Ferizaj

”Kosova Model” synon tregun zviceran

Published

7 years ago

27 December, 2019

Udhëheqës të kompanisë ndërtuese “Angles Renovations” nga Zvicra kanë vizituar kompaninë prodhuese “Kosova Model” në Koshare të Ferizajt. Pronari i kompanisë “Kosova Model”, Bekim Sopaj, tha se qëllimi i vizitës së zvicëranëve është bashkëpunimi mes dy kompanive.

“Këta janë kompani ndërtuese dhe kanë ardhur për të shikuar produktet tona, materialet tona, kuzhinat tona dhe këta janë të interesuar për ta lidhur një bashkëpunim dhe këta pretendojnë në ndërtimet e tyre të larta që i kanë në Gjenevë dhe në të gjithë Zvicrën, pretendojnë t’i marrin produktet tona e sidomos kuzhinat. Me këtë kompani kemi qenë në kontakt që një kohë të gjatë në bazë të arkitektëve dhe me zotëri Gabriel dhe me zotëri Michel kemi pasur kontakt edhe të mëhershëm në lidhje me produktet tona, me eksportet dhe vetëm kanë filluar eksportet e para ose mund të them mostrat e para drejtë Gjenevës. Arsyeja e ardhjes sot në “Kosova Model” është shumë e madhe dhe është vendimtare për kompaninë tonë, sepse ka ardhur mund të them njeriu më i madh i ndërtimit në Gjenevë sot në “Kosova Model” për t’i parë produktet vendore, për t’i prekur, për t’i shijuar”, tha Bekim Sopaj.

Ndërsa, vizitorët nga kompania ”Angles Renovations” thanë se fillimisht do të bashkëpunojnë në eksportimin e prodhimit të kuzhinave të “Kosova Model”.

“Kemi ardhur vetëm për kuzhina sepse kuzhinat na kanë pëlqyer, më vonë do të jemi për dritare, dyer e të tjera prodhime sepse jemi shumë të kënaqur me kuzhinat fillimisht. Jemi shumë të kënaqur për momentin, mendojmë se do të jemi shumë të kënaqur, do të jemi në dakord, për këtë arsye do të vazhdojmë më tutje”, tha Gabriel Scuderi, menaxher në “Angles Renovations”.

“Nëse arrihet një dakordim mes kompanive atëherë “Kosova Model” do të jetë e përfaqësuar në të gjithë tregun zviceran përmes përfaqësuesëve të “Angles Renovations”, tha Michel Scuderi, drejtor i “Angles Renovations”.

Fabrika prodhuese “Kosova Model” ka filluar eksportin në tregun evropian që nga viti 2008.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.