngasje të sigurt:

– Mbani dritat e ndezura për të përmirësuar dukshmërinë dhe për t’u bërë më të vërejtshëm për pjesëmarrësit e tjerë në trafik.

– Zvogëloni shpejtësinë, pasi rrugët e lagështa kërkojnë distancë më të madhe për frenim të sigurt.

– Shmangni shpërqendrimet, sidomos përdorimin e telefonit gjatë ngasjes.

– Mbani distancë të mjaftueshme nga automjetet përpara për të shmangur aksidentet.

Në këto rrugë malore, tregoni kujdes shtesë ndaj shembjeve të gurëve dhe pengesave që mund të paraqiten papritur në rrugë.

Policia Rajonale e Ferizajt rikujton se reshjet e shiut kërkojnë përgjegjësi dhe kujdes më të madh në trafik.

Ferizaj

Në Ferizaj arrestohen dy të dyshuar për trafikim të kokainës

Published

1 week ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

2 weeks ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.