Ferizaj

Komuna vonon pagesën e biletave mujore për nxënësit me gjendje të rëndë ekonomike

Published

7 years ago

07 November, 2019

Komuna e Ferizajt ende nuk ka kryer pagesat e biletave mujore të udhëtimit për nxënësit me gjendje të rëndë sociale edhe pse një gjë e tillë është dashur të bëhet qysh në shtator. Lidhur me këtë, shqetësim shpreh asamblisti i Kuvendit Komunal, Xhevat Sallahu.

“Ky problem është këtë vit ngase edhe për instuticionet komunale nuk është diçka e re ngase si çdo vit ndihmon këto familje, këta nxënës që të vijojnë shkollimin në shkollat e mesme të Ferizajt dhe mua më çudit fakti pse kemi hyrë në muajin e tretë dhe nuk është marrë asnjë masë për këtë kategori të qytetarëve, nxënësve të këtyre familjeve me gjendje të rëndë ekonomike sociale. Ka njerëz bamirës që i ndihmojnë ndokujt, por nuk munden të vazhdojnë tërë vitin të ndihmojnë në këtë mënyrë. Ka nxënës që ka mundësi ta ndërprejnë vitin shkollor ngase nga fshatrat e largët kushton deri 20 euro për një fëmijë që të shkollohet në qytet, në shkollat e mesme të Ferizajt”, theksoi Xhevat Sallahu.

Ndërsa, drejtori iArsimit në Ferizaj, Afrim Llabjani, tregon arsyet e vonesës së pagesës.

“Këtë vit është vonuar pak procesi për shkak të moszhvillimit të procedurave, sepse në një kohë e kemi pasur një procedurë e cila ka funksionuar deri në muajin tetor, ndërsa nga muaji tetor jemi në përgatitje të një projekti tjetër, një kërkese tjetër përmes Zyrës së Prokurimit ku është dashur t’i ndajmë në shumë lloto nxënësit se nga udhëtojnë, sepse ne kemi shumë fshatra dhe të gjitha këto fshatra gravitojnë me mësim në shkollat e mesme të komunës së Ferizajt dhe po besojmë që shumë shpejt ne do ta kryejmë këtë procedurë dhe së shpejti ta kryejmë si proces këtë në mënyrë që nxënësit të mos kenë pengesa, sepse kanë filluar edhe të shtohen kërkesat edhe nga vet nxënësit, prindërit, por edhe nga kompanitë të cilat në fakt janë duke e kryer këtë punë”, u shpreh Afrim Llabjani.

Shuma e këtij projekti dallon nga viti në vit për shkak të numrit jo të njëjtë të nxënësve që aplikojnë vit pas viti për këtë lloj pagese.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

1 day ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

Ferizaj

Arrestohet i dyshuari për plagosjen e dy personave me thikë në Ferizaj

Published

1 day ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

1 day ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.