Zvicra e përshëndet heqjen e tarifës, kërkon unitet kundër pandemisë

Published

4 years ago

03 April, 2020

Ambasada e Zvicrës në Kosovë ka lëshuar një kumtesë për mediume lidhur me situatën politike në vend, dhe angazhimet në luftë kundër pandemisë COVID-19.

“Deklaratë e shtetit të Zvicrës për situatën aktuale në Republikën e Kosovës
Shëndeti dhe mirëqenia e njerëzve duhet të jenë prioriteti i lartë i shtetit. Për t’u ballafaquar me efikasitet në luftën kundër pandemisë aktuale COVID-19, Zvicra u bën thirrje të gjitha institucioneve të Republikës së Kosovës që të bashkëpunojnë me qeverinë në detyrë, dhe të vendosin në prioritet mbrojtjen dhe nevojat e qytetarëve.
Në veçanti, është e rëndësishme që të gjithë akterët ta respektojnë kushtetutën dhe të përmbahen nga manovrimi politik në këtë kohë krize.
Ne gjithashtu bëjmë thirrje për një bashkëpunim pragmatik dhe të qetë midis Kosovës dhe Serbisë në luftë kundër pandemisë COVID19. Ne mirëpresim qasjen e hapur të autoriteteve të Kosovës për të mundësuar ndihmë mjekësore nga Serbia.
Zvicra e mbështet procesin e normalizimit ndërmjet Kosovës dhe Serbisë me lehtësimin e BE-së, dhe e mirëpret vendimin e Qeverisë në detyrë për heqjen e tarifave për mallrat nga Serbia dhe Bosnja dhe Hercegovina. Normalizimi efektiv kërkon respekt të ndërsjellë, një rrafsh të barabartë të lojës dhe parime të qarta.
Ne e mirëpresim angazhimin e përbashkët të liderëve të Kosovës për të rifilluar dialogun me Serbinë bazuar në premisat se integriteti territorial i Kosovës do të ruhet dhe se interesat e qytetarëve do vendosen në rend të parë.”

Në Maqedoninë e Veriut sot ka nisur heshtja zgjedhore

Published

6 days ago

23 April, 2024

Redaksia

Në Maqedoninë e Veriut sot ka nisur heshtja zgjedhore pasi nesër mbahet raundi i parë i zgjedhjeve presidenciale

Heshtja zgjedhore përfundon më 24 prill në orën 19:00, kur mbyllen vendvotimet.

Si zakonisht, gjatë ditës së sotme në votimet paraprake të drejtën e tyre qytetare do të kenë mundësi ta ushtrojnë të sëmurët dhe personat e pafuqishëm, të burgosurit në shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.

Zgjedhjet e shtatë presidenciale në Maqedoninë e Veriut do të mbahen të mërkurën, më 24 prill, ndërsa raundi i dytë i mundshëm i tyre, së bashku me zgjedhjet parlamentare, është caktuar pas dy javësh, më 8 maj.

Botë

Bitcoin me rekord historik – kalon vlerën mbi 71 mijë dollarë

Published

2 months ago

11 March, 2024

Redaksia

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Botë

Bosnje-Hercegovina goditet prej një tërmeti rreth 4-shkallësh

Published

2 months ago

19 February, 2024

Redaksia

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/