Ferizaj

Qytetarët grumbullojnë rezerva ushqimore

Published

7 years ago

12 March, 2020

Pas panikut që është krijuar nga Koronavirusi, edhe qytetarët e Ferizajt sot ia kishin mësyer me të madhe marketeve.

Shportat e tyre kryesisht ishin të mbushura me miell, vaj dhe sheqer. Ata thanë se pasi ky virus është shpallur pandemi globale, dëshirojnë t’i kenë rezervë në shtëpitë e tyre produktet elementare. Qytetarët theksuan se raftet e marketeve kanë filluar të zbrazen dhe pikërisht atë çfarë e kërkuan më së shumti nuk e gjetën, si dezinfektues e mjete të tjera higjenike.

“Unë besoj se nuk është për me u frikësu aq shumë, siç kemi dëgjuar e lexuar është pak si një grip i zakonshëm, por familja insiston që të kemi diçka më shumë afër vetës dhe po duhet”, tha Islam Berisha.

“Blerje e rëndomtë, për firmë jam duke marrë, por shoqja mbrëmë më tha që të marrim, por i thash që jo, nuk jam duke e besuar që mund të ketë diçka, por sot e pashë që populli është duke u frikësuar, çmimet ishin të njëjta. Nuk duhet të ketë panik, ndoshta ka qenë virusi tek ne po e kemi kaluar dhe nuk e kemi vërejtur. Më porositën nga shtëpia që të blej dezinfektues, kërkova sot por nuk kishte, po edhe për produkte të tjera kishte mungesë nëpër rafte”, tha Xhabir Elezi.

“Është projekt amerikan me shitë mallin, në Kosovë asnjë nuk është i sëmurë, nuk jam duke marrë miell, se kemi miell të sa duash“, tha një tjetër qytetar.

Kurse, pronari i “Plus Marketit”, Sylejman Neziri, tha se këtë javë është rritur dukshëm numri i konsumatorëve. Ai njoftoi se në fillim të kësaj jave në depon e tij kishte mbi 50 ton miell, ndërsa sot i kanë mbetur vetëm edhe 10 ton.

“Që tri ditë është shtuar dukshëm numri i konsumatorëve, më së shumti marrin gjërat elementare, si çaj, sheqer, miell, kripë. Miell janë duke marrë dukshëm më shumë, i kemi pasur 50 ton miell, nuk kanë mbetur as 10 ton, ne jemi duke u dhënë vetëm 75 kilogram apo tre thasë, e kam kufizu, pasi dikush ka mundësi të marrë 10 ton përnjëherë e dikush nuk ka mundësi, prandaj e kam bërë kështu”, tha Neziri.

Neziri thotë se nuk do t’i rrisë çmimet e artikujve, por nëse rritet çmimi i importit atëherë do të jenë të detyruar të rrisin çmimet.

“Në “Plus Market” nuk janë rritur çmimet, janë të njëjta siç kanë qenë para 1 muaji, por nëse marrim artikullin e ri është diçka tjetër, ajo nuk varet nga ne”, tha Neziri.

Përveç në markete, dezinfektues dhe maska nuk po gjenden as në barnatore. Edhe në ato që gjenden çmimi i tyre është rritur për 100%.

“Për momentin nuk kemi, presim me na furnizu gjatë ditës, për momentin është mungesë, që dy javë është mungesë për shkak të çmimit, çmimi i maskave është shumë i lartë kanë qenë 10 cent e tani janë mbi 1 euro, ashtu edhe dezinfektues, por çmimi luan nga firma importuese, tani në këtë kohë dezinfektuesit janë nga 1.20 deri në 7 euro, më herë kanë qenë më lirë tani në këtë kohë janë shtrenjtuar”, tha farmacisti Shefki Maloku.

Këto ditë punën e kanë intensifikuar edhe inspektorët e tregut.

“Inspektorati i tregut është mobilizuar, edhe ne kemi bërë kontrollet e tona që na takojnë neve, kemi shiku çmimet nëse na përputhen me arkë, nuk vërehet ndonjë ngritje e lartë e çmimeve, ndonjë dukuri tjetër nuk kemi hasur. Në bazë të ligjeve që ne i zbatojmë ne kemi të bëjmë me ekonomi të lirë të tregut, çmimet variojnë, por konsumatori duhet të kërkoj aty ku është më lirë, ndërsa ne si inspektorë të tregut nuk kemi të drejtë të ndërhymë tek ngritja e çmimeve“, tha Besim Uruçi, inspektor.

Gjatë ditës së sotme Ministri i Financave dhe Transfereve Besnik Bislimi, në një konferencë të jashtëzakonshme, ka kërkuar nga qytetarët që të kontaktojnë Administratën Tatimore të Kosovës në rast se vërejnë ngritje të çmimeve nëpër markete dhe nëse një gjë e tillë vërtetohet dënimet do të jenë të pashmangshme.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar