Ferizaj

Klubi i Karatesë ”Sharri” kthehet me medalje nga Turneu Ballkanik i Karatesë

Published

6 years ago

16 December, 2019

Në mesin e fituesve të Turneut Ballkanik të Karatesë që është mbajtur ditën e djeshme në Shkup të Maqedonisë së Veriut është edhe klubi i karatesë ”Sharri” nga Ferizaj si përfaqësues i Kosovës. Fituesi i vendit të parë, Fatijon Bajrami nga Ferizaj, tha se kjo medalje i jep vlerë gjithë lodhjes gjatë stërvitjeve.

“Kjo medalje për mua ka vlerën shumë të madhe, sepse është medalje e kampionatit ballkanik. Për këtë kampionat ballkanik ne jemi stërvitur shumë. Për këtë medalje i falënderoj trajnerët e mi, kryesinë e klubit, familjen time dhe të gjithë ata që më kanë mbështetur në këtë turne dhe shumë turne të tjerë. Ushtroj që 8 vite, nga viti 2011, kam marrë edhe shumë medalje të tjera, por kjo është nja nga medaljet më me vlerë për mua deri më tani në vitin 2019. Dje unë kam marrë vendin e parë në “kadeti i disiplinës së komitetit”, minus 63 kg. Në kategorinë time kanë qenë rreth 20 garues dhe nga 20 garues unë kam dalë finalisti duke u stolisur me medalje të artë që e kam marrë vendin e parë”, tha Fatijon Bajrami.

Ndërsa, Shemsi Shaqiri trajner i klubit “Sharri” të Ferizajt, tha se po të mos ishin problem vizat, talenti i të rinjve ferizajas në karate do të shihej në të gjithë botën.

“Ne kemi dëshirë të marrim pjesë në turne evropiane, por mungesën ne e kemi si shtet që nuk kemi viza edhe momenti që po na jepet një mundësi ne të shkojmë ashtu siç është mbajtur turneu ballkanik në Maqedoni po shihen sukseset. Problemin e kemi më së shumti që ne nuk kemi viza që të shkojmë e t’i ndjekim garat rregullisht, ajo është edhe arsyeja pse ne nuk po mund të dalim në evropian ose botëror të marrim pjesë, pse nuk sjellim medalje në Ferizaj është arsyeja e vetëm kjo, nuk kemi arsye të tjera. Klubi punon rregullisht, garuesit i kemi shumë të mirë, disiplina është në rregull, janë të gjitha në rregull”, tha Shemsi Shaqiri.

Nga klubi “Sharri” në turneun e karatesë në Maqedoni të Veriut fitues i vendit të dytë ishte Altin Maloku, ndërsa Rona Emërllahu u shperblye me medaljen e vendit të tretë.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

2 days ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

3 days ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Ferizaj

Policia godet një rrjet të kontrabandës së kafshëve në Ferizaj

Published

4 days ago

20 May, 2026

Redaksia

Policia kufitare ka realizuar një operacion në fshatin Rakaj të Ferizajt, nën dyshimin për kontrabandë të dhe mbajtje të paligjshme të kafshëve.

Në njoftimin e policisë bëhet e ditur se gjatë kontrollit të njësive policore dhe inspektorit të Agjencisë së Ushqimit dhe Veterinës (AUV), në pronën e të dyshuarit L.K dhe dy lokacione tjera, janë gjetur 100 krerë dele pa numra matrikulli dhe pa asnjë dokumentacion përcjellës mbi origjinën apo kontrollin veterinar.

Me vendim të Prokurorit të Shtetit rasti po trajtohet si “Kundërvajtje doganore” dhe i është dorëzuar Doganës së Kosovës në Han të Elezit për procedim të mëtutjeshëm.