Ferizaj

Vazhdon seanca gjyqësore ndaj ish-drejtorit Faik Grainca

Published

7 years ago

10 October, 2019

Në Gjykatën Themelore të Ferizajt, sot ka vazhduar seanca gjyqësore ndaj ish- drejtorit të Urbanizmit Faik Grainca, i cili dyshohet për keqpërdorim të detyrës zyrtare dhe falsifikim të dokumentit zyrtar me rastin e hartimit të Planit Zhvillimor Komunal, ku bashkë me Graincën akuzohen edhe dy persona të tjerë të rrugës “Astrit Bytyqi” të Ferizajt për të cilët dyshohet se ishin të involvuar në falsifikim të peticionit të nënshkrimeve të banorëve.

Në seancën e sotme, në cilësinë e dëshmitarit ishte i ftuar Faruk Lipovica banor i rrugës “Sterio Spasse”, e cila gjendet pranë rrugës “Astrit Bytyqi” në Ferizaj. Pala e dëmtuar, Imri dhe Bekim Haliti, dyshojnë se ai ishte mbledhës i nënshkrimeve, por që Lipovica e mohon këtë, duke thënë se ai vetëm e kishte udhëzuar Arben Kurteshin, dorëzuesin e peticionit, se si përgatitet një peticion.

“Unë jam nënshkrues i peticionit , por jo edhe dorëzues”, tha Lipovica.

“A keni mbledh ju nënshkrime në rrugën “Astrit Bytyqi”?, pyet Imri Haliti.

“Asnjë nënshkrim nuk e kam mbledh, unë personalisht jo, unë nuk kam shku nëpër shtëpi me u kërku nënshkrime“, tha Lipovica.

“Tekstin e këtij peticioni a e keni formuluar ju”?, pyet Haliti.

“Unë gojarisht Arbenit i kam tregu qysh bëhet, unë nuk e kam bë, Arbeni më ka pyet, e kam komshi, edhe më ka pyet se si bëhet një peticion, unë gojarisht i kam tregu kështu bëhet edhe më vonë si e ka bë nuk e di”, u përgjigj Lipovica.

Imri Haliti, pyeti Lipovicën nëse i kishte thënë Fidan Imerit, vëllaut të gruas së tij, që të mbledh nënshkrime.

“A është e vërtet se Fidan Imerit ia keni dorëzuar peticionin me fleta blanko që të del dhe të mbledh nënshkrime sa më shumë“?, pyeti Haliti.

“Nuk më kujtohet, ka kaluar kohë e gjatë“, u përgjigj Lipovica.

Por, para trupit gjykues, Fidan Imeri, mik i Lipovicës, jep një version tjetër . Imeri, i cili dëshmoi pas Lipovicës, e pranon se kishte mbledhur disa nënshkrime të familjarëve të tij pro ndërtimit të lartë dhe formularin e këtij peticioni thotë se mori nga Lipovica.

“A të kujtohet kush ta ka dorzëu për me mbledh“?, pyeti Haliti.

“Veç na kanë thënë për zonën e tetë, e kam marrë nga Faruki, më ka thënë për zonën e tetë dhe e kam dorëzu te Farku, nuk kam të bëj asgjë tjetër veç kam dashur për ndërtim të shtëpisë sime“, tha Imeri.

Seanca e radhës gjyqësore ndaj ish-drejtorit Grainca, u caktua të mbahet më 5 nëntor.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

1 week ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.