Ferizaj

Basha ftohet nga Gjykata e Ferizajt pas padisë së Graincës për shpifje

Published

6 years ago

31 January, 2020

Deputeti i Lëvizjes Vetëvendosje Dimal Basha nga Ferizaj, këto ditë ka pranuar ftesë nga Gjykata Themelore e Ferizajt për t’u paraqitur në gjykatë. Kjo ftesë Bashës i ka arritur pas ngritjes së padisë për shpifje dhe denigrim të personalitetit nga zëvendësministri në detyrë Mustafë Grainca, para 6 muajve.

Basha thotë se do t’i përgjigjet kësaj ftese, duke theksuar se përmes kësaj padie Grainca synon ta ndalë për të mos ngritur zërin ndaj dukurive negative .

“Unë po e kuptoj se kapërcimi nga babadimër në zëvendësministër është një hap i madh dhe ua jep vetëbesimin këtyre pushtetarëve të paprekshmërisë që mendojnë se ne nuk guxojmë me ua shpalosë shkatërrimet që kanë bërë pasi ky është një ndërtues në qytetin e Ferizaj, këta ndërtojnë për vete, por na shaktërrojnë neve. Të gjithë e dinë se Ferizaj është denigruar nga ndërtimet e egra me zero kritere që janë bërë. Unë nuk e marrë këtë përveçse një kërcënim për me më ndalë, por unë mund të them se zgjedhjet e tetorit ku unë jam zgjedhur deputet nga Ferizaj dhe kam marrë një mbështetje të madhe nga Ferizaj dhe mendoj që ka qenë mu për shkak të kundërshtimeve të mia ndaj atyre që njihen si mafia e betonit dhe zotëri Mustafa ka qenë kandidat e kanë lënë qytetarët tek shtëpia duke ia teguar vendin që ka me gjithë paratë e mundin që ka bërë, kështu që unë mendoj se jam në rrugën e duhur, me u frikësu nuk frikësohem, do të vazhdoj dhe mendoj se kjo punë ka me ardhë duke u intensifikuar, kurse padisë unë do t’i përgjigjem pasi është obligim ligjor, por aty nuk ka asgjë përveç përgjegjësive që këta duhet me i dhënë për shkatërrimet që ia kanë bërë qytetit”, tha Basha.

Basha, thotë se ka fakte për të dëshmuar deklarimet që i ka bërë ndaj Graincës.

“Ndoshta e ka bërë për të pastruar emrin e vet, por nuk pastrohet sepse edhe nëse e pastron emrin e vet ndyrësirat që i ka lënë, ato ndërtimet e egra vazhdojnë me jetu bashkë me neve, atë pluhurin, shkatërrimin e pronës publike që ka ndodhë në qytetin e Ferizajt, ato ne jemi duke i përjetuar. Unë kam bërë edhe intervistë me edukatoret e çerdhës ku 200 fëmijë nuk kanë guxuar me i qit në oborrin e çerdhës për shkak të pluhurit dhe zallit që është krijuar nga ndërtesat ku një nga to z. Grainca është pronarë, prandaj nëse mendoni se unë duhet me u dorëzu dhe me bë kompromis me fëmijët tanë për me i akomodu disa njerëz që duan me ndërtu me i na e prishë pronën publike unë këtë kurrë nuk e bëj”, u shpreh Basha.

Në anën tjetër, i kontaktuar përmes telefonit, zëvendësministri në detyrë Mustafë Grainca, duke mos pranuar të pronocohet para kamerës, tha se është në dorën e Gjykatës që të vendos për këtë rast dhe se pret epilogun e tij.

Ferizaj

Ngritët aktakuza e parë për zgjedhjet e 28 dhjetorit

Published

1 week ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

1 week ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.